Yosua 6:1 - Baibuli I Leb Kumam 2013

¹ Ceng dedede oudo kocego erute me bomba me Jeriko di oko donyo dare adara pi jokwor me Isirael. Likame tie ngatamoro kame oudo donyo iye arabo wok ooko kiye.

Yosua 6:1 Iomraidhean Croise

2 Samuel 10:5

Kakame Daudi oko winyo kede kop noni, en eko cwano negi kop, pien cuo nogo oudo lewic omako twatwal. Abaka owaco negi be, “Kong dongunu Jeriko tuno di yer me tik wu otieko dongo, en amio ikounu do dwogo.”

2 Abakai 17:4

Do abaka me Asiria bin oko udo be Kosea obedo dano kame kelo arubaruba; piento Kosea oudo ooro jo but Abaka So me Misiri pi bino konye kede abaka me Asiria, di eko jiko kwanyo esolo me buli mwaka but abaka me Asiria. Manono oko mino abaka me Asiria omake di oko twene i otkol.

2 Abakai 2:4

Elia oko waco ne Elisa be, “Elisa, in dong kan, pien Rwot ocwa Jeriko.” Do Elisa oko dwoko be, “Alairo i nying Rwot kakuo be likame ango abino pokere kedi.” Aso, gin dedede kiko ot tuno Jeriko.

Sabuli 127:1

Ka likame Rwot en kogero ot, jo kame tie gere cane nono. Ka likame Rwot en kogwoko bomba, jo kame tie gwoke wang gi bedo bit me nono.

Yosua 16:7

Di do eko lor ki Yanoa tuno Atarot kede Nara, di eko gongere kede Jeriko, eko ot jik i ecilet me Yorodan.

Yosua 18:21

Bomban me jo me ekeko ka Benjamin di lubere kede diakale gi bin gin ige: Jeriko, Bet Kagela, Emek Kesis,

Yosua 2:1

Yosua wot ka Nun oko cwano cuo are i mung bala ibegai yai ki Sitim di ewaco negi be, “Otunu ingingicunu lobo nono, do singo twatwal Jeriko.” Aso, gin kiko ot di kiko donyo i ot me malaya moro anyinge Rakab di kiko buto kanono.

Yosua 2:24

Gin kiwaco ne Yosua be, “Ateteni Rwot otieko mino lobo nono dedede i cing wa. Jo dedede atie kuno tie kede lworo atek i kom wa.”

Yosua 2:7

Aso, isirikalen ka Abaka oko wapo gi lubo yongayo aoto Yorodan tuno kakame yongayo ngolo kede ecilet. Cucuto kakame jowap nogo oudo odonyo kede ooko me bomba, oko cego erute me bomba.

Yosua 5:15

Ngadwong me isirikalen ka Rwot oko waco ne be, “Gony amuka ki tieni, pien itie cungo kabedo kacil.” Yosua oko timo kamanono.

Yosua 6:2

Rwot oko waco ne Yosua be, “Ango abino mino i cingu bomba me Jeriko karacel kede abaka mere, kede isirikalen atek yi atie iye.