Yoweri 1:4 - Baibuli I Leb Kumam 2013

⁴ Ikodeta me obonyo oraramun i kom cam me poti di lubere aluba, gikame ekodet acel oweko, ekodet alubo mere ocamo.

Yoweri 1:4 Iomraidhean Croise

1 Abakai 8:37

“Ka kec opoto i piny arabo aumpuli, amoto ceng owango cam i poti, arabo obonyo amoto ekutele, arabo ka jokwor ka jo ni oluko gi i bomba gi moro, arabo ka aumpuli moro amoto tuo moroni omako gi,

2 Iyutun 6:28

“Ka kec opoto i piny arabo aumpuli, amoto ceng owango cam i poti, arabo obonyo amoto ekutele, arabo ka jokwor ka jo ni oluko gi i bomba gi moro, arabo ka aumpuli moro amoto tuo moroni omako gi,

2 Iyutun 7:13

Ka ango acego malo di ako gengo kot cwei, amoto ka acwao obonyo obino dudubo lobo noni, arabo ka acwao aumpuli i kom jo na,

Sabuli 105:34

En eko yamo, di obonyo oko bino, idwe me obonyo kalikame wel gi marere,

Sabuli 78:46

Emio kudilinge odudubo cam me poti gi, obonyo da oko camaro gikame gin kilole puro.

Yai 10:4

Pien ka in idagi weko jo na yai, diki ango abino cwano obonyo i lobo kame in ipugo.

Yai 10:5

Gin kibino umo lobo pukupuk. Kibino camo gi dedede kobwot likame akako odudubo, akadi kiton yen kame tie obar da.

Isaya 33:4

Di oko yako jamini gi bala kame ekutele camo kede cam i poto, amoto bala kame obonyo jwero kede piny.

Yeremia 51:14

Rwot me jo yi otieko kwongere be ateteni en ebino kelo isirikalen kame tot bala obonyo pi suro Babilon, di gin kiko bino ikuk i wi wu.

Yeremia 51:27

“Sip imendera i lobo pi nyuto be yi tie. Kut agwara tetekeny atekerin winyi di kiko ngeno be yi tie. Mi atekerin iikere pi yi kede Babilon. Lwong jo me ajakanuto apapat pi bino yi kede; ajakanuto me Ararat, Mini, kede Asukenas. Yer dano kame bino telo isirikalen ot yi kede. Keli asigiran atot bala obonyo.

Yoweri 2:25

“Ango abino culo wu pi mwakini kame obonyo ocamo kede cam wu. Gin en twon isirikalen kame oudo ango acwao pi suro wu.

Amosi 4:9

“Ango bin amio engano wu oner di eko mwato; adudubo poti wu kede olok wu da. Obonyo ocamo yen epigi wu kede yen me olibeti wu. Do wun likame ikounu dwogo buta.

Amosi 7:1

Man en gikame Rwot Rubanga onyuto na: Ango anene di etie cweno ekodet me obonyo ingei nyaro ne abaka iner mere me lum me pito dok, di do lum anyen oudo tie cako lot.

Malaki 3:11

Ango abino gengo obonyo likame dudubo cam wu ki poti, doko olok wu bino nyak adikinicel.

Iswilia 28:38

“Ibinunu cuno kodi atot i poti wu, do ibinunu udo kac atitidi, pien obonyo bino camo gi.

Iswilia 28:42

Obonyo bino camo cam wu atie i poti kede yen dedede.