Yoweri 3:16 - Baibuli I Leb Kumam 2013

¹⁶ Rwot dorano bala engu ki Sion; en ewoto dwane ki Yerusalem, di lobo kede malo ko yayangun. Do Rwot en ngat kame jo mege ringo gwokere bute; en ecal bala kakatek me gwokere but jo me Isirael.

Yoweri 3:16 Iomraidhean Croise

Sabuli 18:2

Rwot en lela na, en apama atek kame gwoka, ngalak na, Rubanga na, lela na kame ango aringo gwokere bute, ebuku na, kede ngateko kame laka; en kateko na.

Sabuli 29:11

Akwao Rwot mi jo mege teko! Akwao Rwot mi jo mege winyo me bedo kede anapakin.

Sabuli 61:3

pien in en ngat kame ango aringo ot gwokere bute, gedo abor malo kame gwoka kibut jokwor na.

Agole 18:10

Rwot cal bala gedo abor malo di etek, dano kopoore ringo iye di eko bwot.

Isaya 33:16

Gin kibino bedo malo kakabor; karingo gi ot gwokere bino bedo cel kobedo lela; kobino mino gi cam kede pii.

Isaya 33:21

Do Rwot kede dwongo mere bino bedo ne wan bala icileta kede isamai adongodongo koluko wa, kame imerin atino amoto adongo me jokwor likame bino kwang lubo.

Isaya 42:13

Rwot tie ot i yi bala sirikale, en edoko ger bala ngayi; en elelemo kede dwan amalo, en enyuto teko mere i kom jokwor mege.

Isaya 51:16

Ango en kame ayararo malo di ako cibo acakini me lobo; ango awaco ne jo me Sion be, ‘Wun en jo na! Ango atieko keto kope na i dogu, doko ango agwoko wu kede cinga.’ ”

Yeremia 16:19

Okwe Rwot, in en imia teko, doko in en igwoka, in en karingo na i esawa me peko. In en kame atekerin dedede bino bino buti wok ki ajikini me lobo di kiwaco be, “Joakwari wa oudo tie kede rubangan me abe kenekene, gimogo akony gi li, doko da kili kede bero moro.

Yeremia 17:17

Kur ibed ngat kame kelo na lworo; in en karingo nango i esawa me peko.

Esekeri 38:19

Atie waco kede nyeko kede gero be: i ceng nono lobo me Isirael bino yangere adikinicel.

Kosea 11:10

“Ango Rwot abino dorano bala engu i kom jokwor gi, di jo na ko bino dwogo ki bad tetu tim di kom gi miel amiela.

Amosi 1:2

Amosi owaco be, “Dwan Rwot dorano ki moru me Sion; dwane dorano ki Yerusalem. Di elet me jokwai romini ko ner, di lum me wi moru me Kamel ko tuo.”

Amosi 3:8

Engu otieko dorano, ngai kalikame bino bedo lwor? Rwot Rubanga otieko waco kop mere, ngai kame twero dagi rabo kop mere?

Nakum 1:7

Rwot ber, en etie bala apama me cel atek kame gwoko jo mege i kare me peko; En egwoko jo kame ringo gwokere bute,

Agai 2:6

“Odong kare anonok di ango bobo ako bino yayango malo kede piny, lobo kede nam.

Agai 2:7

Ango abino yayango atekerin dedede, di oko bino kelo jamini gi me wel kan, di ango ako bino mino tempulo pong kede deyo na.

Sakaria 10:12

Ango abino mino jo na bedo tek, di gin kiko bino donyo lubo kop na. Ango Rwot en awaco!”

Sakaria 10:6

“Ango abino mino jo me Yuda bedo tek di ako bino lako jo me Isirael. Ango kisa bino maka kede gi di ako bino dwoko gi paco. Gin kibino bedo bala jo kalikame ango oudo adagi, pien ango en Rwot Rubanga gi; abino gamo ilega gi.

Sakaria 9:12

Mabus kame tie obukui di itienu kede gen, dokunu i kagwokere wu atek. Awaco ne wu be abino mino wu winyo akalamo angoce itienu kede tien are.

Iburanian 12:26

I kare nono bin dwane oyayango lobo, do en nataman ecikere be, “Tien ace bobo ango likame abino yayango lobo kenekene do abino yayango kiton malo da.”

Gianyuta 11:13

Iesawa nono piny oko yangere kitek, di acel me tomon me bomba nono oko popoto piny; jo tutumia kanyaare oko to pi yangere me piny nono. Lworo adwong oko mako jo icegun dedede kame oudo odong, di kiko mino deyo but Rubanga me malo.

Gianyuta 11:19

Di oko yabo tempulo ka Rubanga i malo, Sanduku me Isikan mere oko neeno di tie iye. Di asara kame cal bala meny me kot, dwan atot, amwocumwocun bala me kot, yangere me piny, kede cwei atek me akako oko timere.

Gianyuta 16:18

Di asara me meny kame cal bala me kot, icelakin, amwocumwocun kede yangere atek me piny, kame lem pwodi likame otimere cako jo bedo i wi lobo oko timere. Yangere me piny nono oudo rac adikinicel.

1 Samuel 15:29

Doko Rubanga adwong me Isirael likame bino loko tam mere; likame en eloko tam mere pien likame en ebedo dano.”