Yosua 8:1 - Baibuli I Leb Kumam 2013

¹ Rwot oko waco ne Yosua be, “Kur ibed kede lworo amoto potocuny; kwany isirikalen dedede iko ot tuno i bomba me Ai. Neningo ango abino mino i cingu abaka me Ai kede jo mege, bomba mere kede lobo mere dedede.

Yosua 8:1 Iomraidhean Croise

Sabuli 27:1

Rwot en lero kede ngat kame laka; abino do lworo ngai? Rwot en kateko kame gwoko kuo na; abino lworo do ngai?

Sabuli 44:3

Pien likame bin gin kimao lobo nono kede epima gin, doko da likame kiloo kede twer gin, do pi twer kede teko nin, kede pi lero me tie nin kede gi; pien cunyi oudo yom i kom gi.

Sabuli 46:11

Rwot me jo yi tie kede wa; Rubanga ka Yakobo en karingo wa me ot gwokere.

Isaya 12:2

Ateteni Rubanga en kame laka; ango abino keto gen na i kome di likame ako bedo kede lworo. Rwot en amia teko kede twer, en kame elaka.

Isaya 43:2

Ka ibinunu beo i pii atut, ango abino bedo tie kede wu; peko kame ibeunu iye likame bino bwono wu. Ka ibinunu beo i mac, likame ebino wango wu; akadi leb mac likame bino reno wu.

Yeremia 46:27

Rwot waco be, “Do wun jotic na ikwae ka Yakobo, kur ibedunu kede lworo moro; doko kur cuny wu poti, Okwe wun jo me Isirael. Ango ayaro lako wun ki lobo kame tie kakabor nono, ango ayaro lako ikwae wu ki lobo kame gin kitie iye bala mabus. Wun ibinunu dwogo paco di ikounu bedo mot kede mulem, doko likame tie ngatamoro kame bino mino wu lworo.

Yeremia 49:3

Okwe wun jo me Kesibon, kokunu pien kotieko muducaro Ai! Kokunu, wun mon me Raba! Ngapunu ipukoi di ikounu donyo iturur. Teteunu komu pi nyuto iturur, pien kobino tero rubanga wu Molek i lobo apat bala mabus, en karacel kede josaseredoti mege, kede jotic mege.

Danieri 2:21

En etie kede loc i kom gikame timere kede i kom kare; en eketo, doko en ekwanyo abakai; en kame emio rieko kede niang.

Danieri 4:25

In kobino riami tenge kikom lwak di iko donyo bino bedo kede leini me obar. Ibino donyo camo lum bala twon pi mwakini kanyaare, di ibuto ooko kakame toyo bino diako kiye komi. Di do in iko bino ngeno be Rubanga Ngamalo Twal tie kede twer i kom ajakanuto dedede me jo, doko esobolo mino gi but jo kame cunye oyero.

Danieri 4:35

Kibute jo dedede me wi lobo obedo gimoro li; imalaikan dedede me malo kede jo me wi lobo dedede tie i twer mere. Likame tie ngatamoro kame twero gengo mit mere, arabo penye gikame etie timo.

Matayo 8:26

En eko waco ne gi be, “Pinyo komio itienu kede lworo, okwecunu wun jo kame yei wu nonok?” En eko yai di eko coko yamo kede nam, di kiko kwei cuu.

Iswilia 1:21

Nenunu, Rwot Rubanga wa otieko mino wa lobo noni, otunu igamenu bala kame Rwot Rubanga ka joakwari wa otieko cikere kede butu; kur ibedunu kede lworo amoto potocuny.’

Iswilia 31:8

Rwot en kame bino telo ne wu anyim. En ebino bedo tie kede wu, likame ebino ngalo wu amoto weko wu. Aso, kur cunyi poti amoto ibed kede lworo.”

Iswilia 7:18

Kur ilworunu gi; kenekene yutununu gikame bin Rwot Rubanga wu otimo ne Parao kede ne jo dedede me Misiri.

Iswilia 7:21

Aso, kur ilworunu gin, pien Rwot Rubanga wu tie kede wu; en obedo Rubanga kame dwong doko epoore alwora.

Yosua 1:9

Nan ango aciki be, bed dano atek di itie kede nwangcuny; kur ibed kede lworo amoto potocuny, pien ango Rwot Rubanga wu atie kedi i kabedo dedede kame ioto iye.”

Yosua 10:7

Aso, Yosua oko yai ki Giligal kede jo yi dedede, ribo kiton isirikalen atek me aura.

Yosua 10:8

Rwot oko waco ne Yosua be, “Kur ilworunu gi, ateteni ango abino mino gi i cingu; likame tie ngatamoro akadi acel kibut gi kame bino twero yi kede wu.”

Yosua 2:24

Gin kiwaco ne Yosua be, “Ateteni Rwot otieko mino lobo nono dedede i cing wa. Jo dedede atie kuno tie kede lworo atek i kom wa.”

Yosua 6:2

Rwot oko waco ne Yosua be, “Ango abino mino i cingu bomba me Jeriko karacel kede abaka mere, kede isirikalen atek yi atie iye.

Yosua 7:9

Jo me Kanan kede jo dedede abedo i lobo noni bino winyo kop noni di kiko lukaro wa di kiko neneko wa dedede. Di do nyo kame in ibino timo pi gengo jo waco kop arac i nyingi adwong?”