Yosua 8:2 - Baibuli I Leb Kumam 2013

² Ibinunu timo ne Ai kede abaka mere gikame itimunu ne bomba me Jeriko kede abaka mere; do ibinunu tero jamini kame iyakunu kede leini pi bedo megu. Iikerenu ikounu ngeso sure ki cen ngee.”

Yosua 8:2 Iomraidhean Croise

2 Iyutun 13:13

I esawa nono Yeroboam oudo ocwao isirikalen mege ooto luko isirikalen me Yuda ki cen ngei gi, di apat mege odong i nyim gi.

2 Iyutun 20:22

Kakame gin kicako kede wer di kipako Rwot, Rwot oko suro jokwor koudo obino pi suro Yuda, gin jo me Amon, Moab, kede jo me moru me Seir, di oko bwono gi.

Sabuli 39:6

Ateteni ngat acelacel rwenyo bala tipo me yat. Ateteni gin kicane nono; kidiato jame do likame kingeo jo kame bino tero jame gi nogo.

Agole 13:22

Jo abeco weko ne ikwae kede ikwae gi abar pi gin sikao, do jo areco coko abar gi ne jo kame tie kede ekite kopoore.

Agole 28:20

Dano kame genere bino udo winyo adwong, do ngat kame mito baro awakawaka likame bino bwot udo alola.

Yeremia 17:11

Dano audo sente i yore arac cal bala winyo abeko abeon kalikame obedo mege, di idwe nogo ko ringo weke. I diere me kare me kuo mere dano nono bino kei abar mere, di i ajikini en eko doko ngamingo.

Yeremia 51:12

Sipunu imendera kame nyuto ne jo cako suro cel me Babilon! Medunu isirikalen jodar! Cwaunu isirikalen ot dar kabedere apapat me yote! Ketunu isirikalen but di kipwono pi suro gi!” Rwot otieko timo gikame en oudo ewaco be ebino timo ne jo me Babilon.

Iswilia 2:35

Kenekene doke, diegi kede romini en kame bin okounu weko pi wan tero, karacel kede jamini kame oudo oyakunu ki bomban kame bin omakunu nogo.

Iswilia 20:14

Do itwerunu tero mon kame imakunu, idwe, doke kede jamini apat dedede kame iyakunu. Ibinunu yomo cunyu kede jamini kame iyakunu kibut jokwor wu, jamini kame Rwot Rubanga wu omio wu.

Iswilia 3:2

Rwot oko waco nango be, ‘Kur ilwore, pien ango ayaro mine i cingi, karacel kede jo mege kede lobo mere. Tim ne bala kame bin itimo ne Abaka Sikon me jo Amor kame bin pugo Kesibon.’

Yosua 10:1

Abaka Adonisedek me Yerusalem oko winyo be Yosua oudo omako bomba me Ai di eko dudubo en atwal atwala, di eko neko kiton abaka mere da, bala kame oudo etimo i bomba me Jeriko kede ne abaka mere. Doko da ewinyo be jo me Gibeon oudo otimo isikan me anapakin kede jo me Isirael, omio oudo kitie bedo karacel kede gi.

Yosua 10:28

Yosua oko suro tuno mako bomba me Makeda kede abaka mere cenge nono. En eko neko jo dedede me bomba nono, likame eweko ngatamoro odong kuo. En eko timo ne abaka me Makeda gikame etimo ne abaka me Jeriko.

Yosua 11:14

Jo me Isirael oko yako jamini abeco me bomban nogi kede leini di kiko tero, do kineko jo dedede, likame tie ngatamoro kame kiweko kuo.

Yosua 6:21

Di do gin kiko mino jame dedede but Rwot bala gikame kopoore dudubo; kineneko jo dedede koudo tie i bomba kede epima: cuo, mon, jo atino kede jo adongo. Kineneko da dok romini kede pundan.

Yosua 8:12

En eko cibo isirikalen aromo bala tutumia kany opwono kiire dierediere me Betel kede Ai, i bad tetu tim me bomba.

Yosua 8:14

Kakame abaka me Ai oneno kede kamanono, en karacel kede jo me bomba kiko dilo wok ki bomba awakawaka di kiko ot tetu aditot me Yorodan pi yi kede jo me Isirael, kabedo kame oudo ber kicako riamo iye sek. En oudo likame engeo be isirikalen mogo oudo opwono cen ngei bomba pi sure.

Yosua 8:19

Cucuto di en erieo cinge di eko cimo epima tetu bomba, isirikalen kame oudo opwono ingei bomba oko yai awakawaka ki kapwono gi, di kiko ringo i bomba di kiko make. Cucuto gin kiko wango bomba nono.

Yosua 8:24

Kakame jo me Isirael otieko neko kede jo me Ai i wi tim kakame oudo jo nogo owapo gi iye, gin kiko dok i bomba me Ai di kiko neko jo dedede koudo tie kunono.

Yosua 8:3

Aso, Yosua kede isirikalen dedede oko yai ot suro bomba me Ai. En eyero jo yi tutumia ot adek (30,000) eko cwano gi iwor

Yosua 8:7

wun ibinunu motun di ikounu mako bomba. Rwot Rubanga wu bino mine i cing wu.

Yosua 8:8

Kame itiekunu mano bomba nono, wangenu bala kame Rwot ociko; nenunu, manoni en cik kame ango atieko mino wu.”

Yosua 8:9

Aso, Yosua oko cwano gin kioto di kiko buto kipwono, di kiko donyo kuro ki kunono, i bad tetu tim me Ai, dierediere me Betel kede Ai. Do iwor nono Yosua oko dong kakame kimere gi oudo tie iye.

Yosua 9:3

Do kakame jo me Gibeon, gin jo Kibi, owinyo kede gikame Yosua otimo ne bomban me Jeriko kede Ai,