Yosua 6:2 - Baibuli I Leb Kumam 2013

² Rwot oko waco ne Yosua be, “Ango abino mino i cingu bomba me Jeriko karacel kede abaka mere, kede isirikalen atek yi atie iye.

Yosua 6:2 Iomraidhean Croise

2 Samuel 5:19

Daudi oko penyo Rwot be, “Benyo, aot di ako suro jo Pilistia? Ibino mino gi i cinga?” Rwot oko waco ne Daudi be, “Oti; pien ateteni ango abino mino jo Pilistia i cingi.”

Nekemia 9:24

Gin bin kiko ot di kiko mano lobo nono oko doko mergi; in ibwono jo kame bin tie bedo i lobo nono. In bin iko mino jo me Kanan kede abakai gi i cing gi, pi gin timo negi gikame cuny gi mito.

Danieri 2:21

En etie kede loc i kom gikame timere kede i kom kare; en eketo, doko en ekwanyo abakai; en kame emio rieko kede niang.

Danieri 2:44

I kare me apugan nogo Rubanga me malo bino cibo ajakanut kalikame kobino jiko, doko da likame jo apat bino puge. En ebino tuturo ajakanuto nogo, di en eko bedo tie nakanaka.

Danieri 4:17

Kop me alola noni imalaikan awang gi bit en omio; tam noni komio di lubere kede cik kame imalaikan kacil omio, tetekeny jo dedede akuo ngei be Rubanga Ngamalo Twal tie kede twer i kom ajakanut me jo; en emie but ngat kame cunye omito, akadi di ebedo dano me ruom apiny adikinicel.’

Danieri 4:35

Kibute jo dedede me wi lobo obedo gimoro li; imalaikan dedede me malo kede jo me wi lobo dedede tie i twer mere. Likame tie ngatamoro kame twero gengo mit mere, arabo penye gikame etie timo.

Danieri 5:18

“Rubanga Ngamalo Twal bin omio papa ni Nebukadunesa obedo abaka adwong, di eko mine deyo kede angosibib.

Iswilia 7:24

En ebino mino abakai gi i cingu di wun ikounu mino nying gi rwenyo ki wi lobo. Likame tie ngatamoro kame bino karuno yi kede wu; wun ibinunu muducaro gi.

Yosua 12:9

Jo me Isirael obwono abakai me bomban gi ta: Jeriko, Ai (i nget Betel),

Yosua 2:24

Gin kiwaco ne Yosua be, “Ateteni Rwot otieko mino lobo nono dedede i cing wa. Jo dedede atie kuno tie kede lworo atek i kom wa.”

Yosua 2:9

di eko waco negi be, “Ango angeo be Rwot otieko mino wu lobo noni. Wan dedede kom wa tie miel pi wun; jo dedede kame bedo kanoni tie kede lworo atek i komu.

Yosua 20:1

Di do Rwot oko waco ne Yosua

Yosua 6:1

Ceng dedede oudo kocego erute me bomba me Jeriko di oko donyo dare adara pi jokwor me Isirael. Likame tie ngatamoro kame oudo donyo iye arabo wok ooko kiye.

Yosua 6:3

In karacel kede isirikalen ni ibinunu jwiao manaro bomba nono tien acel buli ceng pi ceng kanyape.

Yosua 8:1

Rwot oko waco ne Yosua be, “Kur ibed kede lworo amoto potocuny; kwany isirikalen dedede iko ot tuno i bomba me Ai. Neningo ango abino mino i cingu abaka me Ai kede jo mege, bomba mere kede lobo mere dedede.

Jongolkop 11:21

Di Rwot Rubanga me Isirael oko mino Sikon kede jo mege dedede i cing jo me Isirael, di jo me Isirael oko bwono gi; aso jo me Isirael oko gamo adul dedede kame jo Amor oudo bedo iye oko doko mergi.

Jongolkop 11:24

Benyo, nan in imito gamo lobo nono kibut wa? Mam wuda iterunu doko meru gimoroni kame rubanga wu Kemos mio wu? Benyo, likame wan do opoore tero di eko doko merwa gikame Rwot Rubanga wa oyi oko mano pirwa?