Yoweri 3:13 - Baibuli I Leb Kumam 2013

¹³ Gin kireco twatwal; miunu pala cak tic i kom gi, pien gin kical bala kal kotieko cek. Donyunu ikounu nyonyono gi bala olok kame konyonyono i bur kopong me biino bwini, paka bwini atie iye alamar.”

Yoweri 3:13 Iomraidhean Croise

Ageini 13:13

Jo me Sodoma bin obedo jo areco, jo kame otimo dub atot i nyim Rwot.

Ageini 15:16

Gin kibino dwogo kane i kare me lwak me ongwon; pien dub me jo Amor pwodi likame oyitiriro.”

Ageini 18:20

Di do Rwot oko waco ne Aburaam be, “Koko kame tie i kom Sodoma kede Gomora tin dwong benyo, doko dub gi tin rac raco kokato kare tin benyo!

Isaya 17:5

Isirael bino bedo cal bala poto kame konyaro kiye engano; ebino dong kene bala poto me engano me aditot me Repaim, kame jonyar onyaro kiye engano di oko nyogao depo kiye wit engano kodong pitipit.

Isaya 63:3

Rwot gamo be, “Ango atieko nyonyono atekerin bala olok abongo ngatamoro konya. Ango anyonyono gi di alilo, omio remo gi opwoko igoen na dedede.

Yeremia 51:33

Babilon cal bala diakal me canyo kame kotie toro, pien udo kare me kac onoko; kidong kede kare katitidi di jokwor ngongolo gi. Ango Rwot me jo yi en awaco.”

Koko ka Yeremia 1:15

“Rwot odagi jo yi na dedede koudo tie i diere na, en ecwao isirikalen bino muducaro awobe na. Enyinyito jo na bala olok kame kotie biino.

Kosea 6:11

“Wuda jo Yuda, ango atieko moko kare me mino wuda alola pi gikame itienu timo.

Matayo 13:39

Ngakwor kame ocuo doi en Sitani, kac en ajikini me piny, kede jokac en imalaikan.

Marako 4:29

Kame kal do ocek, oyotoyot dano nono mako pala di eko cako kac, pien udo kare me kac do otuno.”

Iswilia 16:9

“Ibinunu maro sabitin kanyaare cako i ceng kame igeunu kede kac,

Gianyuta 14:14

Di ako neno edou atar, di ngat kame tie bedo i wie cal bala Wot ka dano. Oudo engapo ocoro me ajakanut i wie kame kotimo kede saabu, di pala abit me kac tie i cinge.

Gianyuta 19:15

Epima abit oudo opelao ooko ki doge, kame en ebino bwono kede atekerin. En ebino pugo gi kede ebela me lilim, doko ebino nyonyono olok kame tie i bur kame obio kede bwini me lilo ka Rubanga Won Twer.