Yoweri 3:9 - Baibuli I Leb Kumam 2013

⁹ “Tatamunu kop noni i diere me atekerin be, ‘Iikerenu pi yi; supunu cuny isirikalen. Miunu isirikalen bin di gin iyapiyapi kan.

Yoweri 3:9 Iomraidhean Croise

Sabuli 96:10

Wacunu ne atekerin be, “Rwot en abaka! Kotieko keto lobo kakare, likame tie gikame karuno yayango en. En ebino ngolo kop ne jo dedede i ateni.”

Isaya 34:1

Bianu iwinyunu, wun atekerin dedede; Okwe wun jo me atekerin, cikunu yitu. Kong wi lobo lung kede gi koponge, piny dedede kede jo kame bedo iye winyi.

Yeremia 31:10

Rwot waco be, “Okwe atekerin, winyunu kop na, di ikounu tatamo en i dog name kame tie kakabor. Wacunu be, ‘En ngat kame bin esasaro jo me Isirael, en nono da kame ebino coko gi, di eko gwoko gi bala kame ngakwai romini gwoko kede romini mege.’

Yeremia 50:2

“Tuc kop noni ne atekerin doko tatamo en! Sip imendera di iko tatamo kop noni! Kur imungi, do wac be, ‘Jokwor otieko mano Babilon! Kotieko mino lewic omako rubanga mere Bel, rubanga mere Maraduk cunye otieko dubere! Cal apaa me Babilon kotieko mino lewic omako, caljwogi mege cuny gi otieko dubere!’

Yeremia 51:11

Rwot otieko keto i cuny abakai me Mede mit me yi kede Babilon, piento iik mere tie pi muducaro en. Manono en kite kame en ebino nyango kede tempulo mere. Jotel me isirikalen kame tie sure mio isirikalen cik be, “Penunu imalia wu! Kwanyunu ibukui wu ikounu bedo di iikerenu!

Yeremia 51:27

“Sip imendera i lobo pi nyuto be yi tie. Kut agwara tetekeny atekerin winyi di kiko ngeno be yi tie. Mi atekerin iikere pi yi kede Babilon. Lwong jo me ajakanuto apapat pi bino yi kede; ajakanuto me Ararat, Mini, kede Asukenas. Yer dano kame bino telo isirikalen ot yi kede. Keli asigiran atot bala obonyo.

Yeremia 6:4

Gin kibino waco be, “Iikerenu ootunu osurunu Sion; yaunu ootunu osurenu i dier iceng!” Do doko di gin kiko bino waco be, “Otienu kede winyo arac, esawa otieko kato, piny otieko yuto, pien tipere me jame otieko doko bocoboco.

Esekeri 38:17

In en ngat kame ango bin sek awaco kop i kome ki dog jotic na inabin me Isirael be, i kare me anyim ango oudo abino kelo dano moro suro Isirael.” Rwot Rubanga en owaco.

Esekeri 38:7

“Bed di i iikere, in karacel kede isirikalen dedede kocokere luki kame tie i amuri nin.

Mika 3:5

Rwot waco kaman i kom inabin me angalo: “Wun inabin me angalo itienu rwenyo jo na! Wun iwacunu be mulem bino bedo tie ka komio wu gimoro me acama, do but jo kalikame mio wu gimoro, wun iwacunu be yi bino bedo tie.

Agai 2:7

Ango abino yayango atekerin dedede, di oko bino kelo jamini gi me wel kan, di ango ako bino mino tempulo pong kede deyo na.

Sakaria 14:2

Rwot bino coko atekerin dedede karacel pi bino yi kede Yerusalem, di kiko bino mano bomba, di kiko yako ude, kede kiko buto kede mon tetek. Dul me jo kobino mako di oko tero gi obukui, do jo ace ko bino dong i bomba.

Sakaria 14:3

Di Rwot ko bino ot di eko yi kede atekerin nogo, bala etie yi i ceng me yi.