Yuda 1:16 - Baibuli I Leb Kumam 2013

¹⁶ Gin kibedo joingungur kame mito turo raco i wi jo apat; gin jo kame paro pi mit gi kenekene; jo kame bwoto kop kede ewaka, jo kame waco ne jo kope me abe kame winyo mit pi mito udo bero moro kibut gi.

Yuda 1:16 Iomraidhean Croise

Yobu 32:21

Ango likame abino bedo kede apokapoka but ngatamoro; arabo yamo kop me eede i kom ngatamoro.

Yobu 34:19

ngat kalikame nyuto apokapoka but jopug, akadi paro pi joabar kalamo jocan, pien gin dedede kibedo tic me cinge?

Sabuli 106:25

Gin kibedo kede ingungur i iemai gi, di likame kiko lubo gikame Rwot owaco.

Sabuli 15:4

Gin kineno jo areco kede acae, do kimio wor but jo kame lworo Rwot. Gin likame kiloko tam gi ki gikame kitieko kwongere iye akadi di elit negi.

Sabuli 17:10

Gin kili kede cuny me isasir; dog gi yamo kope me ewaka.

Sabuli 73:8

Gin kiyamo kope me acae kede kope areco i kom jo; kititimo jo di kiwakere kede kope me adiadia.

Agole 28:21

Bedo kede apokapoka i kom jo likame ber. Do jo mogo karuno timo dub pi sente moro atitidi.

Isaya 29:24

Jo kame kuo gi oparao bino udo niang, kede jo dedede kame ngunguro bino yei lubo pwony.”

Jolebi 19:15

“Likame ipoorenu ngolo kop kalikame tie kakare; likame ibinunu bedo kede apokapoka but jocan arabo lworo joabar, do ibinunu ngolo ne jo kop kakare.

Wel 14:36

Rwot oko mino aumpuli opeto cuo kame Musa oudo ocwao ot begao lobo me Kanan, di bin gin kiko dwoko kop me abe di kiko mino jo ocako bedo kede ingungur bute.

Wel 16:11

Nan wun icokerenu karacel pi jemo ne Rwot, do likame ne Aaron.”

Wel 16:41

Oru mere jo dedede me Isirael oko donyo cocobo Musa kede Aaron kede kop di kiwaco be, “Wun inekunu jo ka Rwot.”

Luka 15:2

Iparisayon kede jopwony me Iswil oko donyo ingungur di kiwaco be, “Icuo ni kom gamo jodubo, doko di ecamo kede gi.”

Luka 19:7

Do kakame jo oneno kede kamano, kiko donyo ngunguro di kiwaco be, “Neni, kom eoto bedo welo me ngadubo.”

Luka 5:30

Iparisayon kede joe gi kame pwonyo Iswil oko cako ingungur di ki penyo josiao mege be, “Pinyo ber komio wun icamunu, doko imatunu da kede jorar esolo kede jodubo?”

Yokana 6:41

Iyudayan oko cako ngunguro i kom Yesu pien oudo ewaco be, “Ango en mugati kame obino piny yai ki malo.”

Yokana 6:61

Do Yesu oko ngeno i cunye kene be josiao mege oudo tie ngunguro pi gikame en ewaco, omio en eko penyo gi be, “Mam kop noni owango cunyu?

1 Jokorinti 10:10

Doko kur ibedunu kede ingungur bala kame mogo kikom gi bin otimo, di Malaika kame Neko oko neko gi.

Jogalatia 5:16

Do ango awaco ne wu be, miunu Tipo tel wu di likame ikounu cobo mit me kom.

Jogalatia 5:24

Jo kame obedo me ka Kirisito Yesu otieko guro kuo me anywali karacel kede par mege kede mit mege i kom musalaba.

Iswilia 1:27

Wun bin ingungurunu i kimere wu di iwacunu be, ‘Rwot dagi wa en omio ekwanyo wa ki Misiri pi mino wa but jo Amor tetekeny kineneko wa.

Jopilipi 2:14

Timunu gi dedede abongo ingungur arabo piem,

1 Jotesalonika 4:5

likame kede mit arac me kom bala kame atekerin kalikame ngeo Rubanga timo.

1 Temeseo 6:5

kede atwomutwomun arac i dier jo kame tam gi otieko dubere doko kili kede ateni. Gin kiparo be kop kame makere kede woro Rubanga obedo gikame kelo ud.

2 Temeseo 4:3

Pien kare tie bino kame jo bino dagi gamo kede pwony aber, do kibino lubo mit gi di kiko coko jopwony kame bino pwonyo gi gikame cuny gi mito.

1 Petero 1:14

Bala idwe kame wor, kur imiunu kuo wu lub mit kame oudo kong igeunu bedo kede pi kwina piny.

1 Petero 2:11

Jo na kame amaro, abako doga butu bala kame nan itienu bedo i piny kan acalo wele me kumbor kame oringini kagwok, kur iyeunu donyo i mit me kom, kame nakanaka yi kede kuo me cunyu.

1 Petero 4:2

me wek itiekunu kare me kuo wu kame odong i wi lobo kan di likame bobo ilubunu mit me kom, do di ilubunu mit ka Rubanga.

2 Petero 2:10

twatwal mere jo kame donyo i mit me emuna, kede jo kame cao akarunikin ka Rubanga. Jopwony me angalo nogi cuny gi nwang, doko kitie kede mit me yeyeto wegi deyo abongo bedo kede lworo.

2 Petero 2:18

Gin kiyamo kope me ewaka kame kony gi li, di kiko tic kede mit kalikame beco me kom pi yodao tam me jo kame pwodi obwot abwota kibut jo kame bedo iekite me kuo arac.

2 Petero 3:3

Me agege mere, miero iniangunu be, i kare me ajikini jo acae oyaro bino di kicaare, di kilubo mit me kom gi,

Yuda 1:15

pi ngolo kop ne jo dedede, kede pi ngolo rac i wi jo dedede pi tim dedede me dagi woro Rubanga, kame gin kitimo iepone nono kalikame nyuto wor but Rubanga, kede pi kop dedede me gero kame jodubo kalikame woro Rubanga oyamo i kome.”

Yuda 1:18

Gin bin kiwaco ne wu be, “I kare me ajikini jo acae bino bino, di kilubo mit gi kalikame nyuto wor but Rubanga.”