Yoweri 1:2 - Baibuli I Leb Kumam 2013

² Winyunu kop noni, Okwe wun joadongo, cikunu yitu, wun jo dedede me Yuda. Benyo, cako sek lem gikame cal kamanoni otieko timere, i kare wun arabo i kare ka joakwari wu?

Yoweri 1:2 Iomraidhean Croise

Yobu 12:12

“Rieko lubere kede cato me dano, doko da niang lubere kede ceng me kuo ka dano.

Yobu 15:10

Ngat alwar omako wie kede dano oti tie i but wan, gin kiti kalamo kiton papa nin da.

Yobu 21:7

“Pinyo ber kamio jo areco bedo nakanaka, kibedo paka ti di lonyo gi meede ameda?

Yobu 8:8

“Ber kong pepenyo kop i kom lwak me kare kokato di iko bino udo gikame joakwari wa bin osiyao;

Sabuli 49:1

Winyunu, wun jo dedede, cikunu yitu, wun jo dedede kame bedo i piny,

Isaya 34:1

Bianu iwinyunu, wun atekerin dedede; Okwe wun jo me atekerin, cikunu yitu. Kong wi lobo lung kede gi koponge, piny dedede kede jo kame bedo iye winyi.

Isaya 7:17

“Rwot bino kelo i komi kede i kom jo ni kede i kom jo dedede me ekeko ka kwaru ni peko adwong kame epone mere likame lem pwodi otimere cako i kare kame Isirael opokere kede ki kom Yuda; en ebino kelo abaka me Asiria.

Yeremia 30:7

Ceng me neno can tie bino. Likame tie ceng moro ace kame kokaruno poro kede. En ebino bedo ceng kame ikwae ka Yakobo bino neno kede can, do kobino lako gi ki can nono.”

Yeremia 5:21

Winyunu, Okwe wun jomingo kalikame wi wu tio; itienu kede wangu do likame inenunu; itienu kede yitu do likame iwinyunu.

Danieri 12:1

Malaika koudo tie ngapo igoen aliamaliam nono oko waco be, “I kare nono Emikairi malaika adwong, en ngat kame daro jo ni, bino neeno. Di kare ko bino bedo tie me twon peko, kame epone mere lem pwodi likame otimere cako atekerin bedo tie. Ka kare nono otuno, jo me ateker ni kame kowandiko nying gi i itabu ka Rubanga kobino lako.

Kosea 4:1

Winyunu kop ka Rwot, Okwe wun jo Isirael! Rwot tie waco ne wu raco be, “Genere likame tie i lobo noni, akadi amara, amoto ngec i koma, ango Rubanga.

Kosea 5:1

Rwot waco be, “Winyunu kop noni, Okwe wun josaseredoti! Cikunu yitu, Okwe wun jo Isirael! Winyunu, Okwe wun jo me ot ka abaka! Pien ngolo kop noni mako wun. Wun icalunu bala obek me ciko jo i Misipa, kede bwoi kame korieo i moru me Tabor.

Yoweri 1:14

Cikunu kare me kanyo kec; lwongunu cokere! Cokunu joadongo kede jo dedede me Yuda i ot ka Rwot Rubanga wu, di ikounu kok bute.

Yoweri 2:2

Ebino bedo ceng kame colpiny mere cucucuc, ceng kame col cucucuc, di eumere kede idoun. Bala kame piny walar kede obai di lero ko nyai romo wi mori, kamanono twon isirikalen atek tie bino. Cako lem sek likame pwodi tie gikame cal kamanono, bobo likame bino bedo tie.

Amosi 3:1

Jo me Isirael winyunu kop noni kame Rwot otieko waco i komu, wun ateker lung kame bin en ekwanyo ki Misiri:

Amosi 4:1

Winyunu kop noni wun mon me Samaria, jo kocwe bala doke kame kopito kiber me Basan, wun jo kame iterunu jocan kede jo kame piny oloo kirac, di iwacunu ne cwogu be, “Kelunu kongo ace!”

Amosi 5:1

Winyunu wun jo Isirael, wer me koko noni kame ango ayaro wero wu kede:

Mika 1:2

Winyunu, wun atekerin dedede; winyunu, Okwe wun gi dedede kame tie i wi lobo! Rwot Rubanga bino mino ijura i komu ki tempulo mere kacil me malo.

Mika 3:1

Winyunu, wun jotel me Isirael! Wun en kame tic wu obedo ngeno poko gikame opoore me atima, kede kalikame opoore me atima,

Mika 3:9

Winyunu kop noni, wun jopug me Isirael, wun jo kame idagunu ngolo kop me ateni, doko idwadwanyunu kop kame tie kakaler.

Matayo 13:9

“Ngat kame tie kede yite wek ewinyi.”

Matayo 24:21

I kare no can adwong bino bedo tie, kame epone mere likame pwodi lem otimere geno piny cakere tuno tin, doko da likame ebino medo timere.

Gianyuta 2:7

“Ngat kame tie kede yite, wek ewinyi gikame Tipo tie waco ne ikodeta me jokirisito. “Ngat kame bino lono, abino mine ecamo anyakini me yat me kuo, kame tie i paradis ka Rubanga.