Yoweri 2:1 - Baibuli I Leb Kumam 2013

¹ Kutunu agwara; gounu duru i moru me Sion, moru kacil ka Rubanga! Mito jo me Yuda dedede bed kede mielkom, pien ceng ka Rwot tie bino, etieko doko iyapiyapi.

Yoweri 2:1 Iomraidhean Croise

1 Iyutun 15:28

Aso, jo Isirael dedede oko tero Sanduku me Isikan ka Rwot Yerusalem di kilelemo kede kilel, di kikuto esos me tung leini, agwarai, kede kigoo suanin abatal, kede adungun kede arigirigin kede dwan amalo.

Sabuli 119:120

Koma miel pi lwori, doko ango alworo ngolo kop nin.

Sabuli 87:1

Bomba kame Rwot ogero tie cungo i wi moru kacil;

Yai 10:14

Obonyo obino di kiko raramun kabedere dedede me Misiri; twon ekodet me obonyo kalikame pwodi lem ngatamoro oneno, doko epone mere likame bino medo nenere.

Isaya 13:6

Wololonu koko, pien ceng ka Rwot otieko noko, ceng kame Won Twer bino kelo kede amuducar.

Isaya 13:9

Nenunu, ceng ka Rwot tie bino, en ceng kame Rwot bino nyuto kede lilo kede twon gero mere, di eko bino weko wi lobo dong nono, kede eko muducaro jodubo dedede kame bedo iye.

Isaya 2:12

Pien Rwot me jo yi otieko moko ceng kame en ebino dwoko kede piny jo dedede kame wakere kede kame tingere.

Isaya 66:2

Gi nogi dedede ango en kame acweo. Pi mano, gin dedede kibedo mega. Do jo kame ango cunya yom i kom gi, gin jo kame mwolere kede kame swilaro, jo kame lwora di kitimo gikame ango awaco negi.

Isaya 66:5

Winyunu kop kame Rwot tie waco, wun jo kame ilworenu doko itimunu gikame en ewaco. En ewaco be, “Jo wu mogo cuny gi kec i komu, doko kidagi wu pira. Gin kinyero wu di kiwaco be, ‘Ber Rwot nyut twer mere adwong, tetekeny wan onen ilel wu.’ Do gin kikom gi en kame lewic bino mako gi!

Yeremia 16:10

“Ka in iwaco ne jo kope nogi dedede, gin kibino penyi be, ‘Pinyo komio Rwot owaco kope me can adongodongo nogi dedede i kom wa? Raco wa nyo? Dub nyo kame otimo but Rwot Rubanga wa?’

Yeremia 16:7

Likame tie ngatamoro kame bino nywako cam kede ngat atie i koko, pi kweno cunye pi dano mere oto. Likame tie ngat kame bino kweno cuny dano nono akadi di papa mere amoto toto mere en oto.

Yeremia 4:5

Kutunu agwara kabedere dedede! Lelemunu kitek! Wacenu jo me Yuda kede Yerusalem pi ringo donyo i bomban kame kocelo kede apama.

Yeremia 5:22

Ango Rwot, mam likame wun ilworanu? Mam likame komu miel i nyima? Ango acibo asinge pi bedo ikor ajiko nam adwong, en ebedo apokini abedo nakanaka kalikame nam twero ngolo; akadi bed bala ebuka tingere, do likame etwero kalamo en; akadi bed bala nam gunyao benyo, do likame etwero kate.

Esekeri 12:23

Aso, nataman in wac negi be ango Rwot Rubanga atie waco kaman: ango abino jiko yamo nono ki dog gi, di gin likame bobo kiko tic kede yamo nono i Isirael. Wac negi be kare otieko tuno me cobere me gikame kowaco.

Esekeri 21:12

Okwe wot ka dano, dwilao kede koko, pien epima nono koiko pi jo na kede pi jotel dedede me Isirael. Kobino neko gin karacel kede jo na. Bap kori pi paro can!

Esekeri 30:3

Ceng nono iyapiyapi; ceng kame ango Rwot abino mino iye alola onoko. En ebino bedo ceng me colo, ceng kame atekerin bino beo kede i peko.

Esekeri 33:3

Kame ngakino piny oneno di jokwor tie bino i lobo nono, en ekuto agwara me kwenyaro jo.

Esekeri 33:6

Do ka ngakino piny oneno di jokwor tie bino di likame eko kuto agwara pi kwenyaro jo, di do jokwor oko bino di kiko neneko jodubo nogo, to gi ango abino maro raco mere i wi ngakino piny.

Esekeri 7:10

Neningo, ceng nono tie bino. Can otieko tuno ne jo Isirael. Tim me gero oyitiriro. Ewaka otieko doko dwong.

Esekeri 7:12

Kare otieko tuno, ceng otieko doko iyapiyapi. Ngat kame wilo jamini kur leli, akadi ngacat da kur tururo, pien lilo ka Rubanga bino poto i kom jo dedede.

Danieri 6:26

Ango atie mino cik be, i ajakanut na dedede kame ango apugo jo poore bedo kede lworo kede wor but Rubanga ka Danieri.” En eko meede kede yamo be, “Piento ebedo Rubanga akuo, doko da epugo nakanaka. Likame kobino twero dudubo ajakanut mere, doko apugan mere likame tie kede ajikini.

Danieri 9:16

Okwe Rwot, di lubere kede tice ni kopoore, wan okwai be, kwany gero ni tenge ki bomba me Yerusalem, en moru ni kacil; pien pi dub wan kede me ka joakwari wa, Yerusalem kede jo ni dedede otieko doko gi me acae but atekerin me kio.

Danieri 9:20

Ango ako meede kede ilega, di atuco gikareco na kede gikareco ka jo me Isirael, di angangao Rwot Rubanga na pi temuno tempulo mere kacil.

