Yuda 1:6 - Baibuli I Leb Kumam 2013

⁶ Doko imalaikan kame bin okalamo wang loc gi, di kiko weko kabedo gi, Rubanga otweo gi kede irikoi pi ikar kede ikar kakacol cucucuc, pi kuro Ceng adwong kame kobino ngolo iye kop.

Yuda 1:6 Iomraidhean Croise

Matayo 10:15

Ateteni awaco ne wu be i ceng me ngolo kop, Rubanga bino bedo kede kisa i kom jo me Sodoma kede Gomora kalamo jo me bomba nono.

Matayo 25:41

“Di do en eko bino waco ne jo kame tie i bade tetu ngodal be, ‘Irwaunu tenge kibuta, wun jo kame kolamo. Otunu i mac kalikame to, kame Rubanga oiko pi Sitani kede imalaikan mege.

Matayo 8:29

Kikano gin kiko lelemo kitek be, “Okwe Wot ka Rubanga, nyo kame itie mito timo ne wan? Mam in ibino kan pi mino wa alola di kare kopoore pwodi likame otuno?”

Yokana 8:44

Papa wu en Sitani, doko cunyu mito timo gikame papa wu mito. Cako i kare me agege en ebedo nganek, doko likame ecungo i ateni, piento en eli kede ateni. Kame etie ngalo, udo etie waco gikame enao timo, piento en ebedo ngat kame ngaangalo, doko en won angalo.

Joroma 2:5

Do pi tekwic kede cuny kalikame swilaro kame in itie kede no, omio itie kano piri keni lilo ka Rubanga i ceng kame lilo kede ngolo kop mere kopoore bino neeno kede.

Joepeso 6:12

Pien wan likame otienu yi kede jo, do wan otienu yi kede jopug kede akarunikin mogo apat, kede tipere kame nataman pugo wi lobo kan i kare me colo noni, kede tipere me twer kareco kame pugo i wi yamo.

Iburanian 10:27

do gikame odong do en lworo me ngolo kop kede mac ager kame bino wango jo kame dagi Rubanga.

2 Petero 2:4

Pien Rubanga bin likame oweko aweka imalaikan i kare kame bin kidubo kede, do euco gi i mac kalikame to di eko dilo gi i bur acol cucucuc, pi daro gi ki kuno tuno i ceng me ngolo kop.

2 Petero 2:9

Pi mano, Rwot ngeo epone me lako ki atama jo kame wore, kede epone me mino jo kalikame opoore alola paka tuno i ceng me ngolo kop,

Yuda 1:13

Kical bala ebuka ager me nam, kinyuto lewic gi kakaler bala buo. Gin kical bala acer kame rimo, kame Rubanga otieko iiko ne gi kabedo me nakanaka kakacol cucucuc.

Gianyuta 20:10

Di oko uco Sitani kame oudo ongalo gi i nam me mac kede me salupa, kakame le kede enabi me angalo oudo tie iye. Gin kibino neno can iwor kede iceng ikar kede ikar.

Gianyuta 20:2

En eko mako twol kiyiliyili, twol me anakacia, en Sitani, di eko twene pi mwakini tutumia acel.