Yuda 1:3 - Baibuli I Leb Kumam 2013

³ Jo na kame amaro, bala kame atie kede mit adwong me wandiko ne wu kop i kom alako kame wan onywakunu, omio aneno be emitere pi ango wandiko ne wu baluwa kame supo cunyu pi yi pi yei kame Rubanga omio jo mege tien acel atwal.

Yuda 1:3 Iomraidhean Croise

Nekemia 13:25

Ango ako doko ger ne cuo nogo, alamo gi, abungo gi, di ako puputo yer wi gi. Di do ako mino gi kikwongere i nying Rubanga be likame bobo gin arabo idwe gi bino nyomere kede jokumbor.

Isaya 45:17

Do jo me Isirael Rwot en kame lako, doko alako kame en elako gi kede bedo nakanaka; gin lewic likame bino mako gi arabo bedo kede atotolun pi kare dedede.’ ”

Isaya 45:22

“Lokerenu buta di ako lako wu, wun jo dedede me wi lobo! Ango en Rubanga, doko likame tie moro ace.

Yeremia 9:3

Leb gi yamo kope me abe bala kame yat kame kokudo gweo kede tong me emal; teko gi omeede i lobo gi pi tim kalikame obedo me ateni, do weko pi tice me ateni. Rwot waco be, “Jo na timo tice areco kame lubere aluba, doko da likame kitera bala Rubanga gi.”

Tice 17:3

En oudo egonyo ne gi dwong kop me iwandik kacil, di enyuto ne gi be Kirisito oudo miero nen can di eko yaruno kikom jo oto. Doko ewaco be, “Yesu kame ango apwonyo wu kop i kome noni en kame obedo Kirisito.”

Tice 18:28

Piento en oudo epiemo kede Iyudayan kitek di eko bwono gi i nyim jo, di enyuto ne gi i iwandik kacil be Yesu en Kirisito.

Tice 20:27

pien ango likame bin alworo tuco ne wu gi dedede kame Rubanga oudo oiko pi timo.

Tice 28:28

“Poore ingeunu be, kop me alako noni kotieko cwano ne jo kalikame Iyudayan; gin kibino winyo di kiko yei.”

Tice 4:12

Doko likame tie ngatamoro kame wan otwero udo alako kibute, pien likame tie nying moro i piny kan kame kotieko mino jo, kame mio wa alako.”

Tice 6:7

Kop ka Rubanga oko nyai, di wel me jo kame lubo Yesu oko meede kitek i Yerusalem, di josaseredoti atot oko donyo lubo kop me yei.

Tice 9:13

Do Anania oko dwoko ne be, “Rwot, ango atieko winyo kop i kom icuo no kibut jo atot, twon raco kame en etieko timo ne jo ni i Yerusalem.

Tice 9:22

Do Saulo oko meede ameda doko tek, di eko cungo wi Iyudayan kame oudo bedo Damasiko, di enyuto ne gi be Yesu en Kirisito.

1 Jokorinti 15:3

Pien ango ako mino wu kop kame bin komio ada, bala gikame pire tek kalamo, en ine be; Kirisito oto pi dub wa di lubere kede iwandik kacil,

Jogalatia 2:5

Do wan likame oko yei gamo kop gi akadi kicel moro, tetekeny ogwok ne wu ateni me ejiri.

Jogalatia 3:28

Likame bobo tie Ngayudaya amoto Ngagurik, likame bobo tie epasoit arabo ngat kogonyere, likame bobo tie icuo arabo dako; pien wun dedede itienu acel i Kirisito Yesu.

Jogalatia 6:11

Nenunu inyukutan adongodongo kame atie iwandik kede butu kede cinga kikoma.

Joepeso 1:1

Baluwa kowok kibut Paulo, ngat kame Rubanga olwongo i mit mere pi bedo ngaor ka Kirisito Yesu. But jokacil kame tie Epeso, kame genere i Kirisito Yesu.

Iswilia 21:9

Aso, ka itimunu gikame Rwot mito, likame kobino maro remo me nek nono i wi wu.

Iswilia 9:10

Di Rwot oko bin mina kide are nogo kame en kikome ewandiko i kom gi kope dedede kame bin en ewaco ne wu ki dier mac i ceng kame bin wun icokerenu kede i moru.

