Yokana 7:31 - Baibuli I Leb Kumam 2013

³¹ Do jo atot i ekodet oko yei en di kiwaco be, “Kame Kirisito obino, iparunu be ebino timo gianena kame kalamo kame icuo ni otimo?”

Yokana 7:31 Iomraidhean Croise

Matayo 12:23

Jo dedede kame oudo tie kuno oko uro di kipenyere be, “Dano ni karuno bedo akwar Daudi?”

Luka 8:13

Kodi kopopoto i lobo kame obedo lela lela cungo pi jo kame ka kiwinyo kop ka Rubanga, kigamo kede kilel; do kop nono likame ko keto aliasin i kuo gi, mio gi kiyei pi kare acecek, do kame atama moro obino, kiko poto ki yei gi.

Yokana 11:45

Iyudayan atot kame oudo obino kede Maria oko neno gikame Yesu oudo otimo, di do kiko yei en.

Yokana 12:11

pien Iyudayan atot oudo tie weko gin pire di kidonyo yei Yesu.

Yokana 12:42

Bed bala kamanono da, jotel me Iyudayan atot oko yei en, do pi lworo Iparisayon oko mino likame kiko tuco yei gi nono, tetekeny kur riam gi tenge ki sinagoga.

Yokana 2:11

Man en gianena mere me agege kame Yesu otimo i Kana kame tie Galilaya, di eko mino deyo mere ongere, di josiao mege oko yei en.

Yokana 3:2

Icuo noni bin obino but Yesu iwor di eko waco ne be, “Rabi, wan ongeo be in ngapwony kame owok kibut Rubanga, pien likame tie dano moro kame twero timo gianena kame in itimo gi, kwanyo kame di Rubanga tie kede en.”

Yokana 4:29

“Bianu inenunu icuo kame otuco na gi dedede kame ango atimo cako. Benyo, iparunu be ekaruno bedo Kirisito?”

Yokana 4:39

Jo me Samaria atot kame oudo tie i bomba nono oko yei Yesu pi ijura kame dako nono omio i kome be, “Etuco na gi dedede kame ango oudo atimo cako.”

Yokana 6:2

Ekodet adwong me jo oko lube, pien oudo gin kineno gianena kame en etimo ne jo kame oudo tuwo.

Yokana 7:26

Aso en ine etie yamo obe i dier jo, do di likame kiromo yamo ne kop moro da! Benyo, karuno bedo di jotel ngeo ateteni be Kirisito en ine?

Yokana 9:16

Iparisayon mogo oko waco be, “Icuo ni likame owok kibut Rubanga, pien likame eworo Iswil me Sabato.” Do jo mogo oko waco be, “Ngat kame tie ngadubo karuno timo epone me gianena gi benyo benyo?” Tam gi oko popokun.

Tice 8:13

Kiton Simoni da kikome oko yei Yesu Kirisito; ingei batiso en, en eko donyo upere kede Pilipo. Kakame eneno kede gianena kede giaura adongodongo kame Pilipo otimo, Simoni oko uro.

Yakobo 2:26

Pien bala kame kom dano kame tie abongo tipo udo oto, kamanono da yei abongo tice udo oto.