1 Samuel 7:2 - Baibuli I Leb Kumam 2013

² Sanduku me Isikan ka Rwot oko bedo Kiriat Yearim pi kare alac, aromo bala mwakini ot are, di jo dedede me Isirael oko donyo paro Rwot.

1 Samuel 7:2 Iomraidhean Croise

Matayo 5:4

Kitie kede winyo jo kame tururo, pien kobino dino cuny gi.

Yeremia 31:9

Gin kibino dwogo di kikok akoka, kibino ilega di ango atie telo gi dwoko gi. Abino mino gi kibeo kakame ataneko me pii opong iye, di kilubo yongayo apwot kalikame tie gimoro kame getaro gi iye. Ango acal bala papa me jo me Isirael, doko jo Epuraimu cal bala woda kao.”

Yeremia 3:13

Kenekene in yei raco ni, be in ijemo ne Rwot Rubanga ni, di iko ot gabo amara ni but rubangan me jokumbor i dud yen oduko, di iko dagi winyo dwana, ango Rwot en awaco.

Jongolkop 2:4

Kakame malaika ka Rwot owaco ne kede jo me Isirael kop noni, gin dedede kiko dipo koko.

Yosua 9:17

Jo me Isirael oko yai ot di kiko tuno i bomban kame jo nogo bedo iye ingei ceng adek, gin en bomban me Gibeon, Kepira, Berot, kede Kiriat Yearim.

1 Samuel 7:1

Jo me Kiriat Yearim oko omo Sanduku me Isikan ka Rwot di kiko tere i ot ka Abinadab i wi emukura. Gin kiko kwero wode kame nyinge Eleasar pi bedo ngat kame gwoko Sanduku nono.

1 Samuel 7:3

Samuel oko waco ne jo me Isirael be, “Ka imitunu dok but Rwot kede cunyu dedede, poore iwekunu rubangan mogo me kumbor, kede cal me rubanga adako anyinge Asitate. Ketunu cunyu i kom Rwot, di ikounu tic nen kenekene, di en eko bino lako wu ki cing jo me Pilistia.”

1 Iyutun 13:3

Di do wan okounu ot kelo Sanduku me Isikan ka Rubanga wa but wa kan, gikame wan oudo likame oparunu pire i kare me apugan ka Saulo.”

Yeremia 26:20

(Oudo tie bobo icuo ace, Uria wot ka Semaya me Kiriat Yearim, kame bin owaco kop me can kame oudo poore poto i bomba noni kede i lobo noni, di cal acala kede kop kame Yeremia owaco.

1 Iyutun 13:5

Aso, Daudi oko coko jo dedede me Isirael cako ki ikor me Misiri i bad tetu piny ape tuno Lebo Kamat i bad tetu malo. En ecoko gin dedede karacel pi omo Sanduku me Isikan ka Rubanga ki Kiriat Yearim di kiko tere Yerusalem.