Yuda 1:25 - Baibuli I Leb Kumam 2013

²⁵ but Rubanga acel kenekene, ngat kobedo Ngalak wa, deyo bed bute, kede dwongo, kede twer, kede akarunikin pi Yesu Kirisito Rwot wa, bala lem sek, nataman kede ikar kede ikar! Amen.

Yuda 1:25 Iomraidhean Croise

1 Iyutun 29:11

Dwongo, twer, deyo, bwono yi, kede wor obedo meri; pien jamini dedede kame tie i malo kede i wi lobo obedo megi, doko in en abaka kame i lo jamini dedede.

Sabuli 104:24

Okwe Rwot, cwec nin tin tot benyo! In itieko cweno gin dedede kede rieko; lobo opong kede jamini kame in icweo.

Sabuli 147:5

Rwot wa dwong, doko etie kede twon twer; niang mere tut tut kalikame wacere.

Sabuli 78:20

Akadi bed bala en ejwato lela di pii oko kukunya, di eko mol, benyo, etwero da mino mugati, arabo mino jo mege ringo?”

Isaya 12:2

Ateteni Rubanga en kame laka; ango abino keto gen na i kome di likame ako bedo kede lworo. Rwot en amia teko kede twer, en kame elaka.

Isaya 45:21

Bia iketunu pido wu i nyim ekiko; mito kong jo kame gango pido nono por kop gi me pido! Ngai kowaco kop noni riki sek? Ngai kotuco riki sek be gi noni bino timere? Benyo, likame ango Rwot en kame riki atuco? Likame tie rubanga moro ace kwanyo ango kenekene, Rubanga kame timo gi kopoore, kede kame lako jo.

Danieri 4:37

Nan ango Nebukadunesa apako, amio wor, kede amio dwongo but Abaka me malo. Gi dedede kame en etimo tie kakare doko kipoore. En etwero dwoko piny jo kame wakere.

Matayo 6:13

Kur iwek wa opot i atama, do gwok wa ki gikarac.

Luka 1:47

kuo na lelo pi Rubanga Ngalak na,

Yokana 4:22

Wun iworunu ngat kalikame ingeunu; do wan oworo ngat kame ongeo, pien alako owok kibut Iyudayan.

Yokana 5:44

Itwerunu yei benyo benyo wun jo kame iudunu deyo kibut jo icegun, do di likame imounu deyo kame wok kibut Rubanga acel kenekene?

Joroma 11:33

Abar ka Rubanga tin dwong benyo! Rieko kede ngec mere tin tut benyo! Mono epone kame en engolo kede kop kede niang yote mege tin tek benyo!

Joroma 11:36

Pien jame dedede owok kibute, kitie pi en, doko kidok bute. Deyo bed bute ikar kede ikar. Amen.

Joroma 16:27

Deyo bed but Rubanga acel kenekene won rieko, pi Yesu Kirisito, ikar kede ikar. Amen.

Joepeso 1:8

kame en emio wa di dwong. I rieko kede i ngec mere dedede,

Joepeso 3:10

Etimere kaman tetekeny ekodet me jokirisito nyut epone atot apapat me rieko ka Rubanga ne tipere kame pugo i wi yamo, kede ne akarunikin kame tie i kabedere me i malo.

Joepeso 3:21

Deyo bed bute i ekodet me jokirisito kede i Kirisito Yesu i kare lung, ikar kede ikar. Amen.

1 Temeseo 1:17

Wor kede deyo bed but Abaka kame pugo nakanaka, kalikame to, kalikame neeno, en Rubanga acel kenekene, ikar kede ikar. Amen.

1 Temeseo 2:3

Man tie gikaber, kame yomo cuny Rubanga Ngalak wa,

Tito 2:10

arabo timo kuwo, do kinyut atwal be gin kigenere kitek, tetekeny i gi dedede kikel deyo i kom pwony ka Rubanga Ngalak wa.

Tito 2:13

di okurunu kede gen winyo kame bino bino, i Ceng kame deyo ka Rubanga wa adwong Ngalak Yesu Kirisito bino neeno kede.

Tito 3:4

Do kakame bero kede mwolo me amara ka Rubanga Ngalak wa oneeno kede,

Iburanian 13:8

Yesu Kirisito dong di cal acala, nyoro kede tin kede ikar kede ikar.

1 Petero 4:11

Ngat kame yamo, eyam bala dano kame yamo kop ka Rubanga; ngat kame mio kony, emi bala ngat kame konyo kede teko kame Rubanga mio, tetekeny mi Rubanga deyo i gi dedede pi Yesu Kirisito. Deyo kede twer bed but Yesu Kirisito ikar kede ikar. Amen.

2 Petero 1:1

Baluwa kowok kibut Simoni Petero, ngat kame obedo ngatic kede ngaor ka Yesu Kirisito. But jo kotieko udo yei arom aroma kede merwa pi poore ka Rubanga wa en Ngalak wa Yesu Kirisito.

2 Petero 3:18

Do meedenu dongo i kisa kede i ngec ka Rwot, ngat kame obedo Ngalak wa Yesu Kirisito. Deyo bed bute nan kede ikar kede ikar. Amen.

Gianyuta 1:6

di eko loko wa odoko jo me ajakanut, josaseredoti pi tic ne Rubanga mere doko Papa mere. Deyo kede loc bed bute ikar kede ikar! Amen.