Yuda 1:15 - Baibuli I Leb Kumam 2013

¹⁵ pi ngolo kop ne jo dedede, kede pi ngolo rac i wi jo dedede pi tim dedede me dagi woro Rubanga, kame gin kitimo iepone nono kalikame nyuto wor but Rubanga, kede pi kop dedede me gero kame jodubo kalikame woro Rubanga oyamo i kome.”

Yuda 1:15 Iomraidhean Croise

Sabuli 139:20

gin jo kame yamo kope areco i komi, di kitingere yamo nyingi kirac.

Sabuli 149:9

pi keto i tic ngolo kop kame komoko i kom gi. Manoni en deyo me jo mege dedede kame genere. Pakunu Rwot!

Sabuli 31:18

Mi dog joangalo lingi, dog kame yamo kop arac i kom jo kopoore kede ewaka kede acae.

Sabuli 37:6

En ebino mino poore nin rieny bala lero, kede ateni me gikame in itimo rieny bala i dier iceng.

Sabuli 73:9

Dog gi yamo kope areco i kom Rubanga kame tie i malo, doko leb gi da likame weko yamo kop i kom jo me wi lobo.

Sabuli 94:4

Gin kiyamo kope me ewaka; jo dedede kame timo gikareco wakere.

Sabuli 98:9

piento en etie bino pi ngolo ne lobo kop. En ebino ngolo ne jo me piny kop i ateni bala kame poore ne dano acelacel.

Yai 16:8

Musa oko waco be, “Rwot en kame bino mino wu ringo me acama otieno kede mugati kame romo wu odiko, piento en etieko winyo ingungur kame itienu kede i kome. Pien kame wun itienu kede ingungur moro i kom wan, udo itienu kede ingungur i kom Rwot.”

Ngarab kop 11:9

Wun jo atino, bedunu kede kilel, di ikounu camo kuo di pwodi wun ipongai kede apongai. Timunu gikame cuny wu mito kede kame wangu pwoyo. Do poore ingeunu be Rubanga bino ngolo ne wu kop pi gi nogo dedede.

Ngarab kop 12:14

Pien Rubanga bino ngolo ne jo kop i kom gi dedede kame gin kitimo, akadi gikame kitimo i mung, abeco arabo areco.

Esekeri 35:13

Doko da wun ibedunu tingere na di iwacunu kope areco atot i koma; ango atieko winyo gi.

Danieri 11:36

“Abaka me Asiria bino timo gikame cunye mito; en ebino tingere di eko tero be en edwong ekalamo rubangan dedede, di eko donyo waco kope awinyo rac i kom Rubanga Ngamalo Twal. En ebino meede kede tim mege tuno i kare kame Rubanga bino nyuto kede gero mere. Rubanga bino timo gikame en etieko iiko.

Danieri 7:20

Doko da oudo amito ngeno ateni me tunge tomon koudo tie i wie, kede tunge kame oko gulo kicen di eko mino tunge adek oko popoto pi weko nen kabedo. Tunge nono oudo tie kede wange kede doge, di eyamo ewaka ewaka. Le nono oudo mio dano bedo kede lworo kalamo leini icegun ka.

Yokana 5:27

Doko etieko mino Wod akarunikin me ngolo ne jo kop, piento en ebedo Wot ka dano.

Tice 17:31

piento en etieko cibo ceng kame en ebino ngolo ne kede jo me piny kop kede ateni. Dano kame en etieko yero en kame bino timo man, doko en etieko moko kop noni but jo dedede di eyaruno dano nono kikom jo oto.”

Joroma 14:10

Pinyo mio ingolo kop ne omini arabo amini? Arabo pinyo mio icao omini arabo amini? Pien wan dedede obinunu cungo i nyim kom ka Rubanga me ngolo kop.

Joroma 2:16

Aso manoni en gikame bino timere, i ceng kame Rubanga bino ngolo kede kop i kom mung me jo di etio kibut Yesu Kirisito, di lubere kede ejiri kame ango atuco.

Joroma 2:5

Do pi tekwic kede cuny kalikame swilaro kame in itie kede no, omio itie kano piri keni lilo ka Rubanga i ceng kame lilo kede ngolo kop mere kopoore bino neeno kede.

1 Jokorinti 4:5

Pi mano, kur ingolunu kop ne ngatamoro di pwodi likame kare otuno, di pwodi Rwot likame odwogo. En ebino woto i lero gikame nan kokano i colo, doko ebino mino iik kame tie i cuny jo ngere. Di do dano acelacel ko bino udo pwoc kibut Rubanga.

1 Jokorinti 5:13

Rubanga en kame bino ngolo kop ne jo kalikame oyei Kirisito. Pien kowandiko be, “Riamunu tenge ki diere wu dano kame tie kede tim areco.”

1 Temeseo 1:9

Man kelo niang be, likame koketo iswil pi jo abeco, do pi jo kame turo iswil kede pi jo kame dagi winyo kop, pi jo kalikame woro Rubanga kede pi jodubo, pi jo kame li kede cuny me edini kede jo kame cao Rubanga, pi jo kame neko papi gi kede jo kame neko toti gi, pi jonek,

Yuda 1:16

Gin kibedo joingungur kame mito turo raco i wi jo apat; gin jo kame paro pi mit gi kenekene; jo kame bwoto kop kede ewaka, jo kame waco ne jo kope me abe kame winyo mit pi mito udo bero moro kibut gi.

Gianyuta 13:11

Di bobo ako neno le ace kame owok ki wi lobo. En oudo etie kede tunge are kame cal bala me katin romo, oudo eyamo bala twol kiyiliyili.

Gianyuta 22:20

Ngat kame omio ijura me gi nogi waco be, “Ateteni ango atie bino awakawaka.” Amen. Bia, Rwot Yesu!

1 Samuel 2:3

Jikunu yamo me ewaka, kur doko kope me ewaka wok ki dogu; pien Rwot obedo Rubanga atie kede ngec, doko en engolo kop i kom tice dedede kame jo timo.