Yoweri 2:2 - Baibuli I Leb Kumam 2013

² Ebino bedo ceng kame colpiny mere cucucuc, ceng kame col cucucuc, di eumere kede idoun. Bala kame piny walar kede obai di lero ko nyai romo wi mori, kamanono twon isirikalen atek tie bino. Cako lem sek likame pwodi tie gikame cal kamanono, bobo likame bino bedo tie.

Yoweri 2:2 Iomraidhean Croise

Sabuli 10:6

Gin kitamo i cuny gi be, “Likame tie gikame bino yango wa; i kare lung likame wan obino riamo kede peko moro.”

Sabuli 97:2

Idoun kede colo kame cucucuc oluke; en epugo i yore kopoore kede me ateni.

Yai 10:14

Obonyo obino di kiko raramun kabedere dedede me Misiri; twon ekodet me obonyo kalikame pwodi lem ngatamoro oneno, doko epone mere likame bino medo nenere.

Yai 10:6

Gin kibino pong i yi ude ni kede me jotic ni, kede i yi ude me jo dedede me Misiri. Manoni bino bedo gikame jonywal wu kede joakwari likame oneno cako gin bedo kuo i wi lobo.’ ” Musa oko lokere di eko yai tenge kibut Parao.

Yai 20:21

Di do jo oko cungo i kakabor, di Musa oko nyiko iyapiyapi kede edou acol cucucuc kame oudo Rubanga tie iye.

Isaya 5:30

Ka ceng nono otuno, gin kibino dorano i kom jo me Isirael bala mor me nam. Ka ngatamoro oko neno lobo nono, likame tie gikame en ebino neno ace apat kwanyo kenekene colo kede can alit, pien idoun acol bino umo lero me iceng.

Isaya 8:22

kede kibino ngino piny i wi lobo, do kibino neno peko kede colpiny kenekene, colpiny akelo cwercuny, kame kobino piko gi iye.

Yeremia 13:16

Miunu Rwot Rubanga wu dwongo di likame pwodi ekelo colo, di tienu ko gete i kom mori di piny warawara; di pwodi likame eloko lero kame nan wun igenunu odoko col acucucuc.

Yeremia 13:6

Ingei kare moro Rwot oko waco na be, “Nan oti i ecilet me Eupurate di iko omo egoe kame oudo ango aciki be ioti ikan kunono.”

Koko ka Yeremia 1:12

En ekok be, “Wun jo kame ibeunu i ngeta, mam likame iparunu? Kong ngolorunu di ikounu neno, ka tie can moro kotieko bedo rom kede mera, can kame Rwot okelo i koma i ceng kame edoko ger kede.

Esekeri 32:7

Kakame ango abino muducaro in kede, abino umo malo, abino mino acerin doko col; abino umo wang ceng kede edou di duwe da ko jiko rieny.

Esekeri 34:12

Bala kame jokwat mo kede romini kosasarun di kiko coko gi, kamanono ada abino mono romini na korwenyo. Ango abino dwoko gi ki kabedere dedede kame oudo kisasarun iye i ceng me colo kede me peko.

Esekeri 38:9

In kede isirikalen ni karacel kede atekerin ace kame tie kedi ibinunu ot suro gi bala yamo ager me kot, di ikounu umo lobo gi bala edou.

Danieri 12:1

Malaika koudo tie ngapo igoen aliamaliam nono oko waco be, “I kare nono Emikairi malaika adwong, en ngat kame daro jo ni, bino neeno. Di kare ko bino bedo tie me twon peko, kame epone mere lem pwodi likame otimere cako atekerin bedo tie. Ka kare nono otuno, jo me ateker ni kame kowandiko nying gi i itabu ka Rubanga kobino lako.

Danieri 9:12

In icobo timo gikame oudo iwaco be ibino timo ne wa kede jopug wa. In imio Yerusalem alola alit kalamo bomban dedede me wi lobo.

Yoweri 1:6

Twon ekodet me obonyo otieko suro lobo wa, gin kitek doko wel gi likame marere; lak gi cal bala me engu, kibitobito bala me engu adako.

Yoweri 2:25

“Ango abino culo wu pi mwakini kame obonyo ocamo kede cam wu. Gin en twon isirikalen kame oudo ango acwao pi suro wu.

Yoweri 2:31

Ceng bino lokere doko col cucucuc, di duwe ko lokere edoko kwar bala remo di pwodi ceng ka Rwot likame otuno, en ceng adwong me can atek.

Yoweri 2:5

Gin kisosomo i wi mori, di kimor bala cabalan; gin kimor bala leb mac kame tie camo arienge. Gin kical bala twon isirikalen koteere pi yi.

Yoweri 3:4

“Okwe wun jo me Taya, Sidon kede jo me adulion dedede me Pilistia, nyo ine kame wun itimunu nango? Benyo, tie gimoro kame itienu nyango? Ka itienu timo onyanga, ango abino dwoko i wi wu oyotoyot gikame itimunu.

Amosi 4:13

Nenunu, Rubanga en kocweo mori kede yamo abuko. En emio tam mere ngere but jo; en eloko iceng doko iwor. En eoto i wi mori. Nyinge obedo, Rwot Rubanga Won Twer!

Sepania 1:7

Lingunu titi i nyim Rwot Rubanga, pien ceng kame Rwot bino ngolo kede kop ne jo oyapuno tuno. Rwot tie iiko leini kame kobino ngolo bala giayala, doko etieko lwongo jokwor pi bino yako Yuda.

Sakaria 14:6

Kame kare nono otuno, ngico amoto akako likame bino bedo tie,

Matayo 24:21

I kare no can adwong bino bedo tie, kame epone mere likame pwodi lem otimere geno piny cakere tuno tin, doko da likame ebino medo timere.

Marako 13:19

I ceng go can adwong bino bedo tie kame epone mere lem pwodi likame otimere cako Rubanga cweno piny tuno nan, doko da likame ebino medo timere.

Iswilia 32:7

“Yutununu kare kasek, kare ariki; penyunu papi wu di gin kiko waco ne wu gi kotimere, penyunu jo oti di gin kiko bino waco ne wu kope me kare kokato.

Iburanian 12:18

Wun likame ibinunu i gikame twero mulere, i mac kame liel birbir, kede i colo kame cucucuc, kede i buko me yamo ager,

Yuda 1:13

Kical bala ebuka ager me nam, kinyuto lewic gi kakaler bala buo. Gin kical bala acer kame rimo, kame Rubanga otieko iiko ne gi kabedo me nakanaka kakacol cucucuc.

Gianyuta 9:2

Acer nono oko yabo dog bur atut wiriwir nono, di yiro kame cal bala yiro kame wok kiye epipa adwong me calaro mwola oko duny kiye, kame oko umo wang ceng kede malo dedede.