Yosua 7:1 - Baibuli I Leb Kumam 2013

¹ Jo me Isirael likame oko lubo cik kame oudo Rwot omio gi amakere kede dudubo jamini dedede. Akan likame olubo cik nono, omio Rwot oko doko ger ne jo me Isirael. Akan oudo obedo wot ka Karami, akwar Sabadi; en oudo ebedo akwar me ot ka Seera, dul moro me jo me ekeko ka Yuda.

Yosua 7:1 Iomraidhean Croise

Ageini 34:27

Awobe apat ka Yakobo oko bino kakame kotimo iye nek, di kiko yako bomba nono, pien oudo komunao amin gi.

2 Samuel 24:1

Cuny Rwot bobo oko wang kede jo me Isirael, di eko supo Daudi i kom gi di ewaco be, “Oti imar wel me jo me Isirael kede me Yuda.”

2 Abakai 5:24

Kakame kituno kede i wi emukura kakame Elisa oudo bedo iye, Gekasi oko gamo ikapun kibut jotic nogo, di eko tero gi i ot, di eko moto gi pi peruno gi; di do jo nogo oko dok.

1 Iyutun 21:7

Do gikame oudo otimo nono likame oko yomo cuny Rubanga, omio en eko mino jo Isirael alola.

2 Iyutun 24:18

Gin kiko weko tempulo ka Rwot Rubanga ka joakwari gi, di kiko donyo woro caljwogi ka rubanga kame nyinge Asera. Dub gi noni oko kelo lilo ka Rwot i kom Yuda kede Yerusalem.

Esera 9:6

di ako lego be, “Okwe Rubanga na, ango lewic omaka kitek omio likame aromo tingo wanga malo buti. Dub wan meede ameda, kimukurukin kalamo wi wa, kituno malo i edou.

Yobu 35:8

Gikareco nin mio jo icegun neno can, doko poore nin da konyo jo icegun.

Ngarab kop 9:18

Rieko ber elo jamini me yi, do dub acel dudubo jamini atot abeco.

Danieri 9:7

“Rwot in nakanaka itimo gikame opoore. Do tuno tin wan otie kede lewic i wi wa, wan jo kame obedo Yuda, Yerusalem, kede jo dedede me Isirael kame bedo kabedo kiyapiyapi, kede kakabor i lobere dedede kame in isasaro gi iye pi kite kalikame kigenere kede buti.

Jolebi 10:6

Musa oko waco ne Aaron kede awobe mege ace kodong, Eleasar kede Itamar be, “Kur idagunu kuro wi wu, doko da kur iyeyecunu igoen wu pi nyuto iturur, ka itimunu kamanono ibinunu to, doko da lilo ka Rwot bino poto i kom jo dedede. Do jo apat me Isirael twero koko jo are nogi kame Rwot ocwao mac oko wango.

Yona 1:7

Jokwang oko donyo yamo ken gi ken gi be, “Bianu olamunu gagi tetekeny ongeunu ngat komio can noni opoto i kom wa.” Gin kiko lamo gagi di gagi oko nyuto Yona.

Yosua 22:16

dwan kame jo dedede me Isirael ocwao gi kede be, “Pinyo komio itimunu gikarac karom kan but Rubanga me Isirael? Gero alutari piru nyuto be wun itiekunu jemo ne Rwot! Itiekunu lokere tenge iwekunu lube!

Yosua 22:18

Benyo, nataman do wun itiekunu dagi lubo Rwot? Ka tin wun ijemunu ne Rwot, diki en eyaro lilo ne jo dedede me Isirael.

Yosua 22:20

Yutununu gikame bin Rwot otimo i kare kame bin Akan wot ka Seera odagi lubo kede cik kame mako jamini kame kopoore dudubo atwal atwala; jo me Isirael dedede bin oudo alola pi tim mere nono; likame Akan kene en kame bin oto pi dub mere.”