Sabuli 101:3 - Baibuli I Leb Kumam 2013

³ doko likame abino yei gimoro arac. Cunya dagi tice me jo apoto tenge kibut Rubanga; likame abino bedo tie kede akadi acel moro da.

Sabuli 101:3 Iomraidhean Croise

Sabuli 119:37

Lok wanga tenge ki neno jamini kame kony gi li; miango kuo pi lubo yongayo nin.

Yobu 31:1

“Ango atieko timo isikan kede wanga, pi weko neno nyako moro kede wang me mit.

Agole 6:25

Kur iyei cilo gi wai cunyi, amoto keto tam ni i kom neeno gi me caro.

Matayo 5:28

Do ango awaco ne wu be ngat kame neno dako di cunye ko paro buto kede, udo etieko timo adote kede dako nono i cunye.

Sabuli 40:4

Kitie kede yomcuny gin jo kame geno Rwot, jo kalikame lokere but joewaka, but jo kame parao lubo rubangan me angalo.

Yai 20:17

“Kur ingobelo jame ka ngawoti; kur ingobelo dako ka ngawoti, amoto epasoit arabo apasoit mere, amoto doke arabo pundan mege, amoto gimoro dedede kame en etie kede.”

Iswilia 15:9

Poore igwokerenu kur ibedunu kede cuny me woro di ikounu neno dano me Isirael wadu kede wang arac ikounu dagi mine gimoro, be pien mwaka me kanyaare kame kojalo ne kede jo banyi onoko. Ka idagunu kope, en ebino kok i komu but Rwot, di wun ikounu bino bedo kede raco i nyim Rwot.

2 Petero 2:21

Oudo koto ebedo ber kato ka oudo likame gin kingeo yongayo me poore, akaka gin ngeno yongayo me poore di bobo kiko lokere tenge ki cik kacil kame komio gi.

Jogalatia 4:9

Do bala kite kame nataman itiekunu ngeno kede Rubanga, arabo awac be Rubanga otieko ngeno wu, benyo benyo kame idokunu kede bobo but tipere kame goro kede kame jocan, kame pugo piny? Benyo bo komio imitunu bobo bedo ipasoi gin?

Joroma 12:9

Miunu amara wu bed me ateni, dagunu gikame rac di ikounu moko i kom gikaber.

Yeremia 22:17

Do gikame in itie neno kede kame cunyi tie iye en kenekene bedo kede ud piri keni; in ineko jo kame li kede kop, doko itero jo ni i yore karac kede gero.

Ngarab kop 6:9

Eber ne dano pi mino jamini kame etie kede rome, elo bedo ngobelo jamini apat. Manoni da cal bala buongor arabo riamo yamo.

Yosua 23:6

Pi mano, poore igwokerenu di ikounu lubo kede timo gi dedede kame kowandiko i itabu me Iswil ka Musa abongo weko moro.

Iburanian 10:39

Wan likame obedunu jo kame dok cen di kiko rwenyo atwal, do wan obedunu jo kame kotieko lako pi yei.

Sabuli 119:113

Ango cunya dagi jo kame tam gi okakarun, do ango amaro iswil nin.

Sabuli 78:41

Gin kibedo tamo Rubanga tien kede tien, kiko wango cuny Ngat Kacil me Isirael.

Sabuli 14:3

Gin dedede kitieko parao, gin dedede kidubere; likame tie ngatamoro kame timo gikame ber, likame tie akadi acel.

Yai 32:8

Gin ajoto kitieko weko yongayo kame ango oudo aciko gi be kilubi; gin kitieko timo cal me atin twon di kiko wore kede kiko mine giayala di kiwaco be manono en rubanga gi, ngat kokwanyo gi ki lobo me Misiri!”

Mika 2:2

Ka gin kingobelo poti, kimao gi ki cing wegi; ka kingobelo ude, kitero gi. Gin kitero won ot kirac di kiko mano ode kitero, doko kitero jo kirac di kiko mano gi iner me lobo kame kilunyo kibut joakwari gi.

Isaya 33:15

Jo kame bino bwot en jo kame kuo gi opoore kede jo kame yamo kope me ateni, jo kame dagi gikame koudo i yore me adiadia, jo kame dagi tim me cemusana, jo kame dagi nek kede tim areco me gero.

Isaya 30:11

Wekunu yongayo nono, paraunu tenge kiye, wan likame bobo omito medo winyo kop i kom Ngat Kacil me Isirael.”

Sabuli 39:1

Ango bin awaco be, “Abino gwokere ki gi dedede kame atimo tetekeny kur leba mia atim dub; ango ayaro kuno doga, tek kame jo areco tie iyapiyapi keda.”

Sabuli 125:5

Do jo kame lokere lubo yote gi areco, Rwot bino tero gi karacel kede jo kame timo tim areco. Mulem bed i Isirael.

Sabuli 97:10

Rwot maro jo kame cuny gi dagi gikarac; en egwoko kuo me jo mege kame gene, en elako gi ki cing jo areco.

Sabuli 78:57

do kilokere tenge kiko bedo abongo yei bala bin joakwari gi, kibedo mienere amiena bala yat kogom me gweno emal.

Sabuli 36:3

Kope kame wok ki dog gi obedo kope areco kede me angalo; gin do kijiko timo gikame nyuto rieko kede kame ber.

1 Samuel 15:11

“Likame cunya yom pi mino Saulo doko abaka, piento en etieko lokere tenge kibuta di eko weko lubo cik na.” Cuny Samuel oko wang di eko donyo koko but Rwot iwor kiakia.

Iswilia 13:17

Kur iwekunu gimoro kame kopoore dudubo dong ne wu, tetekeny lilo ka Rwot kwei di eko timo ne wu kisa. En ebino timo wu mwol di eko mino wel wu meede bala kame bin en ecikere kede but joakwari wu.

1 Yokana 2:19

Jo nogo oyai tenge kibut wan, oudo likame gin kibedo jo wa; pien ka koto oudo gin kibedo jo wa, koto oudo kidong but wa. Do yai gi onyuto kakaler be likame tie ngatamoro kikom gi kame obedo dano wa.

Sabuli 41:9

Akadi kiton adiera apire tek kame oudo ageno, ngat kame oudo acamo kede, otieko da loka adoko ngakwor.

Sabuli 139:22

Adagi gi kede cunya lung; atero gi bala jokwor na.

Agole 6:12

Dano akony mere li, dano arac, bedo wire di eyamo kope me abe;

Agole 6:13

en emimio wange atatai di etimo gianyuta mogo ace kede tiene amoto kede cinge pi umo angalo mere.

Agole 8:13

Bedo kede wor but Rwot en dagi gikarac; ango cunya dagi ewaka, kede tingere, kede tim areco, kede yamo kope me abe.

Sakaria 8:17

kur cunyu bed kede iik areco i kom jo icegun. Kur ikwongerenu i kope me abe, magonogi dedede cunya dagi.”