Yuda 1:24 - Baibuli I Leb Kumam 2013

²⁴ But Rubanga ngat kame karuno gwoki kur ipoti ki yei ni, doko etwero mini icungo abongo raco moro di itie kede kilel i nyim kom me deyo mere,

Yuda 1:24 Iomraidhean Croise

2 Temeseo 4:18

Rwot bino laka ki raco dedede di eko gwoka tuno i Ajakanut mere me malo. Deyo bed bute ikar kede ikar. Amen.

Joepeso 3:20

Nan do deyo bed but Rubanga, en ngat kame pi twer mere kame tie tic kibut wa, etwero timo gikame tot kalamo kame wan okwao amoto otamo.

Jokolosai 1:22

do nan Rubanga otieko dwoko wu inywak kede en pi to me kom kame Kirisito obeo iye, tetekeny ekel wu i nyime di itienu jokacil kame li kede raco moro, abongo gimoro kame obunano wu iye i nyime.

Joepeso 5:27

me wek emi ekodet me jokirisito bute kene di etie gi me deyo, abongo karamoro kopwokere arabo karamoro korurujun, amoto gimoro ace kame cal kamanono, tetekeny ebed gikacil abongo raco moro.

2 Jokorinti 4:14

Pien wan ongeo be, ngat koyaruno Rwot Yesu bino yaruno wada karacel kede Yesu, di eko bino tero wan karacel kede wu i nyime.

Gianyuta 14:5

Likame tie kop moro me angalo kame owok ki dog gi, pien gin kili kede raco moro.

Joroma 8:31

Nan owac do benyo? Ka Rubanga tie kede wa, ngai kame twero mon kede wa?

Matayo 16:27

Pien Wot ka dano oyaro bino kede imalaikan mege di etie i deyo ka Papa mere, di en eko bino culo ngat acelacel pi gikame etimo.

1 Petero 4:13

Do lelunu kame itienu nywako can ka Kirisito, me wek bobo ibin ilelunu di itienu kede yomcuny i kare kame kobino nyuto kede deyo mere.

2 Jokorinti 11:2

Ango atie kede nyeko ka Rubanga piru, pien ango anero wu pi nyomere kede Kirisito, pi mino wu bute bala kame komio kede ateran kalikame pwodi ngeo icuo but cware acel kenekene.

2 Jokorinti 4:17

Pien can kame nataman wan otie neno tunutunu noni, tie iiko ne wa deyo adwong kalikame wacere, kame bedo nakanaka.

Matayo 5:12

Lelunu di ikounu bedo kede yomcuny, pien giamia wu me pwoc tie dwong i malo. Epone nono da en kame bin jo otidilo kede inabin kame ogeo bino ne wu.

Joroma 14:4

In ngai kame mio ingolo kop ne ngatic me dano ace? Ngadwong mere en kame poore ngolo ne kop be epoto amoto be etimo kiber. Kobino kiarao en, pien ngadwong mere karuno mine ecungo.

Sabuli 21:6

In imie winyo kame bedo nakanaka, cunye yom pien in itie kede en.

Yuda 1:21

Meedenu maro Rubanga; bedunu di idarunu cuny me kisa ka Rwot wa Yesu Kirisito kame mio wu i udunu kuo kame bedo nakanaka.

Jokolosai 3:4

Ka Kirisito ngat kame obedo kuo wu bino neeno, wuda ibinunu neeno karacel kede en i deyo.

Jokolosai 1:28

Wan opwonyo kop i kome di okwenyaro ngat acelacel, doko di opwonyo jo dedede epone me rieko dedede, tetekeny okel ngat acelacel i nyim Rubanga di etieko cato i Kirisito.

Luka 9:26

Pien ngat kame nan lewic make i koma, kede pi kop na, Wot ka dano da lewic bino make i kome i kare kame ebino dwogo kede di etie i deyo mere, kede i deyo ka Papa mere, kede me imalaikan kacil.

Matayo 25:31

“I kare kame Wot ka dano bino dwogo kede di etie i deyo mere karacel kede imalaikan dedede, en ebino bedo i kom mere me deyo.

Matayo 19:28

Yesu oko waco ne gi be, “Ateteni awaco ne wu be, i kare kame Wot ka dano bino bedo kede i kom mere me deyo i piny kanyen, wun jo kame ibedunu luba i ibinunu bedo i kabedo me pug tomon kiwie are pi pugo atekerin tomon kiwie are me Isirael.

Sabuli 43:4

Di do ango ako bino ot i alutari ka Rubanga, but Rubanga ngat kame yomo cunya kalamo; di ango ako bino paki di agoo adungu, Okwe Rubanga, Rubanga na.

Yakobo 2:10

Pien ngat kame gwoko iswilia dedede di eko turo acel, udo etieko turo gin dedede.

2 Petero 1:10

Pi mano, imiegu kede amiegu na, meedenu bedo kede mit me moko lwongo kede ayera wu, pien ka itimunu kamanoni likame ibinunu agetar.

Jolebi 14:11

Ngasaseredoti atie timo pwola me lonyere bino cibo dano atie lonyere nono kede giayala nogi i ekeko me Eema me ariamakin kede Rwot.