Yuda 1:1 - Baibuli I Leb Kumam 2013

¹ Baluwa kowok kibut Yuda ngatic ka Yesu Kirisito, kame obedo omin me Yakobo. But jo kame kolwongo, jo kame tie i amara ka Rubanga Papa, jo kame kotie gwoko di kodaro kede Yesu Kirisito.

Yuda 1:1 Iomraidhean Croise

Matayo 10:3

Pilipo kede Batulumayo, Tomasi kede Matayo ngarar esolo, Yakobo wot ka Alipayo, kede Tadeo.

Matayo 13:55

Mam wot ka ngapac ine? Mam nying toto mere Maria? Imiegu mege en Yakobo, Yosepu, Simoni kede Yuda.

Marako 3:18

kede Anderia, Pilipo, Batulumayo, Matayo, Tomasi, Yakobo wot ka Alipayo, Tadeo, kede Simoni kame oudo tie i ekodet kalikame mito apugan me kare nono,

Marako 6:3

En mam ebedo ngapac, wot ka Maria, kede omin me Yakobo, Jose, Yuda kede Simoni? Mam amiegu mege da tie kede wa kan?” Di do cuny gi oko dage.

Luka 6:16

kede Yuda wot ka Yakobo, kede do Yuda Isikariot, kame bin oko rupao Yesu.

Yokana 12:26

Ka ngatamoro mito tic pira, poore en eluba, tetekeny kakame ango abedo iye, en kakame ngatic na da bino bedo iye. Di do Papa na ko bino nyuto wor i kom ngat nono.

Yokana 14:22

Yuda (weko Isikariot) oko waco ne be, “Rwot, in ibino nyutere but wan kenwa benyo benyo di likame iko nyutere ne jo me piny?”

Yokana 15:16

Wun likame iyeranu, do ango ayero wu ako cwano wu be poore iotunu di ikounu nyako anyakini, doko da be, anyakini wu poore bedo nakanaka, tetekeny Papa mi wu gimoroni kame ikwaenu i nyinga.

Yokana 17:15

Ango likame akwao be ikwany gi ki piny, do be igwok gi kibut Ngarac.

Yokana 17:17

Lony gi kede ateni; kop nin en ateni.

Yokana 17:19

Ango amio kuo na buti pirgin, me wek gida kimi kuo gi buti i ateni.

Yokana 6:39

Gikame ngat oora mito en ine be, likame apoore rwenyo ngatamoro kikom jo dedede kame en emia, do miero ayaruno gi i ceng me ajikini.

Tice 1:13

Kakame kituno kede i bomba, kiko ot donyo i agola me malo kakame oudo kibedo iye; gin oudo Petero, Yokana, Yakobo kede Anderia, Pilipo kede Tomasi, Batulumayo kede Matayo, Yakobo wot ka Alipayo, Simoni kame bin tie i ekodet me jo kalikame mito apugan me kare nono, karacel kede Yuda wot ka Yakobo.

Tice 20:32

“Doko nan ango aweko wu i cing Rubanga, kede i kop me kisa mere, kop kame twero gero wu di eko mino iudunu kabedo i dier jo dedede kame Rubanga otieko lonyo.

Tice 27:23

Pien iwor aoki, malaika ka Rubanga na kame ango aworo ocungo i ngeta,

Joroma 1:1

Baluwa kowok kibut Paulo ngatic ka Yesu Kirisito, ngat kame kolwongo pi bedo ngaor, di oko poke pi tuco ejiri ka Rubanga.

Joroma 1:6

Man ribo kiton wuda jo kame kolwongo wu pi doko jo ka Yesu Kirisito.

Joroma 16:18

Pien epone me jo nogo likame tio ne Rwot wa Kirisito, do kitio pi cobo mit gi. Gin kingalo jo kame tam gi likame tut kede kope gi amit, kame winyo ber.

Joroma 6:22

Do bala kame nan kotieko gonyo wu kede ki dub di ikounu doko ipasoi ka Rubanga, gikame ibinunu udo en bedo jo kolonyere, kede adwokini mere en kuo kame bedo nakanaka.

Joroma 8:30

Jo kame en oudo egeo moko kop gi sek bin en eko lwongo da; jo kame elwongo, en eko da mino gi kidoko jo kopoore; jo kame emio odoko jo kopoore, en eko da mino gi deyo.

