Yoweri 2:11 - Baibuli I Leb Kumam 2013

¹¹ Rwot mio cik kede cokere i anyim me isirikalen mege; Isirikalen mege tin tot benyo! Jo kame lubo cik mere likame marere. Ateteni ceng ka Rwot dwong; etie ceng me can atek; ngai kame karuno kanyakino en!

Yoweri 2:11 Iomraidhean Croise

Malaki 3:2

Do ngai kame bino twero kanyakino ceng me bino mere? Ngai kame bino dong cungo ka en eko neeno? En ebino bedo cal bala mac kame calaro nyonyo ka kotie jililo en, arabo bala sabuni kame bolocaro igoen.

Nakum 1:6

Ka en elilo, ngai kame twero cungo i nyime? Ngai kame twero kanyakino gero mere? En ebwoto lilo mere bala mac, di eko bebelo kide.

Gianyuta 18:8

pi mano, alola nogi bino bino ne i ceng acel: tuo, iturur kede kec. Doko kobino wange kede mac, pien Rwot Rubanga ngat kame ngolo ne kop tie kede twer adwong.”

Gianyuta 6:17

Pien ceng me lieto me lilo gin otieko tuno, ngai kame karuno kanyakino en?”

Yoweri 3:16

Rwot dorano bala engu ki Sion; en ewoto dwane ki Yerusalem, di lobo kede malo ko yayangun. Do Rwot en ngat kame jo mege ringo gwokere bute; en ecal bala kakatek me gwokere but jo me Isirael.

Yeremia 30:7

Ceng me neno can tie bino. Likame tie ceng moro ace kame kokaruno poro kede. En ebino bedo ceng kame ikwae ka Yakobo bino neno kede can, do kobino lako gi ki can nono.”

Sabuli 46:6

Atekerin dedede tie dorano pi lworo, ajakanuto tie tagere; ka en eyamo, dwane calaro lobo lung.

Amosi 5:20

Ceng ka Rwot bino kelo colpiny do likame lero; ebino bedo ceng me peko abongo lero moro.

Yoweri 1:15

Ceng ka Rwot iyapiyapi, ceng kame Rwot bino kelo iye can. Okwe lworo kame ceng no bino kelo!

Yeremia 50:34

Do Ngalak gin tek; en nyinge Rwot me jo yi. En kikome ebino pido pirgi, tetekeny ekel mulem i lobo, do en ebino kelo peko i kom jo me Babilon.”

Isaya 42:13

Rwot tie ot i yi bala sirikale, en edoko ger bala ngayi; en elelemo kede dwan amalo, en enyuto teko mere i kom jokwor mege.

Isaya 13:4

Winyunu ber woo atie i wi mori, iwinyo bala icelakin me twon jo atot! Ajakanuto kede atekerin tie cokere karacel! Rwot me jo yi tie coko isirikalen mege pi cako yi.

Wel 24:23

Balaam bobo oko murao be, “Okwe, ngai kame bino dong kuo i kare kame Rubanga timo kede gi noni?

Yoweri 2:31

Ceng bino lokere doko col cucucuc, di duwe ko lokere edoko kwar bala remo di pwodi ceng ka Rwot likame otuno, en ceng adwong me can atek.

Yeremia 25:30

“Pi manono, Yeremia poore in iwac negi kope nogi dedede. In ibino waco negi be, “ ‘Rwot bino dorano ki malo, en ebino woto dwane i kabedo mere kacil. En ebino dorano ne jo mege; en ebino lelemo bala jo atie nyonyono anyakini me olok pi bine. Jo dedede me wi lobo bino winye.

Amosi 5:18

Ibinunu neno can benyo wun jo kame iparunu tuno me ceng ka Rwot! Pinyo komio imitunu ceng ka Rwot? En ebedo ceng me colpiny do likame ceng me lero.

Amosi 1:2

Amosi owaco be, “Dwan Rwot dorano ki moru me Sion; dwane dorano ki Yerusalem. Di elet me jokwai romini ko ner, di lum me wi moru me Kamel ko tuo.”

Yoweri 2:25

“Ango abino culo wu pi mwakini kame obonyo ocamo kede cam wu. Gin en twon isirikalen kame oudo ango acwao pi suro wu.

Esekeri 22:14

Benyo, iparo be ibino bedo kede nwangcuny moro, arabo teko moro i kare kame ango abino tic kede i komi? Ango Rwot en awaco, doko abino time.

Isaya 7:18

“Kame kare nono otuno, Rwot bino winyao pi lwongo jo kame bedo i acakini me isamai me Misiri pi bwote bino bala lwangini, kede pi lwongo jo me Asiria bwangere bino ki lobo gi bala kic.

1 Jotesalonika 4:16

Pien Rwot kikome oyaro bino piny yai ki malo kede redo me akarunikin, kede lwongo me malaika adwong, kede koko me agwara ka Rubanga. Di do jo oto i Kirisito en kame ko bino cako yaruno;

Yoweri 1:6

Twon ekodet me obonyo otieko suro lobo wa, gin kitek doko wel gi likame marere; lak gi cal bala me engu, kibitobito bala me engu adako.

Yoweri 2:1

Kutunu agwara; gounu duru i moru me Sion, moru kacil ka Rubanga! Mito jo me Yuda dedede bed kede mielkom, pien ceng ka Rwot tie bino, etieko doko iyapiyapi.

Yoweri 2:2

Ebino bedo ceng kame colpiny mere cucucuc, ceng kame col cucucuc, di eumere kede idoun. Bala kame piny walar kede obai di lero ko nyai romo wi mori, kamanono twon isirikalen atek tie bino. Cako lem sek likame pwodi tie gikame cal kamanono, bobo likame bino bedo tie.

Yoweri 3:14

Jo tutumian kede tutumian ocokere i Aditot me Ngolo kop. Pien ceng ka Rwot iyapiyapi kede Aditot me Ngolo kop.

Obadia 1:15

Rwot waco be, “Ceng odoko iyapiyapi kame ango Rwot, abino ngolo kede kop ne atekerin dedede. Edom, gikame in itieko timo nono en kame kobino timo ne ida. Gikame in itimo nono bino dwogo i wii.

Sabuli 18:14

En di eko gweno imalia mege eko sasaro jokwor mege; ecaro gi kede amenyumenyun me kot di eko mino gi kiringo.

Sabuli 68:18

En eko ot malo i wi moru abor nono, di etero jo atot kame emako ki yi; en egamo giamia kibut jo, akadi kiton kibut jo kame dagi ne Rwot Rubanga bedo kuno.