Yokana 17:13 - Baibuli I Leb Kumam 2013

¹³ Do nan ango atie bino buti, ango awaco kope nogi di pwodi atie i piny, tetekeny gin kibed kede kilel na di opong i cuny gi.

Yokana 17:13 Iomraidhean Croise

Nekemia 8:10

Nekemia oko waco negi be, “Dokunu i miere wu ikounu tedo ebaga kede cam abeco kede bwini amit, di ikounu poko mogo da imiunu jo kame li kede gimoro, pien ceng katin obedo ceng kacil i nyim Rwot. Doko da kur ibedunu kede cwercuny pien yomcuny kame Rwot mio wu bino mino wu teko.”

Sabuli 126:5

Mi jo kame cuo kodi di kikok kai kac kede ilelem me yomcuny.

Sabuli 43:4

Di do ango ako bino ot i alutari ka Rubanga, but Rubanga ngat kame yomo cunya kalamo; di ango ako bino paki di agoo adungu, Okwe Rubanga, Rubanga na.

Yokana 13:3

Yesu oudo ngeo be Papa otieko mino jame dedede i cinge, kede da be en ewok kibut Rubanga doko etie dok but Rubanga.

Yokana 15:11

“Ango awaco ne wu gi nogi tetekeny kilel na bed i wun, kede tetekeny ibedunu kede kilel kame romo.

Yokana 16:33

Ango atieko waco ne wu kop noni tetekeny ibedunu tie kede mulem i ango. Ibinunu bedo kede peko i piny kan, do diunu cunyu; ango atieko lono piny.”

Yokana 17:11

Do nan ango likame bobo abino meede bedo i piny; gin en kame kitie dong i piny; ango atie bino but in. Papa Kacil, gwok gin kede twer me nyingi, en nying kame in itieko mina, tetekeny kibed jo acel, bala kite kame ango kede in otie acel.

Yokana 3:29

Icuo eteran en kame won ateran; do adieru me eteran, kame cungo i ngete di ewinyo yamo mere lelo twatwal pi winyo dwan eteran. Pi mano, ango nan atie kede yomcuny adwong.

Yokana 7:33

Yesu oko waco be, “Abino medo bedo kede wu pi kare moro acecek, di do ako ot but ngat kame oora.

Tice 13:52

Josiao oko bedo kede kilel adwong, doko kiko pong kede Tipo Kacil.

Joroma 14:17

Pien Ajakanut ka Rubanga likame obedo cam kede giamata, do en ebedo poore, kede mulem, kede yomcuny i Tipo Kacil.

Jogalatia 5:22

Do anyakini me Tipo en amara, kilel, mulem, dire, mwolo, bero, genere,

Iburanian 12:2

Ocikunu wang wa i kom Yesu ngat kame obedo acakini me yei wa, doko en ngat kame mie ecato. En bin ekanyakino can me musalaba di lewic likame make pi kilel kame oudo kocibo i nyime, doko nan etie bedo i bad tetu cam me kom me ajakanut ka Rubanga.

1 Yokana 1:4

Wan otie wandiko gi nogi tetekeny obedunu kede kilel kopong.

2 Yokana 1:12

Bed bala ango atie kede kope atot kame apoore wandiko ne wu, do aparo be miero kur doko awandiko gi awandik, do ango atie kede gen me bino neno wu wang i wang di ako yamo kede wu, tetekeny opongunu kede kilel.