Yoweri 2:12 - Baibuli I Leb Kumam 2013

¹² Rwot waco be, “Akadi nataman da, lokerenu di ikounu dwogo buta kede cuny wu lung, di ikanyunu kec, di ikokunu, kede di itururunu.

Yoweri 2:12 Iomraidhean Croise

2 Samuel 24:10

Do ingei Daudi tieko maro jo, cunye oko cako poto, di eko waco ne Rwot be, “Atieko timo dub adwong twatwal pi maro wel me jo! Do nan akwai, Okwe Rwot, sasiro ango, pien atimo tim me mingo.”

2 Iyutun 30:6

Joor oko ot ririmo Isirael kede Yuda lung di kitero baluwan koyai kibut abaka kede jotel, bala kame abaka oudo ociko. Baluwa nono oudo waco be, “Okwe wun jo Isirael, dwogunu but Rwot, Rubanga ka Aburam, Isaka, kede Yakobo, tetekeny amoto edwog bobo but wanunu jo anonok nogi kobwot ki cing abakai me Asiria.

2 Iyutun 6:27

tim ber iwiny kwac gi i malo. Sasiro dub ka jotic ni, jo me Isirael. Pwony gi yongayo me kuo aber kame poore kilubi, di iko mino kot cwei i lobo noni kame in itieko mino jo ni pi doko mergi.

Esita 4:16

“Oti icok Iyudayan dedede atie Susa karacel, di ikounu kanyo kec di ilegunu pira. Kur icamunu gimoro akadi mato gimoro pi ceng adek kede iwor da adek. Ango karacel kede anyira kame konya wada obino timo kamanono. Ingei manono ango abino ot but abaka tetek bed bala iswil likame yei; ka ango abino to pi timo kamanono, ango do ayei.”

Yai 33:5

Pien Rwot oudo ociko Musa pi waco negi be, “Wun ijounu epali. Ka koto di ango aupere kede wu akadi pi kare katitidi, koto amuducaro wu. Aso, nataman kwanyunu tenge mwolere me tubuso kom, di ango ako neno gikame abino timo ne wu.”

Isaya 22:12

Rwot Rubanga me jo yi oudo owaco ne wu be ikokunu kede di itururunu, be ilielunu wi wu di ikounu ngapo igoen me cola.

Isaya 58:4

Kanyo kec wu mio wun ibedunu ger, di ikounu lok kede ikounu yi. Akodi kanyo kec wu nono likame mia awinyo kwac wu.

Yeremia 3:22

Okwe wun idwe kalikame genere, dwogunu but Rwot Rubanga wu, en ebino cango yote wu areco me bedo jo kalikame genere. Wun iwacunu be, “Neningo, wan ige odwogo but Rwot, piento en ebedo Rwot Rubanga wa.

Yeremia 36:7

Cengemogo kibino kwano Rwot, di gin dedede kiko lokere kiweko yote areco me kuo gi, pien Rwot otieko waco kop atek me gero kede me lilo mere i kom jo nogi.”

Yeremia 4:1

Rwot waco be, “Wun jo me Isirael, ka ateteni imitunu dwogo buta, kwanyunu tenge caljwogi gikame neno rac ki nyima, di likame ikounu parao weka.

Yeremia 4:2

Doko da ka itienu lairo, lairunu kede ateni i nyinga, di atekerin apat dedede ko bino kwana pi mino gi winyo di gin kiko bino wakere pira.”

Esekeri 33:11

Wac negi be ateteni ango Rwot Rubanga akuo akwongere be ango likame atie kede yomcuny i kom to me jodubo, do cunyango mito neno di jodubo weko yote gi areco di kiko bedo kuo. Lokerenu, lokerenu tenge ki yote wu areco; kara pinyo komio imitunu to, wun jo me Isirael?

Danieri 9:3

Ango ako lego kede cunya dedede but Rwot, di angangao en, di akanyo kec, di angapo epuko, kede di abedo i buru.

Kosea 12:6

Aso nan wun ikwae ka Yakobo dwogunu but Rubanga wu; bedunu kede amara kede tim atie kakare, di ikounu bedo kede gen bute nakanaka.

Kosea 12:7

Rwot waco be, “Jo me Isirael kwalo jo kede misanin kalikame kide gi tie kakare, di kiko udo bero i wi jo icegun.

Kosea 14:1

Okwe wun jo me Isirael dokunu but Rwot Rubanga wu. Dub wu omio igetenu.

Kosea 6:1

Jo waco be, “Bia odokunu but Rwot. En etieko nyinyilo wa i adulion, do ebino cango wa; etieko mino wa awanon, do en ebino twetweo aporeso wa.

Yoweri 1:13

Ngapunu ipukoi di ikounu kok, wun josaseredoti; boroborunu koko, wun jo kame timo tic i alutari. Donyunu i ot ka Rwot di ikounu kok iwor kiakia! Giayala me alos kede giayala amata otieko doko li i ot ka Rwot Rubanga wu.

Sakaria 7:3

kede pi penyo josaseredoti me tempulo ka Rwot me jo yi kede inabin kop kame waco be, “Benyo, poore omedere tururo di okanyo kec i duwe me kany pi kite kame bin kodudubo kede Yerusalem, bala kame obedo timo pi mwakini atot?”

Sakaria 7:5

“Wac ne jo dedede me lobo noni kede ne josaseredoti be, iturur kede kanyo kec kame gin kibedo timo i duwe me kany pi mwakini ot kanyaare kokato, oudo likame kibedo timo pi wora.

Malaki 1:9

Aso nataman wun josaseredoti, kong tamunu kwano Rubanga pi timo ne wa bero. En likame ebino gamo ilega ka ngatamoro kikom wu. Manono obedo raco wun.

Tice 26:20

Do ako cako tero kop ne jo me Damasiko, di do ako tero ne jo me Yerusalem, tuno kede i piny me Yudea dedede, kede da but jo kalikame Iyudayan. Oudo awaco ne gi be miero kiswilaro di kiko lokere but Rubanga, di kiko cako timo tice kame nyuto be kitieko swilaro.

Jongolkop 2:4

Kakame malaika ka Rwot owaco ne kede jo me Isirael kop noni, gin dedede kiko dipo koko.

Jongolkop 20:26

Di jo me Isirael, isirikalen dedede oko dok Betel di kiko donyo koko; gin kiko donyo bedo i nyim Rwot kunono di kiko kanyo kec tuno piny yuto. Di do kiko yalo giayala awanga kede giayala me nywak i nyim Rwot.

1 Samuel 7:3

Samuel oko waco ne jo me Isirael be, “Ka imitunu dok but Rwot kede cunyu dedede, poore iwekunu rubangan mogo me kumbor, kede cal me rubanga adako anyinge Asitate. Ketunu cunyu i kom Rwot, di ikounu tic nen kenekene, di en eko bino lako wu ki cing jo me Pilistia.”

1 Samuel 7:6

Aso, jo oko cokere Misipa, di kiko twomo pii di kiko onye i nyim Rwot bala giamia, kiko kanyo kec cenge nono yuluyul. Gin kiwaco be, “Wan odubo i nyim Rwot.” Samuel bin oko doko ngat kame kope dedede me Isirael tie i cinge i Misipa.