Yokana 10:29 - Baibuli I Leb Kumam 2013

²⁹ Papa na ngat kame omio gi buta pire dwong kalamo jo dedede, doko likame tie ngat kame sobolo waraso gi ki cing Papa.

Yokana 10:29 Iomraidhean Croise

Sabuli 145:3

Rwot dwong twatwal doko epoore me apaka; dwongo mere kalamo ngec me jo.

Yai 18:11

Nan ango angeo be Rwot tek kalamo rubangan dedede, piento en elako jo ki cing jo me Misiri kakame gin oudo kitie kede tim me acae i kom jo me Isirael.”

Danieri 4:3

“Gianena kame en enyuto dongodongo! Giaura mege obedo me twer! Ajakanut mere bedo nakanaka; en ebino pug ikar dedede.

Malaki 1:14

Ilam poore mak ngat kame mio bala giayala, le kame tie kede peko moro i kome, do di en etie kede le ace aber kame en oudo ecikere pi mina! Pien ango en Abaka adwong, doko jo me atekerin dedede lwora.”

Yokana 10:28

Ango atieko mino gi kuo kame bedo nakanaka, doko likame kibino to. Likame tie ngat kame bino waraso gi ki cinga.

Yokana 10:30

Ango kede Papa otie acel.”

Yokana 14:28

Pien wun itiekunu winyo di ango awaco ne wu be, ‘Ango atie ot, do abino dwogo butu.’ Ka koto oudo imaranu, koto nan wun itienu kilel pi kite kame ango atie ot kede but Papa; pien Papa dwong loa.

Yokana 17:11

Do nan ango likame bobo abino meede bedo i piny; gin en kame kitie dong i piny; ango atie bino but in. Papa Kacil, gwok gin kede twer me nyingi, en nying kame in itieko mina, tetekeny kibed jo acel, bala kite kame ango kede in otie acel.

Yokana 17:2

Pien in itieko mine akarunikin i kom jo dedede, me wek emi jo dedede kame in imio bute kuo kame bedo nakanaka.

Yokana 17:6

“Ango atieko mino nyingi ongere but jo kame in imia i piny. Gin oudo kibedo jo nin, in iko mino gi buta, doko gin kiko lubo kop nin.

Yokana 17:9

“Ango nan atie lego ne gi; likame atie lego ne piny, do atie lego ne jo kame in imia; pien gin kibedo megi.

Yokana 6:37

Jo dedede kame Papa mia oyaro bino buta; doko ngat kame bino buta, likame abino riame tenge.