Jopilipi 1:1

Baluwa kowok kibut Paulo kede Temeseo, jotic ka Kirisito Yesu. But jokacil dedede kame tie Pilipi, kame tie i Kirisito Yesu, karacel kede bisop kede dikonin.

Jopilipi 1:27

Kenekene miunu ekite me kuo wu bed bala kame ejiri ka Kirisito mito, tetekeny akadi ka ango abino pi neno wu arabo li, abino winyo kop i komu be icungunu di itekunu kede cuny acel, kede tam acel, di itienu cane karacel pi yei kame ejiri okelo,

Jokolosai 1:2

But jokacil kede imiegu kede amiegu kame genere i Kirisito, kame tie Kolosai. Kisa kede mulem ka Rubanga Papa wa bed butu.

1 Jotesalonika 2:2

Do bed bala oudo oneno can di kotimo ne wa tim me lewic i Pilipi, bala kame wuda ingeunu, wan oko bedo kede nwangcuny i Rubanga wa pi tuco ne wu ejiri mere, bed bala piem adwong oudo tie.

1 Temeseo 1:18

Temeseo atin na, ango atie mini cik noni, di lubere kede kope kame komurao i komi, tetekeny kimii itwer yi kiber,

1 Temeseo 6:12

Yi kiber i yi me yei, di iko bino udo kuo kame bedo nakanaka, kame riki kolwongi iye i kare kame ituco kede yei ni i nyim ijurak atot.

2 Temeseo 1:13

Mok i kom pwony me ateni kame itieko winyo kibuta, di iko dong i yei kede amara kame tie i Kirisito Yesu.

Tito 1:4

But Tito, atin na obe i yei kame onywako. Kisa kede mulem ka Rubanga Papa kede Kirisito Yesu Rwot wa bed buti.

Iburanian 13:22

Imiegu kede amiegu na, ango akwao wu pi kanyakino winyo kope na kame supo cunyu, pien ango awandiko ne wu baluwa acecek.

Iburanian 6:9

Jo na kame amaro, akadi bed bala wan oyamo kaman, do ki tetu butu, wan ongeo kiber be wun itienu kede gikame beco kalamo, gikame makere kede alako wu.

1 Petero 5:12

Ango awandiko ne wu baluwa acecek noni kede kony kame Sila omia, en ngat kame ango atero be omin wa kame genere i Kirisito. Ango adio cunyu doko di amio wu ijura be, man en kisa ka Rubanga me ateni; cungunu iye kitek.

2 Petero 1:1

Baluwa kowok kibut Simoni Petero, ngat kame obedo ngatic kede ngaor ka Yesu Kirisito. But jo kotieko udo yei arom aroma kede merwa pi poore ka Rubanga wa en Ngalak wa Yesu Kirisito.

2 Petero 2:21

Oudo koto ebedo ber kato ka oudo likame gin kingeo yongayo me poore, akaka gin ngeno yongayo me poore di bobo kiko lokere tenge ki cik kacil kame komio gi.

Yuda 1:1

Baluwa kowok kibut Yuda ngatic ka Yesu Kirisito, kame obedo omin me Yakobo. But jo kame kolwongo, jo kame tie i amara ka Rubanga Papa, jo kame kotie gwoko di kodaro kede Yesu Kirisito.

Yuda 1:17

Do wun jo na kame amaro, miero iyutununu gikame bin joor ka Rwot wa Yesu Kirisito oudo ogeo waco sek.

Yuda 1:20

Do wun, jo na kame amaro, meedenu kede dongo di icungunu i yei wu kacil. Legunu kede twer me Tipo Kacil.

Gianyuta 12:11

Gin kibwone pi remo me Katin Romo kede pi kop me ijura kame gin kimio, pien gin oudo likame kiparo pi kuo gi akadi paka tuno i to.

Gianyuta 2:10

Kur ilworunu can kame iyapununu beo iye. Nenunu, Sitani oyapuno mino korwako jo mogo kikom wu i otkol, tetekeny kotamu di ikounu bedo kede peko pi ceng tomon. Bedunu jo kame genere tuno i to, di ango ako bino mino wu kuo bala giamia pi lono.