Yoweri 3:7 - Baibuli I Leb Kumam 2013

⁷ Do nataman ango abino mino gin kiyai kiweko kabedere kame wun oudo icatunu gi iye, di ango ako bino timo ne wun gikame wun itiekunu timo ne gin.

Yoweri 3:7 Iomraidhean Croise

Esita 7:10

Aso, gin kiko liero Kaman di kiko dene i gikame en oudo eiko me deno Modekai. Di do gero ka abaka oko kwei.

Isaya 11:12

En ebino sipo ne atekerin imendera, pi bedo gianyuta me en coko karacel jo kosasarun me Isirael kede Yuda, di eko dwoko gin dedede ki bad ongwon me wi lobo.

Isaya 49:12

Neningo, jo na bino dwogo ki kakabor, ki bad tetu malo kede tetu tim, kede ki lobo me Siene.”

Isaya 66:6

Winyunu! Woo tie i bomba, dwan tie wok ki tempulo! Dwan Rwot inonono. En etie culo kwor i kom jokwor mege!

Yeremia 23:8

Do kibino lairo i nyinga, di kiwaco be Rubanga akuo kokwanyo jo me Isirael ki lobo atie tetu malo, kede ki lobere dedede kakame ango oudo ariamo gi iye. Di do gin kiko bino bedo i lobo gi amako gi.”

Yeremia 30:10

“Do wun jo na, kur ibedunu kede lworo moro; doko kur cuny wu poti, Okwe wun jo na me Isirael. Ango ayaro lako wun kede idwe wu ki lobo kame tie kakabor nono, lobo kame itienu iye mabus. Wun ibinunu dwogo paco di ikounu bedo mot kede anapakin, doko likame tie ngatamoro kame bino mino wu lworo.

Yeremia 30:16

Do jo dedede kame muducaro wu kobino muducaro gida, doko jokwor wu dedede kobino tero i piny apat bala mabus. Jo kame yako wu kobino yako gida, doko jo dedede kame mao jamini wu ango abino mino komao jamini gida.

Yeremia 31:8

Neningo, ango ayaro kwanyo gin ki lobo kame tie tetu malo di ako kelo gi, ayaro coko gin ki ajikini me piny. Imuduka kede ingwalasa bino dwogo kede gin, karacel kede mon koyac kede kame tie ramere me nywal. Jo kame bino dwogo bino bedo tot twatwal.

Yeremia 32:37

ango ateteni ayaro coko gin dedede ki lobere kame oudo ango asasaro gi iye pi wang cunya, lilo kede gero atek kame oudo atie kede; ango abino dwoko gin kabedo noni di ako mino gin kibedo iye kede anapakin.

Esekeri 36:24

Ango abino kwanyo wu ki diere me atekerin, abino coko wu ki pinye dedede di ako dwoko wu i lobo wu amako wu.

Esekeri 38:8

Pien ingei mwakini anonok, ango abino ciki pi ot suro lobo kame yi oudo odudubo. Oudo jo oweke pi kare alac, do nataman oko dwoko jo mege nogo ki lobere me obukui kakame oudo bin kibedo iye. Gin nan kibedo i mulem abongo lworo moro i wi mori me lobo gi.

Yoweri 3:4

“Okwe wun jo me Taya, Sidon kede jo me adulion dedede me Pilistia, nyo ine kame wun itimunu nango? Benyo, tie gimoro kame itienu nyango? Ka itienu timo onyanga, ango abino dwoko i wi wu oyotoyot gikame itimunu.

Sakaria 9:13

Ango abino tic kede Yuda bala tir me gweno emal, kede Isirael bala tongini me emal. Abino tic kede cuo me Sion bala ipimai, pi yi kede cuo me Guris.”

Matayo 7:2

Pien Rubanga bino ngolo ne wu kop iepone acel nono kame wun ingolunu ne kede jo apat, doko ebino ngolo ne wu kop di epimo rom mere kede kop kame wuda ingolunu ne jo apat.

2 Jotesalonika 1:6

Pien kibut Rubanga, etie gikame opoore pi culo jo kame mio wu neno can kede mino gida can,

Yakobo 2:13

Pien Rubanga bino ngolo kop abongo cuny me kisa ne ngat kalikame nyuto ne jo apat cuny me kisa; do cuny me kisa dwong kalamo ngolo kop.

Gianyuta 13:10

Ka oudo koiko ne ngatamoro be kobino make kotere, kobino make kotere da; ka oudo koiko ne ngatamoro to me epima, kobino neke kede epima da. Manoni tie lwongo but jokacil pi bedo kede ikanyakin kede yei.”

Gianyuta 16:6

Pien jo oonyo remo me jokacil kede me inabin, di in nan iko mino gi remo pi mato. Manono poore kede gi!”

Gianyuta 19:2

Piento en engolo kop i ateni kede kakare. En etieko ngolo kop ne twon malaya kame oudo odubo lobo kede tim mege me caro. Rubanga otieko culo kwor i kome pi remo me jotic mege.”

Jongolkop 1:7

Adonibesek oko waco be, “Abakai ot kanyaare kame kongolongolo lwet gi adongo me cing gi kede me tien gi oudo obedo depo angidingidin me cam i dud emesa na. Rubanga otieko timo nango gikame ango oudo atimo ne gin.” Gin kiko tere Yerusalem, di eko to kunono.

1 Samuel 15:33

Do Samuel oko waco be, “Bala kame epima nin omio kede mon odong abongo idwe, nan toto ni da bino dong abongo atin.” En eko tongotongo Agag i adulion atitino i nyim alutari kame tie Giligal.