Joroma 9:24

akadi kiton wada jo kame elwongo wa, likame kibut Iyudayan kenekene, do kibut jo kalikame Iyudayan da.

1 Jokorinti 1:2

But jo koyei Rubanga i Korinti, jo kame kolonyo i Kirisito Yesu, gin jo kame Rubanga olwongo pi bedo jo mege kacil, karacel kede jo dedede i kabedo dedede kame lwongo nying Rwot Yesu Kirisito, en Rwot gi kede merwa da.

1 Jokorinti 6:11

Jo mogo kikom wu oudo cal kamagonogo. Do wun kotieko lwoko dub wu, kotieko lonyo wu, kotieko mino wu idokunu jo kopoore pi nying Rwot Yesu Kirisito kede pi Tipo ka Rubanga wa.

Joepeso 5:26

En etimo man tetekeny emie edok gikacil pi kop mere, ingei lwoke i pii kame lonye,

1 Jotesalonika 2:12

Wan oudo obako dog wa ne ngat acelacel kibutu, omio wu nwangcuny kede owaco ne wu lubo epone me kuo kame poore i nyim Rubanga, ngat kame lwongo wu i Ajakanut kede i deyo mere.

1 Jotesalonika 5:23

Ango akwao Rubanga won mulem, en kikome elony wu atwal atwala; egwok tipo wu kede cunyu kede komu kiber, di ikounu bino bedo abongo kop moro kame kobunano wu iye i ceng me dwogo ka Rwot wa Yesu Kirisito.

2 Temeseo 1:9

En elako wa di eko lwongo wa pi bedo jo mege kacil, likame pi tice wa, do pi iik kede kisa mere. En emio wa kisa noni i Kirisito Yesu di likame pwodi ikar ogere,

2 Temeseo 4:18

Rwot bino laka ki raco dedede di eko gwoka tuno i Ajakanut mere me malo. Deyo bed bute ikar kede ikar. Amen.

Iburanian 3:1

Pi mano, imiegu kede amiegu na, wun jokacil kame nywako lwongo ka Rubanga, tamunu ber kong i kom Yesu, ngaor kede Ngatel Josaseredoti me yei kame wan otuco.

Yakobo 1:1

Baluwa kowok kibut Yakobo ngatic ka Rubanga kede me ka Yesu Kirisito. But atekerin tomon kiwie are kame osarakin obukui. Amoto wu.

1 Petero 1:2

jo kame Rubanga Papa oyero bala kame en oudo eiko kede cako sek, di eko lonyo gi kede Tipo pi bedo jo kame winyo Yesu, kede di oko bino kiro gi kede remo mere pi gin doko cil. Okwao kisa kede mulem ka Rubanga bed dwong ne wu.

1 Petero 1:5

wun jo kame Rubanga tie gwoko kede twer mere pi yei wu, tetekeny iudunu alako kame Rubanga otieko iikere pi nyuto i kare me ajikini.

1 Petero 2:9

Do wun ibedunu ateker kame koyero, josaseredoti me Abaka, ateker kacil, jokacil kikome, me wek itucunu tice me aura me ngat kolwongo wu ki colo pi bino i lero mere me aura.

1 Petero 5:10

Do ingei wun neno can pi kare moro acecek, Rubanga won kisa lung, ngat kolwongo wu i deyo mere kame bedo nakanaka i Kirisito, en kikome ebino dwoko kuo wu kakare, ebino konyo wu, ebino mino wu teko di eko sipakino wu.

2 Petero 1:1

Baluwa kowok kibut Simoni Petero, ngat kame obedo ngatic kede ngaor ka Yesu Kirisito. But jo kotieko udo yei arom aroma kede merwa pi poore ka Rubanga wa en Ngalak wa Yesu Kirisito.

Yuda 1:21

Meedenu maro Rubanga; bedunu di idarunu cuny me kisa ka Rwot wa Yesu Kirisito kame mio wu i udunu kuo kame bedo nakanaka.

Yuda 1:3

Jo na kame amaro, bala kame atie kede mit adwong me wandiko ne wu kop i kom alako kame wan onywakunu, omio aneno be emitere pi ango wandiko ne wu baluwa kame supo cunyu pi yi pi yei kame Rubanga omio jo mege tien acel atwal.