Yosua 4:6 - Baibuli I Leb Kumam 2013

⁶ Kide nogi bino yutuno ne wu i kom gikame otimere i ecilet me Yorodan. Ka i kare me anyim idwe wu openyo wu i kom dwong me kide nogi,

Yosua 4:6 Iomraidhean Croise

Sabuli 44:1

Wan otieko winyo kede yit wa, Okwe Rubanga, joakwari wa owaco ne wa tice kame in itimo i kare gin, i kare kasek.

Sabuli 71:18

Pi mano, akadi ati di do lwar omaka, Okwe Rubanga, kur ijala, tuno kede ka atieko tatamo twer nin but lwak dedede me kare me anyim.

Yai 12:14

Miero wun idonyunu timo ebaga amako ceng noni pi yutuno gikame ango Rwot atimo. Timunu ebaga mere i kare dedede me anyim.”

Yai 13:14

Ka i kare me anyim atin ni openyi dwong me itok noni, in ibino waco ne be, ‘Rwot bin owoto wan ki lobo me Misiri kede teko mere, kuno kakame wan oudo otie iye ipasoi.

Yai 13:9

Bala gikame dano ngapo i ngut cinge arabo i tur nyime, ebaga noni bino bedo ne wu gikame poo wi wu i kom gikame Rwot otimo ne wu kakame iwokunu kede ki lobo me Misiri, tetekeny pwony ka Rwot bed tie i dogu nakanaka, pien Rwot owoto wu ki Misiri kede teko mere.

Yai 31:13

en kikome poore ewace jo me Isirael be, “Wun ibinunu gwoko ceng Sabato na, pien ebedo gianena kame bino bedo tie i dierediere nango kede wu pi kare dedede, pi nyuto be ango atieko yero wun pi bedo jo na.

Isaya 38:19

Jo akuo kenekene en kame karuno paki, bala kame tin ango atie timo; jonywal tatamo ne idwe gi kite kame in igenere kede.

Isaya 55:13

Yen saipuras bino tui akaka okuto; yen kame ngwece gi kur bino tui akaka ocokocok; manono bino bedo gianena kame bedo nakanaka, gikame poo wi jo i kom gikame ango Rwot atieko timo.”

Esekeri 20:12

Medo i wi manono, ango ako mino gin gwoko Sabato na bala gianena me winyere nango kede gin, tetekeny gin kibed yutuno be ango Rwot en kame amio gin kibedo jokacil.

Esekeri 20:20

Poore imiunu Sabato na bed cil, tetekeny kibed gianena kame tie i dierediere nango kede wu, gianena kame bino bedo pono wi wu be ango en Rwot Rubanga wu.

Wel 16:38

Pien itatany ka jo nogo me dunyo odok angwe kur otieko doko gikacil pi to gin. Tet gi kidok gi me umo wi alutari, pien jo nogo oudo omio gi buta di kiko doko gikacil. Gin kibino bedo anen but jo me Isirael.”

Tice 2:39

Pien cikere noni tie piru kede pi idwe wu, kede pi jo dedede kame tie kakame boco da, jo dedede kame Rwot Rubanga wa lwongo bute.”

Iswilia 11:19

Pwonyunu idwe wu i kom gi. Tatamunu kop i kom gi ka itienu i paco kede ka itienu tenge, ka itienu buto kede ka iyaunu ki kabuto.

Yosua 22:27

Wan ogere pi bedo gianena but jo wa kede wuda, kede but lwak kame bino lubo ngei wa, be wan ateteni oworo Rwot i Eema mere kacil di okelo bute giayala awanga wa kede giamia kede giayala me nywak. Manoni wan otimo pi gengo ikwae wu i kare me anyim waco ne ikwae wan be gin likame kitie kede gimoro amakere kede Rwot.

Yosua 4:21

di ewaco ne jo me Isirael be, “Kame i kare me anyim idwe wu openyo jonywal gi dwong me kide nogi,

Yosua 4:5

En eko waco negi be, “Otunu anyim me Sanduku me Isikan ka Rwot Rubanga wu tuno i dier ecilet me Yorodan, di buli ngat acelacel ko kwanyo kidi eriong i epepet mere, kidi acelacel pi buli ekeko me anywali me ateker me Isirael.