3 Yokana 1:11 - Baibuli I Leb Kumam 2013

¹¹ Ngawota kame amaro, kur ilub timo gikarac do lub timo gikaber. Ngat kame timo gikaber obedo dano ka Rubanga, do ngat kame timo gikarac likame pwodi oneno Rubanga.

3 Yokana 1:11 Iomraidhean Croise

Sabuli 34:14

Yai tenge ki timo gikarac, di iko donyo timo gikaber; moi gikame kelo mulem, di iko lubo yore.

Sabuli 37:27

Wek timo gikarac di iko donyo timo gikaber; iko bino bedo nakanaka i lobo kame Rubanga ocikere pire.

Yai 23:2

Kur idok i bad kame jo tot iye pi timo gikarac; kame itie mino ijura i pido moro, kur ilengere i bad kame jo tot iye pi mito totolo ngolo kop i ateni;

Agole 12:11

Ngapur atek bedo tie kede cam atot, do jo kame cane timo gimogo akony gi li wi gi likame tio.

Yokana 10:27

Romini na winyo dwana, ango da angeo gi, doko gida kiluba.

Yokana 12:26

Ka ngatamoro mito tic pira, poore en eluba, tetekeny kakame ango abedo iye, en kakame ngatic na da bino bedo iye. Di do Papa na ko bino nyuto wor i kom ngat nono.

Yokana 3:20

Pien ngat acelacel kame timo gikarac dagi lero, doko likame ebino i lero, tetekeny tice mege kur ngere.

1 Jokorinti 11:1

Lubunu ekite nango, bala kame ango da alubo kede ekite ka Kirisito.

1 Jokorinti 4:16

Pi mano, ango abako doga butu be, lubunu ekite na.

Joepeso 5:1

Pi mano, bala kame wun itienu kede idwe ka Rubanga kame emaro, lubunu ekite mere.

Jopilipi 3:17

Imiegu kede amiegu na, lubunu ekite me kuo na. Cikunu wangu i kom jo kame lubo kuo kame wan onyuto ne wu.

1 Jotesalonika 1:6

Wun ikounu doko jo kame lubo ekite wa kede me ka Rwot, pien igamunu kop mere kede kilel kame Tipo Kacil omio wu, bed bala inenunu can iye.

1 Jotesalonika 2:14

Imiegu kede amiegu na, wun idokunu jo kame lubo epone me kuo me ekodet me jo ka Rubanga, jo koyei Kirisito Yesu i Yudea, pien wuda inenunu can kibut jo me pinyu pi gi acel nono, bala kame gida kineno kede can kibut Iyudayan,

2 Temeseo 3:10

Do in itieko lubo i yore i yore pwony na, ekite na, gikame ango amito cobo i kuo na, yei na, dire na, amara na, ikanyakin na,

Iburanian 6:12

Man bino mino likame ibedunu kede wackom, do ibinunu bedo jo kame lubo ekite me jo kame udo gikame Rubanga ocikere mino pi yei kede pi dire gi.

1 Petero 3:11

poore kiwek timo gikarac, di kiko donyo timo gikaber, poore kimoi anapakin di kiko wapo yore.

1 Petero 3:13

Nan do ngai kame bino timo ne wu raco ka itienu kede mit me timo gikaber?

1 Yokana 2:29

Ka ingeunu be Kirisito opoore, udo ingeunu da be jo dedede kame timo gikame opoore obedo idwe ka Rubanga.

1 Yokana 3:10

Idwe ka Rubanga kede idwe ka Sitani nyutere iepone kacal kaman: jo dedede kalikame timo gikame opoore, amoto kalikame maro imiegu kede amiegu gi, likame obedo idwe ka Rubanga.

1 Yokana 4:1

Jo na kame amaro, kur iyeunu jo dedede kame waco be kitie kede Tipo ka Rubanga, do tamunu gin dedede pi niang kame tipo kame kitie kede wok kibut Rubanga, pien inabin atot me angalo otieko sarakin i piny.