Yosua 4:7 - Baibuli I Leb Kumam 2013

⁷ wun ibinunu waco negi be, ‘Bin pii ojiko mol kakame oudo kotie riongo kede Sanduku me Isikan ka Rwot ngolo kede ecilet me Yorodan. Aso, kide nogi tie pi yutuno ne jo me Isirael i kare dedede i kom gikame otimere.’ ”

Yosua 4:7 Iomraidhean Croise

Sabuli 111:4

En emio wan yutuno tice mege me aura; Rwot mwol doko engakisa.

Yai 12:14

Miero wun idonyunu timo ebaga amako ceng noni pi yutuno gikame ango Rwot atimo. Timunu ebaga mere i kare dedede me anyim.”

Yai 28:12

Ibino dupo kide are nogo i kom ausin me epepet me epod, pi bedo kide me yutuno awobe ka Yakobo. Aaron bino tingo nying gi i epepet mere are pi bedo gi me iyutun.

Yai 30:16

In ibino gamo sente noni kibut jo me Isirael di iko tic kede pi konyo tice kame makere kede Eema me riamo keda. Esolo nono bino bedo i nyima bala gi me yutuno jo me Isirael, gikame gin kiculo pi lako kuo gi.”

Isaya 66:3

“Jo timo bala kame cuny gi mito. Kibut gin, apokapoka moro li ka gin kineko twon bala giayala arabo kineko dano bala giayala; arabo kimio giayala me atin oromo amoto kiminaro ngut ogwok; arabo kimio giayala me alos amoto kimio giayala me remo me epege; arabo kimio giayala me odok angwe kur amoto kilego but caljwogi. Gin kitieko yero timo gikame cuny gi mito, doko cuny gi yom i kom tim gi me kwer nogo.

Wel 16:40

Manoni oko bedo bala ikwenyar but jo me Isirael be, likame tie ngatamoro kalikame obedo akwar Aaron, kame poore ot i alutari pi mino Rwot giayala me odok angwe kur, tetekeny kur gi kotimere ne Kora kede jo mege timere ne gida.

Wel 17:5

Di do ebela me ngat kame ango abino yero pi bedo ngasaseredoti na ko bino libo. Iepone noni ango abino jiko ingungur kame jo me Isirael tie kede i komi nakanaka.”

1 Jokorinti 11:24

kakame etieko pwono kede Rubanga, eko tuturo en, di eko waco be, “Man en koma kame tie piru. Timunu kamanoni pi yutuno ango.”

Iswilia 16:3

Miero kur icamenu kede mugati moro kame arup tie iye. Ibinunu camo mugati kame kotimo abongo arup pi ceng kanyaare, mugati kame kolwongo be mugati me neno can, pien bin wun iyaunu ki Misiri awakawaka. Ibinunu timo kamanono tetekeny pi kare me kuo wu lung ibedunu di iyutununu ceng kame bin iyaunu kede ki lobo me Misiri.

Yosua 4:6

Kide nogi bino yutuno ne wu i kom gikame otimere i ecilet me Yorodan. Ka i kare me anyim idwe wu openyo wu i kom dwong me kide nogi,