Yoweri 3:4 - Baibuli I Leb Kumam 2013

⁴ “Okwe wun jo me Taya, Sidon kede jo me adulion dedede me Pilistia, nyo ine kame wun itimunu nango? Benyo, tie gimoro kame itienu nyango? Ka itienu timo onyanga, ango abino dwoko i wi wu oyotoyot gikame itimunu.

Yoweri 3:4 Iomraidhean Croise

2 Iyutun 21:16

Rwot oko supo cuny jo Pilistia kede cuny imuarabun kame oudo tie bedo i nget jo Abisinia mogo, pi gin ot yi kede Yekoram.

Isaya 14:29

Wun jo me Pilistia kur ilelunu be ebela me bungo wu otieko tur. Pien kame twol oto, twol akalamo en kede gero en kame lunyo wange, kede ace kiyiliyili di epor apora.

Isaya 34:8

Pien Rwot otieko iiko ceng kame en ebino culo kede kwor, mwaka kame en ebino lako kede Sion.

Isaya 59:18

Rwot bino culo kwor i kom jokwor mege di lubere kede gikame gin kitimo, akadi jokwor kame tie i lobere me dog nam adwong.

Yeremia 47:1

Man en kop kame Rwot owaco na i kom Pilistia di pwodi Parao likame osuro Gasa.

Yeremia 47:4

Pien udo ceng me muducaro jo me Pilistia otieko tuno, ceng me tieko jo dedede kame pwodi odong, jo kame konyo Taya kede Sidon. Pien ango Rwot atie muducaro jo me Pilistia, jo kame oudo obino ki dog nam me Kurete.

Yeremia 51:6

Ringunu tenge ki Babilon! Ngat acelacel marao kuo mere! Kur nek wu pi dub me jo me Babilon. Kare otieko tuno me ango timo onyanga; ango atie mine alola kame poore kede.

Yoweri 2:10

Ka gin kitie ot piny yangere, idoun da yayangun i malo. Ceng kede duwe doko col cucucuc, doko acer da weko rieny.

Yoweri 2:2

Ebino bedo ceng kame colpiny mere cucucuc, ceng kame col cucucuc, di eumere kede idoun. Bala kame piny walar kede obai di lero ko nyai romo wi mori, kamanono twon isirikalen atek tie bino. Cako lem sek likame pwodi tie gikame cal kamanono, bobo likame bino bedo tie.

Matayo 11:21

“Ibino neno can in Korasin! Ibino neno can ida Betesaida! Pien koto tice me twer kame kotimo i diere wun oudo bin kotimo i bomban me Taya kede Sidon, jo kame tie i yi gi oudo koto otieko swilaro sek di kingapo giangapa me iturur.

Matayo 11:22

Do ango awaco ne wu be, i ceng me ngolo kop Rubanga bino nyuto kisa ne jo me Taya kede Sidon kalamo wun.

Luka 10:13

“Can nin bino bedo dwong benyo in Korasin! Doko can nida bino bedo dwong benyo in Betesaida! Pien ka koto tice me twer kame bin kotimo i diere wu oudo kotimo Taya kede Sidon, oudo koto jo me kuno bin otieko swilaro sek, di kingapo giangapa me iturur.

Luka 10:14

Do i ceng me ngolo kop Rubanga bino bedo kede kisa but jo me Taya kede Sidon kalamo butun.

Luka 18:7

Wun iparunu be likame Rubanga bino ngolo kop kiber pi konyo jo mege kame en eyero, jo kame kok bute iceng kede iwor? Iparunu be eyaro gal kede konyo gi?

Tice 9:4

En eko poto piny di eko winyo dwan kame waco ne be, “Saulo, Saulo, pinyo komio in itie tidilo ango?”

Iswilia 32:35

Pien ceng kame ango abino timo kede onyanga di ako mino gi alola iyapi tuno! Tien gi bino getar, di can me epone dedede ko poto negi.’

2 Jotesalonika 1:6

Pien kibut Rubanga, etie gikame opoore pi culo jo kame mio wu neno can kede mino gida can,

Jongolkop 11:12

Yeputa oko cwano jo but abaka me jo Amon di epenye be, “Nyo arac i dierediere nin kede wan, komio itieko bino pi yi kede lobo wan?”