Yosua 8:4 - Baibuli I Leb Kumam 2013

⁴ di ewaco negi be, “Wun ibinunu ot di ikounu buto kiire cen ngei bomba, do kur ikatunu kakabor twatwal, doko miero ibedunu di ikapakina pi sure.

Yosua 8:4 Iomraidhean Croise

2 Abakai 7:12

Abaka oko yai iwor nono di eko waco ne jotic mege be, “Amito waco ne wu iik kame isirikalen me Siria tie kede i kom wa. Gin kingeo be kec odio wan; aso gin nan kiweko kimere gi di kiko ot pwono obar di kigeno be, wan obino wok ki bomba pi ot mono cam di gin kiko bino mamako wa akuo ki kiko mano bomba.”

2 Iyutun 13:13

I esawa nono Yeroboam oudo ocwao isirikalen mege ooto luko isirikalen me Yuda ki cen ngei gi, di apat mege odong i nyim gi.

Ngarab kop 7:19

Rieko mio ngat ariek teko kame kalamo teko me jopug tomon me bomba.

Ngarab kop 9:16

Ango ako waco be, “Rieko lo teko; aso di rieko me ngacan kocao, doko kope mege likame kowinyo.”

Tice 23:21

Do in kur iyei kop gi; pien cuo kame kalamo ot ongwon kikom gi bino kine i yongayo. Gin kitieko kwongere be likame kiyaro camo akadi mato gimoro, tuno kede di kineko Paulo. Nan gin kitieko iikere kitie do kuro kop kame yai kibuti.”

Yosua 8:16

Gin oudo kilwongo jo dedede me bomba ocokere di kiko donyo wapo jo me Isirael. Kakame oudo gin kitie wapo gi kede, kiko lanyo bomba kakabor.

Yosua 8:3

Aso, Yosua kede isirikalen dedede oko yai ot suro bomba me Ai. En eyero jo yi tutumia ot adek (30,000) eko cwano gi iwor

Jongolkop 20:29

Aso, jo me Isirael oko mino isirikalen mogo opwono luko Gibea.

Jongolkop 20:33

Isirikalen me Isirael atot koudo otere pi yi oko dok cen di kiko ot tere Baal Tamar, di isirikalen apat koudo opwono oluko bomba oko bwangere wok ki kapwono gi ki bad tetu tim me Geba.

Jongolkop 20:36

Jo ka Benjamin oko niang be ateteni oudo kobwono gi. Isirikalen me Isirael atot mege oudo oko dok cen kibut jo ka Benjamin pien gin oudo kitie geno jo koudo opwono luko Gibea.

Jongolkop 9:25

Aso, pien gin bin kidage, jo me Sekem bin oko keto jo mogo opwono i wi moru pi dare i yongayo. Jo nogo bin oko bedo yako jo dedede kame bin beo i yongayo nono; di bin oko waco ne Abimelek kop nono.

Jongolkop 9:32

Pi mano, poore in kede isirikalen kame tie kedi iyaunu iwor, di ikounu ot buto i ebar daro gin.

1 Samuel 15:2

Rwot me jo yi waco be, ‘Abino mino jo Amalek alola pi gikame kitimo, pien joakwari gi bin osurere kede jo me Isirael i kare kame kiwok kede ki Misiri.

1 Samuel 15:5

Saulo oko ot i bomba me jo Amalek di eko pwono i aditot kino gi.