Yoweri 1:13 - Baibuli I Leb Kumam 2013

¹³ Ngapunu ipukoi di ikounu kok, wun josaseredoti; boroborunu koko, wun jo kame timo tic i alutari. Donyunu i ot ka Rwot di ikounu kok iwor kiakia! Giayala me alos kede giayala amata otieko doko li i ot ka Rwot Rubanga wu.

Yoweri 1:13 Iomraidhean Croise

Yeremia 4:8

Pi manono, ngapunu ipukoi, di ikounu iturur kede koko, pien gero kame Rubanga tie kede i kom wa likame otiek.

Yoweri 2:17

Josaseredoti jotic ka Rwot poore leg di kikok, i dierediere me alutari kede kakame kodonyo kede i tempulo be, “Okwe Rwot, bed kede cuny me kisa i kom jo ni. Kur imi jo ni kame maki dok gime acae, kede me anyera i diere me atekerin apat. Pinyo kame mio atekerin apat poore waco be, ‘Rubanga gin kara tie tuai?’ ”

Esekeri 7:18

Gin kibino ngapo ipukoi pi cwercuny di kitie kede lworo atek. Kobino lielo wi gi di lewic ko mako gi.

Yeremia 9:10

Ango ako waco be, “Abino tururo pi mori, abino koko pi lum me wi tim kame leini camo, pien gin dedede kitieko tuo, doko likame ngatamoro beo kunono. Koko me dok likame winyere iye; winy kede leini otieko ringo tenge kiye.”

1 Abakai 21:27

Kakame Akab owinyo kede kope nogi, en eko nyinyilo igoen ki kome di eko ngapo epuko. En eko kanyo kec di eko donyo buto i epuko nono, di eoto di ening aninga.

2 Jokorinti 11:23

Mam gin jotic ka Kirisito? Ango atie yamo bala ngat opoi, ango ngatic aber kalamo gin! Ango atio kitek kalamo gin, kotwea i otkol tien atot kalamo, kobunga tien kalikame marere, doko abuco to tien atot.

2 Jokorinti 6:4

Do bala jotic ka Rubanga, wan onyuto bero wa i yote dedede: di okanyakino can, peko, kede kuo atek.

2 Jokorinti 3:6

En ngat kame emio wan twer me bedo jotic me isikan kanyen, kalikame owok pi Iswil kame kowandiko awandik, do pi Tipo; pien Iswil kame kowandiko neko, do Tipo mio kuo.

1 Jokorinti 9:13

Mam wun ingeunu be jo kame komio timo tic me tempulo udo cam gi ki tempulo, kede jo kame tio i alutari udo iner gi me gikame koyalo?

1 Jokorinti 4:1

Poore iterunu wa bala jotic ka Kirisito kede jogwok me mung ka Rubanga.

Isaya 61:6

Do wun kobino lwongo wu be josaseredoti ka Rwot, jotic ka Rubanga wa. Wun ibinunu camo abar me atekerin, di ikounu bedo i mulem pi abar gin.

2 Samuel 12:16

Daudi bin oko bedo bako doge but Rubanga pi atin; ebedo kanyo kec, doko iwor oudo en edonyo i agola mere di eko buto piny i dier ot iwor kiakia.

Wel 29:6

Ibinunu mino giayala nogi medo i wi giayala awanga me duwe anyen kede giayala mere me alos, kede giayala me buli ceng kede giayala mere me alos, karacel kede giayala amata gi. Giayala me cam nogi yomo cuny Rwot.

Gianyuta 11:3

Doko ango abino mino ijurak na are akarunikin me imurai pi ceng tutumia acel kede tol are kede ot kanyape, di kingapo giangapa me iturur.”

Isaya 22:12

Rwot Rubanga me jo yi oudo owaco ne wu be ikokunu kede di itururunu, be ilielunu wi wu di ikounu ngapo igoen me cola.

Esekeri 21:12

Okwe wot ka dano, dwilao kede koko, pien epima nono koiko pi jo na kede pi jotel dedede me Isirael. Kobino neko gin karacel kede jo na. Bap kori pi paro can!

Kosea 9:5

Nyo kame gin kibino timo i ceng kame komoko me ebaga, kede i ceng me ebaga ka Rwot?

Yoweri 2:14

Ngai nat kame ngeo ka en likame ebino lokere di eko gonyo cunye, di eko mino wu winyo, me bedo tie kede alos kede giamata kame romo, di do wun ikounu bino mino giayala but Rwot Rubanga wu.

Wel 28:4

Atin oromo acel kobino mino esawa me odiko, kede me are mere di oko bino mino otieno di piny amumusit.

Wel 28:7

Giayala amata lita acelacel me bwini en kame bino upere kede giayala me idwe romini nogo; kobino onyo giayala amata me bwini akec but Rwot i kabedo kacil.

Wel 28:14

Giayala amata kame poore kede etobait acelacel en lita are me bwini, lita acel kede dul pi emerekek, kede lita acel pi atin oromo acelacel. Manoni en iswil kame mako giayala awanga kame koyalo i ceng kame geo duwe acelacel tieko mwaka lung.

Esekeri 27:31

Gin kikiso yer wi gi piri, di kiko ngapo ipukoi, kikoki kede wangcuny.

Yoweri 2:12

Rwot waco be, “Akadi nataman da, lokerenu di ikounu dwogo buta kede cuny wu lung, di ikanyunu kec, di ikokunu, kede di itururunu.