Yuda 1:4 - Baibuli I Leb Kumam 2013

⁴ Pien jo mogo otieko lwidar odonyo i diere wu, jo kame bin kotieko iiko sek pi ngolo ne gi kop noni bala jo kame dagi woro Rubanga, gin jo kame dwadwanyo kop me kisa ka Rubanga pi gin timo tim me caro. Gin kidagi Ngadwong wa acel kenekene kame obedo Rwot wa, en Yesu Kirisito.

Yuda 1:4 Iomraidhean Croise

2 Samuel 22:5

Bwoi me to oudo oluka, ebuka kame neko oudo iyapi mwonya.

Sabuli 1:1

Kitie kede yomcuny jo kalikame gamo tam me jo areco, arabo kalikame lubo yongayo kame jodubo lubo, arabo kalikame bedo kede joacae;

Sabuli 62:2

En kene ebedo lela na kede ngat kame laka; en etie bala apama atek kame gwoka, likame tie gimoro kame bino yangaro ango.

Matayo 13:25

Do iwor acel di oudo jo dedede tie nino, ngakwor mere oko ot di eko cuno nyige me okitu i poto me kal nono, eko gire ot tenge.

Yokana 17:3

Kuo kame bedo nakanaka en ine be, wek gin kingei in Rubanga acel keni me ateni, kede Yesu Kirisito ngat kame in ioro.

Tice 11:23

Kakame bin Baranaba otuno kede kuno di eko neno epone kame Rubanga onyuto kede kisa mere but jo, cunye oko bedo yom di eko kwano cuny gi pi gin dong jo kame genere i Rwot kede tam kosipakin.

Tice 15:24

Wan otieko winyo be jo mogo oyai kibut wan kan di kiko bino lolo wu kede kope mogo kame oko dubo tam wu, bed bala wan likame owaco ne gi.

Jogalatia 2:4

Do man otimere pi jo mogo kame oudo kokelo, kame oudo cukere be gin kiyei, jo kame olwidar but wa pi begao gonyere kame wan otie kede i Kirisito Yesu, tetekeny kimi wa odok bala ipasoi.

Jogalatia 5:13

Pien, imiegu kede amiegu na, wun oudo kolwongo wu pi bedo jo kogonyere; kenekene kur doko itiunu kede gonyere wu bala gikame mio wu kare me cobo mit me komu, do pi amara bedunu bala ipasoi but ngat acelacel.

Joepeso 4:14

Pi mano, kur doko wan obedunu idwe kame buko me yamo me pwony dedede wiro wi wa tetuni kede tetuca, pi kite kame jo ngolo ne wa kede rieko, kede pi diru gi me angalo.

1 Temeseo 5:8

Ka ngatamoro likame gwoko joawade mege, do singo twatwal jo me i ode, udo etieko weko yei, doko udo erac kalamo ngat kame li kede yei.

2 Temeseo 2:12

Ka wan okanyakinunu, obinunu da pug karacel kede en. Ka wan odagenu, eda ebino dagi wa.

2 Temeseo 3:6

Pien tie mogo kikom gi kame lwidar donyo i ude di kiko bwono tam me mon amiming, mon kame dub otieko bwono teko gi kede kame mit me epone dedede pugo,

1 Petero 2:16

Bedunu bala jo kotieko gonyere, do di kur imiunu gonyere wu bed gikame umo raco wu; do bedunu bala jotic ka Rubanga.

1 Petero 2:8

kede doko be, “En kidi kame bino getaro jo, kidi kame bino mino gi kipopoto.” Gin kigetar pien kidagi winyo kop ka Rubanga, bala kame oudo kotieko iiko ne gi kede cako sek pi timo kamanono.

1 Petero 4:18

Bala kame kowandiko be, “Ka udo alako tek ne jo kopoore; nyo do kame bino timere ne jo kalikame paro pi Rubanga kede jodubo?”

2 Petero 2:10

twatwal mere jo kame donyo i mit me emuna, kede jo kame cao akarunikin ka Rubanga. Jopwony me angalo nogi cuny gi nwang, doko kitie kede mit me yeyeto wegi deyo abongo bedo kede lworo.

2 Petero 2:7

Doko en bin emio Lot ngat kame kite mere opoore obwot; Lot riki cunye cwer pi caro me jo kame ekite gi reco.

2 Petero 3:7

Do kop acel nono en kame nan tie gwoko malo kede lobo kame nan tie nogi pi kuro mac. Kotie gwoko gi paka tuno i ceng me ngolo kop, en ceng kame kobino dudubo kede jo kalikame woro Rubanga.

1 Yokana 2:22

Ngai en kame ngaangalo? Mam en ngat kame dagi be Yesu en Kirisito? Manoni en Ngakwor ka Kirisito, ngat kame dagi Papa kede Wode.

Yuda 1:15

pi ngolo kop ne jo dedede, kede pi ngolo rac i wi jo dedede pi tim dedede me dagi woro Rubanga, kame gin kitimo iepone nono kalikame nyuto wor but Rubanga, kede pi kop dedede me gero kame jodubo kalikame woro Rubanga oyamo i kome.”

Yuda 1:18

Gin bin kiwaco ne wu be, “I kare me ajikini jo acae bino bino, di kilubo mit gi kalikame nyuto wor but Rubanga.”

Gianyuta 15:4

Rwot, ngai kalikame bino lworo nyingi kede mine deyo? Pien in keni en ngat kacil. Atekerin dedede bino bino di kiko wori, pien tice ni me ateni otieko nyutere.”