Kosea 5:8

Kutunu esos me tung le i Gibea pi lwongo jo i yi! Kutunu agwara i Rama! Gounu duru i Bet Aben! Copunu yi, wun jo ka Benjamin!

Kosea 8:1

Rwot waco be, “Cak kuto agwara! Jokwor tie mwomere bino i lobo na bala acut amwomere ringino piny! Pien jo na oturo isikan kame ango atimo kede gi di kiko dagi lubo iswilia na.

Yoweri 1:15

Ceng ka Rwot iyapiyapi, ceng kame Rwot bino kelo iye can. Okwe lworo kame ceng no bino kelo!

Yoweri 2:11

Rwot mio cik kede cokere i anyim me isirikalen mege; Isirikalen mege tin tot benyo! Jo kame lubo cik mere likame marere. Ateteni ceng ka Rwot dwong; etie ceng me can atek; ngai kame karuno kanyakino en!

Yoweri 2:15

Kutunu agwara i wi moru me Sion; cikunu kare me kanyo kec; lwongunu cokere!

Yoweri 2:31

Ceng bino lokere doko col cucucuc, di duwe ko lokere edoko kwar bala remo di pwodi ceng ka Rwot likame otuno, en ceng adwong me can atek.

Yoweri 3:14

Jo tutumian kede tutumian ocokere i Aditot me Ngolo kop. Pien ceng ka Rwot iyapiyapi kede Aditot me Ngolo kop.

Yoweri 3:17

“Di do wun jo me Isirael ikounu bino ngeno be ango Rwot Rubanga wu, abedo Sion, moru na kacil. Yerusalem bino bedo bomba kacil; jokumbor likame bobo bino mane.

Amosi 3:6

Benyo, kotwero kuto agwara me yi i bomba di lworo likame ko mako jo? Benyo, peko twero poto i bomba ka Rwot likame ocwae?

Amosi 5:18

Ibinunu neno can benyo wun jo kame iparunu tuno me ceng ka Rwot! Pinyo komio imitunu ceng ka Rwot? En ebedo ceng me colpiny do likame ceng me lero.

Amosi 8:2

Di Rwot oko penya be, “Amosi, itie neno nyo?” Ango ako dwoko be, “Ebukit kame anyakini tie iye pong.” Di Rwot oko waco na be, “Ajikini otieko tuno ne jo na me Isirael. Ango likame doko abino loko tam na me mino gi alola.

Obadia 1:15

Rwot waco be, “Ceng odoko iyapiyapi kame ango Rwot, abino ngolo kede kop ne atekerin dedede. Edom, gikame in itieko timo nono en kame kobino timo ne ida. Gikame in itimo nono bino dwogo i wii.

Sepania 1:14

Ceng adwong ka Rwot odoko iyapiyapi, etie tuno awakawaka. Ceng nono bino bedo ceng me lito, akadi sirikale atek i yi da bino boroboro koko.

Sepania 1:16

ceng me kuto agwara me yi kede me ilelem me isirikalen kame tie suro bomba kame kocelo, kede gedo aboco malo.

Sepania 1:7

Lingunu titi i nyim Rwot Rubanga, pien ceng kame Rwot bino ngolo kede kop ne jo oyapuno tuno. Rwot tie iiko leini kame kobino ngolo bala giayala, doko etieko lwongo jokwor pi bino yako Yuda.

Sepania 3:11

I kare nono likame kobino mino lewic mako wu pi tim wu me jemo na. Ango abino kwanyo tenge ki diere wu jo kame wakere di kingato kitek, di wun likame bobo ikounu bino jemo na i wi moru na kacil.

Sakaria 14:1

Nenunu, ceng kame Rwot bino ngolo iye kop onoko. Di oko bino yako Yerusalem di oko popoko i nyimu jamini kame koyako.

Sakaria 8:3

Ango abino dok Yerusalem di ako donyo bedo i diere. Kobino donyo lwongo Yerusalem be bomba kame genere, kede moru ka Rwot me jo yi kobino donyo lwongo be moru kacil.

Malaki 4:1

Rwot me jo yi waco be, “Nenunu, ceng tie bino kame jo dedede awakere, kede jo kame timo gikareco bino wang kede bala arienge. Cenge nono gin kibino wang dopodop, di likame gimoro ko dong.

Wel 10:2

“Tim agwarai are me nyonyo siliba; ibino teto gi ateta kede enyondo. Tic gi bino bedo me lwongo jo i cokere kede me mino jo tako kimere di kiko cako ot.

Wel 10:3

Kame kokuto agwarai are nogo dedede, jo dedede bino cokere buti i ekeko me Eema me ariamakin keda.

1 Jokorinti 14:8

Kede ka agwara me yi likame okok kede dwan kame niangere, ngai kame bino iikere pi ot i yi?

Jopilipi 2:12

Pi mano, jo na kame amaro, bala kite kame lem iwinyanu kede nakanaka, nan da winyanu, likame i kare kame atie kede wu kenekene, do singo twatwal i kare kame nataman ali kede kibutu. Timunu tic kede lworo kede mielkom pi alako wu kenu;

1 Jotesalonika 5:2

pien wuda ingeunu kiber be ceng me dwogo ka Rwot oyaro ngoole bala ngakuwo kame bino iwor.

Yakobo 5:8

Wuda miero idirenu. Jingunu cunyu, pien dwogo ka Rwot odoko do iyapiyapi.

1 Petero 4:7

Ajikini me gi dedede do iyapiyapi; pi mano, bedunu di igwokunu tam wu kede di wi wu tio, tetekeny ikarununu lego.

Gianyuta 6:17

Pien ceng me lieto me lilo gin otieko tuno, ngai kame karuno kanyakino en?”