Yuda 1:11 - Baibuli I Leb Kumam 2013

¹¹ Kitie i can tin benyo! Pien kilubo ekite me kuo ka Kain, doko gin kidonyo i tim me angalo bala Balaam pi mito bedo kede ud, di kiko to bala bin Kora pi tim me jemo.

Yuda 1:11 Iomraidhean Croise

2 Abakai 16:16

Ngasaseredoti Uria bin oko timo gi dedede kame Abaka Akas ociko ne.

Isaya 3:11

Do jo areco tie i peko! Kitie kede winyo arac tin benyo, pien gikame gin kitimo ne jo apat en kame kobino timo ne gida.

Isaya 3:9

Neeno me nyim gi da nyuto raco gi; gin kitimo dub obe bala bin jo me Sodoma, likame kipwono kede. Gin kibino neno can! Gin en kikelo peko i kom gi ken gi.

Yeremia 13:27

En etieko neno tim wu aneno rac, tim wu me donyo woro rubangan apat bala kame dano timo kede adote, amoto bala kame asigira icuo dwilao kede pi mito dako; tim wu me malaya kame itimunu i wi imukuran abongo lewic. Okwe Yerusalem, can i wii! Ibino tero kare arom kamene di pwodi likame iloko tim ni odoko cil?

Esekeri 13:3

Rwot Rubanga tie waco kaman: “Kitie i can gin inabino amiming kame lubo kop kame gin kipwakuno i wi gi ken gi, do di likame kineno gianyuta moro.

Mika 6:5

Okwe wun jo na, kong yutununu gikame Abaka Balak me Moab bin oiko pi timo i komu, kede epone kame Balaam wot ka Beor oko gamo kede doge. Yutununu da gikame bin oko timere i yongayo, cako ki Akasia tuno Giligal. Yutununu gi nogi tetekeny iniangunu i kom gikame bin ango Rwot ako timo pi lako wu.”

Sakaria 11:17

Okwe ngakwat akony mere li, kame weko romini! Poore epima cob bade kede wange tetu cam! Poore bade twili di wange tetu cam ko to atwal atwala.”

Wel 31:16

Yutununu be mon en kame bin olubo pwony ka Balaam di kiko mino jo likame oko bedo kede genere but Rwot i Peor. Manono en kame bin oko kelo aumpuli i kom jo ka Rwot.

Matayo 11:21

“Ibino neno can in Korasin! Ibino neno can ida Betesaida! Pien koto tice me twer kame kotimo i diere wun oudo bin kotimo i bomban me Taya kede Sidon, jo kame tie i yi gi oudo koto otieko swilaro sek di kingapo giangapa me iturur.

Iswilia 23:4

pien bin gin kidagi mino wu cam kede pii i kare kame bin iyaunu kede ki Misiri di itienu ot; doko da medo i wi manono, gin kiko pango Balaam wot ka Beor, dano me Petor, en bomba atie Mesopotamia, pi lamo wu.

Iburanian 11:4

Yei en kame bin omio Abel omio Rubanga giayala kame ber kalamo me ka Kain. Manono oko mino kopwoye be epoore, pien Rubanga kikome opwoyo giamia mere. Bed bala en eto, do nan pwodi en eyamo pi yei.

2 Petero 2:15

Gin kitieko weko yongayo kopoore di kiko rwenyo; kitie lubo yongayo ka Balaam wot ka Beor, kame riki cunye omaro lim kame eudo pi tim areco,

1 Yokana 3:12

Miero wan kur obedunu bala Kain ngat kame bin obedo atin me Ngarac, di en eko neko omin mere. Pinyo komio bin en eneko omin mere? Pien tice mege oudo reco do tice ka omin mere oudo opoore.

Gianyuta 2:14

Do ango atie kede kope mogo anonok i komu: wun itienu kede jo mogo kuno kame lubo pwony ka Balaam, ngat kame bin opwonyo Balak keto gikame getaro jo me Isirael, me wek kicam cam kame koyalo ne cal jwogi, kede kitim caro.