Yoweri 2:5 - Baibuli I Leb Kumam 2013

⁵ Gin kisosomo i wi mori, di kimor bala cabalan; gin kimor bala leb mac kame tie camo arienge. Gin kical bala twon isirikalen koteere pi yi.

Yoweri 2:5 Iomraidhean Croise

Yobu 39:20

Benyo, in en imie esosomo bala obonyo, di emio jo lworo kame ekuto ume kede ewaka?

Yai 5:12

Aso, jo me Isirael oko sarakin i Misiri lung mono ocici.

Isaya 30:30

Rwot bino mino dwane me dwongo winyere but jo dedede, di kiko bino neno cinge kame ekiarao malo pi bungo gi, di etie kede gero acal bala mac ager, karacel kede kot acwei di emwomwocun kede yamo atek kede akako.

Isaya 5:24

Pi manono, wuda ibinunu wang bala arienge kame leb mac wango, kede bala lum otuo kame dopokin i mac; ibinunu doko bala yat kame aliasin mege otop di pote wu ko bino lokere doko apua, pien wun itiekunu dagi pwony ka Rwot me jo yi; idagunu kop ka Ngat Kacil me Isirael.

Yeremia 50:42

Gin kimako imalia kede tongini; gin kiger kili kede kisa. Buruburu gi winyere bala gunyao me nam, di gin kiringo kede asigiran. Gin kibino di kiteere bala jo kotieko iikere pi yi, gin kitie bino pi yi kede Babilon.

Matayo 3:12

En etie kede oderu mere i cinge cuto, doko ebino weno diakal mere me canyo, di en eko coko engano mere eonyo i dero, do cucung ebino wango i mac kalikame to.”

Gianyuta 9:9

Abokoya me kom gi oudo cal bala ebuku me nyonyo kame jo ngapo i kor gi, kede mor me bwom gi oudo winyere bala mor me cabalan atot me yi, kame asigiran tie wano ringo kede i yi.