2 Iyutun 9:9 - Baibuli I Leb Kumam 2013

⁹ Di do en eko mino abaka saabu kame kalamo kilo tutumia ongwon (4,000), twon jamini angwe kur, kede kide me wel; likame bobo tie kare moro kame bin otero ne kede abaka Sulumani jamini angwe kur kame koromo poro kede kame abaka adako me Seba omie.

2 Iyutun 9:9 Iomraidhean Croise

Sabuli 72:15

Miero abaka bed kuo nakanaka! Miero mie saabu me Sieba. Poore jo bed lego pire nakanaka, di jo lamo ne winyo piny yuluyul.

Sabuli 72:10

Mi abakai me Tarusi kede me jo abedo i cula cul esolo gi bute, doko abakai me Sieba kede Seba kel ne giamia.

2 Iyutun 9:24

Ngat acelacel kikom gi oudo tero ne giamia. Gin oudo kitero jamini apapat bala nat siliba kede saabu, igoen, jamini me yi, jamini angwe kur, asigiran, kede pundan. Manoni oudo timere buli mwaka.

2 Iyutun 9:1

Kakame abaka adako me Seba owinyo kede iruo me nying Sulumani, en eko bino bute Yerusalem pi tame kede peny mogo atek. En bin eko bino kede twon ekodet me jo kame bin gwoke, karacel kede aguraguran kame yeo jamini angwe kur, saabu kede kide me wel. Kakame en bin eko tuno kede but Sulumani, en eko pepenyo en peny dedede kame oudo tie i tam mere.

1 Abakai 10:10

Di do en eko mino abaka saabu kame buco romo kilo tutumia kany (5,000), twon jamini angwe kur, kede kide me wel; likame bobo tie kare moro kame bin otero ne kede abaka Sulumani jamini angwe kur kame koromo poro kede kame abaka adako me Seba omie.

1 Abakai 9:14

Do Kiram oudo ocwao ne Abaka Sulumani kilo me saabu kame buco romo tutumia kany (5,000).

Ageini 43:11

Di papa gi oko waco negi be, “Ka miero ebed kamano, poore itimunu kaman: kwanyunu gimogo abeco me lobo wa owoto ikounu keto gi i ipukoi wu, di ikounu tero gi ne ngapug nono bala giamia, terunu mokic atitidi, odok, mo me kor yen angwe kur kede ilem mogo.

Yai 30:34

Rwot oko waco ne Musa be, “Kwany jamini kame ngwece gi mit gi: sitakite, onika, galbanum, kede odok angwe kur acil; kwany gi di kirorom.

2 Iyutun 9:8

Pak bed but Rwot Rubanga ni, en ngat kame cunye obedo yom i komi di eko keti ibedo abaka me Isirael! Pien Rwot otieko maro jo me Isirael atwal, en etieko mini ibedo abaka pi timo gi me ateni kede kopoore.”

2 Iyutun 9:10

Medo i wi manono, imerin ka Kiram kame bin yeo saabu kikelo ki Opir, bin oko kelo da ibaon me yat alemug kede kide me wel.