3 Yokana 1:10 - Baibuli I Leb Kumam 2013

¹⁰ Aso ka ango abino, abino nyuto gi dedede kame en etie timo pi sarakino kope me abe i koma. Likame mago kenekene, do en edagi da gamo imiegu kede amiegu, doko egengo jo kame mito gamo gi di eriamo gi tenge ki ekodet me jokirisito.

3 Yokana 1:10 Iomraidhean Croise

Agole 10:10

Ngat kame maro umo kop kelo peko, do ngat kame yamo ne dano kop obe kelo mulem.

Agole 10:8

Ngat kame wie tio yei lubo tam kame komie, do ngat kame yamo mingomingo bino riamo kede peko.

Isaya 66:5

Winyunu kop kame Rwot tie waco, wun jo kame ilworenu doko itimunu gikame en ewaco. En ewaco be, “Jo wu mogo cuny gi kec i komu, doko kidagi wu pira. Gin kinyero wu di kiwaco be, ‘Ber Rwot nyut twer mere adwong, tetekeny wan onen ilel wu.’ Do gin kikom gi en kame lewic bino mako gi!

Luka 6:22

“Itienu kede winyo ka jo dagi wu, di kipoko wu tenge kikom gi, di kiyeyeto wu, di kidubo nying wu pi Wot ka dano.

Yokana 9:22

Jonywal mege owaco kaman pien oudo kilworo Iyudayan; pien Iyudayan oudo otieko yei be ka ngatamoro otuco be Yesu en Kirisito, kobino riame ooko ki sinagoga.

Tice 1:15

I ceng nogo, Petero oko cungo i nyim ekodet me jokirisito, kame oudo ocokere, wel gi oudo romo tol acel kede ot are; en eko waco ne gi be,

2 Jokorinti 13:2

Ango oudo akwenyaro jo kame ngoce odubo, kede da jo dedede apat, doko nan akwenyaro gi di likame atie kede gi, bala kame oudo atimo di atie kede gi i kare kame oudo awelao gi kede tien me are, be, ka ango abino bobo, likame abino weko gi abongo alola,

Jogalatia 6:10

Aso, tek ka otienu kede kare, otimunu gikaber ne jo dedede, twatwal mere ne jo kame tie i ekodet me jo koyei Kirisito.

1 Temeseo 5:13

Medo i wi mano, gin kipwonyere bedo abeda abongo tic, di kirimo miere. Doko likame mano kenekene, do kidoko da jo kame kwoto jo, kede jo kame donyo i kope kalikame mako gi, di kiyamo kope kalikame kipoore waco.

2 Yokana 1:10

Ka ngatamoro obino butu abongo pwony nono, kur igamenu i miere wu akadi mote da.

2 Yokana 1:12

Bed bala ango atie kede kope atot kame apoore wandiko ne wu, do aparo be miero kur doko awandiko gi awandik, do ango atie kede gen me bino neno wu wang i wang di ako yamo kede wu, tetekeny opongunu kede kilel.

3 Yokana 1:3

Oudo abedo kede yomcuny adwong kakame imiegu mogo obino kede di kiko mino ijura i kom epone kame in igenere kede i kop me ateni, manono en epone kame in ilubo kede kop me ateni.

3 Yokana 1:5

Ngawota kame amaro, in igenere i tic dedede kame i timo ne imiegu kede amiegu, bed bala gin kibedo jokumbor kibuti.