Yokana 17:23 - Baibuli I Leb Kumam 2013

²³ ango i gin, kede in i ango, me wek kibed jo acel atwal atwala, tetekeny piny ngei be in en kame iora, doko in imaro gi bala kite kame imara kede.

Yokana 17:23 Iomraidhean Croise

Yokana 10:38

Do ka atimo gi, akadi bed bala idagunu yei ango, yeunu do tice nogo, tetekeny ingeunu di ikounu niang be Papa tie i ango, doko ada atie i en.”

Yokana 13:35

Iepone nono, jo dedede bino ngeno be wun ateteni ibedunu josiao nango, ka imarerenu kenu kenu.”

Yokana 14:10

Benyo, in likame iyei be ango atie i Papa doko Papa da tie i ango? Kope kame ango awaco ne wu likame ango awaco ne wu i akarunikin nango kena, do Papa kame tie i ango en kame timo tice mege.

Yokana 14:23

Yesu oko dwoko ne be, “Jo kame mara bino lubo kop na. Papa na bino maro gi, di ango kede Papa oko bino but gi, di oko bedo kede gi.

Yokana 15:9

Bala kite kame Papa omara kede, kamanono ada amaro wu; dongunu i amara na.

Yokana 16:27

pien Papa kikome maro wu gire, en emaro wu pien wun imaranu, doko iyeunu da be ango awok kibut Papa.

Yokana 17:11

Do nan ango likame bobo abino meede bedo i piny; gin en kame kitie dong i piny; ango atie bino but in. Papa Kacil, gwok gin kede twer me nyingi, en nying kame in itieko mina, tetekeny kibed jo acel, bala kite kame ango kede in otie acel.

Yokana 17:21

Wek gin dedede kibed jo acel, bala kite kame in Papa itie kede i ango, doko ada atie i in. Mi gida kibed i wan, en kame mi piny yei be, in en kame iora.

Yokana 17:24

“Papa, cunya mito be jo kame imia bed keda kakame ango ayaro bedo iye, pi neno deyo na kame imia, pien in imara cako di likame pwodi koketo acakini me piny.

Yokana 17:26

Ango atieko mino gi kingeo nyingi, doko abino mino nyingi medo ngere, tetekeny amara kame in imara kede bed i gin, kede ada i gin.”

Yokana 17:3

Kuo kame bedo nakanaka en ine be, wek gin kingei in Rubanga acel keni me ateni, kede Yesu Kirisito ngat kame in ioro.

Yokana 17:8

pien ango atieko mino gi kop kame in bin imia, doko gin kiko yei gamo. Doko nan kingeo i ateni be, ango awok ki buti, doko kitieko yei da be in en kame iora.

Yokana 3:17

Pien Rubanga likame ocwao wode i piny pi ngolo ne piny kop, do en ecwae tetekeny piny ud alako pi en.

Yokana 6:56

Ngat kame camo ringokoma kede mato remo na bedo i ango doko ada abedo i en.

1 Jokorinti 1:30

Rubanga en kame mio wu kuo i Kirisito Yesu, ngat kame en emio odoko ne wa rieko kame wok kibut Rubanga. En kame emio wa odoko jo kopoore, kolonyere, kede kame kotieko lako.

2 Jokorinti 5:21

Rubanga omio Kirisito ngat kame oudo li kede dub onywako dub wa pirwa, tetekeny odokunu jo kopoore i nyim Rubanga pi Kirisito.

Jogalatia 3:28

Likame bobo tie Ngayudaya amoto Ngagurik, likame bobo tie epasoit arabo ngat kogonyere, likame bobo tie icuo arabo dako; pien wun dedede itienu acel i Kirisito Yesu.

Jopilipi 3:15

Wek obedunu kede tam kame cal kamanono wan jo kame otiekunu cato i cuny wa; do ka itienu kede tam apat kede man i gimoroni, Rubanga bino mino ingeunu manono da.

Jokolosai 1:28

Wan opwonyo kop i kome di okwenyaro ngat acelacel, doko di opwonyo jo dedede epone me rieko dedede, tetekeny okel ngat acelacel i nyim Rubanga di etieko cato i Kirisito.

Jokolosai 2:2

Atimo kaman pi mino gi tekcuny, kede pi mino gi ribere karacel i amara di kiko bino udo abar dedede me niang kede ngec me gi komungere ka Rubanga, kame obedo Kirisito.

Jokolosai 3:14

Do akalamo magi dedede, bedunu kede amara. Amara en kame tweo gi dedede karacel di kiko bedo kiber.

1 Petero 5:10

Do ingei wun neno can pi kare moro acecek, Rubanga won kisa lung, ngat kolwongo wu i deyo mere kame bedo nakanaka i Kirisito, en kikome ebino dwoko kuo wu kakare, ebino konyo wu, ebino mino wu teko di eko sipakino wu.

1 Yokana 1:3

Gikame wan oneno kede kame owinyo wada otuco ne wu tetekeny ibedunu i nywak kede wa; doko i nywak noni, wan onywako karacel kede Papa kede Wode Yesu Kirisito.

1 Yokana 3:1

Nenunu ber epone kame Papa maro wa kede, manoni en komio kolwongo wa be idwe ka Rubanga; doko da ateteni wan idwe mege. Piny likame ngeo wa pien ekwie.

1 Yokana 4:19

Wan otienu kede amara pien Rubanga en kogeo maro wa.

Gianyuta 3:9

Nenunu, ango ayaro mino jo kame obedo jo me sinagoga ka Sitani, jo kame ngalo be gin Iyudayan do di li, ango abino mino gi kibino di kiko riondiko piny i tienu, di kiko bino ngeno be ango amaro wu.