Yosua 3:8 - Baibuli I Leb Kumam 2013

⁸ Wac ne josaseredoti atie riongo Sanduku me Isikan be, ‘Kame itununu i ecilet me Yorodan, poore icungunu karacel.’ ”

Yosua 3:8 Iomraidhean Croise

2 Abakai 2:6

Elia oko waco ne Elisa be, “Elisa, in dong kan, pien Rwot ocwa Yorodan.” Do Elisa oko dwoko be, “Alairo i nying Rwot kakuo be likame ango abino pokere kedi.” Aso, gin dedede kiko ot kiupere,

2 Iyutun 29:15

Jo nogi oko coko karacel Jolebi wad gi, di gin dedede kiko lonyere. Gin kiko donyo i tempulo bala kame abaka oudo ociko, pi kwanyo tenge gi dedede kame munao en, di lubere kede cik kame Rwot oudo omio.

2 Iyutun 29:27

Di Esekia oko mino cik be mi giayala awanga i wi alutari. Kakame bin oko cako mino kede giayala awanga, jo da oko cako wero were me pako Rwot, di okuto agwarai kede kogoo jamini me wer kame bin Abaka Daudi me Isirael otio kede.

2 Iyutun 29:30

Abaka Esekia kede jotel oko mino cik but Jolebi pi gin cako pako Rwot kede were ka Daudi kede me enabi Asap. Gin kiko wero were me pak kede ilel adwong, di kiko luro wi gi piny kiko woro Rubanga.

2 Iyutun 30:12

Rubanga oudo tie tic kede jo Yuda pi mino gi bedo kede cuny acel me lubo kop mere kame abaka kede jotel oudo ociko negi.

Nekemia 13:22

Ango ako mino cik but Jolebi pi gin lonyere di kiko bino daro irutei, tetekeny kinen be jo ogwoko ceng Sabato obedo ceng kacil. Okwe Rubanga, ango akwai iyutuno ango pi manoni, di iko gwoka pi amara ni adwong kalikame lokere.

Nekemia 13:28

Yekoyada, wot ka Eliasib Ngatel me Josaseredoti, oudo tie kede wode acel konyomo nyar ka Sanabalat me Koron. Ango ako riamo wode nono tenge.

Yai 14:13

Musa oko dwoko ne jo be, “Kur ibedunu kede lworo, cungunu di itekunu, di ikounu bino neno epone kame Rwot bino lako wu kede tin; pien likame bobo ibinunu medo neno jo me Misiri kame wun tin itienu neno go.

Koko ka Yeremia 3:26

Pi manono eber ne dano daro eliling alako ka Rwot.

Yosua 3:17

Kakame jo dedede me Isirael oudo tie beno kede i kakatek pi ngolo ecilet, josaseredoti koudo tie riongo Sanduku me Isikan ka Rwot oko cungo i dier ecilet kakotuo, tuno jo dedede ngolo loka.

Yosua 3:3

di kiciko jo be, “Kame inenunu di josaseredoti Jolebi tie riongo Sanduku me Isikan ka Rwot Rubanga wu, wuda ipoorenu yai lubo gi.

Yosua 3:7

Rwot oko waco ne Yosua be, “Tin ango abino mini icako bedo kede dwongo i nyim jo me Isirael, tetekeny gin kingei be ango abino bedo tie kedi bala kame oudo abedo tie kede Musa.

Yosua 3:9

Yosua oko waco ne jo be, “Bianu kan di ikounu winyo gikame Rwot Rubanga wu waco.”

Yosua 4:11

Cucuto di jo oudo otieko ngolo loka tetuca, josaseredoti kame oudo riongo Sanduku me Isikan ka Rwot oko kato kitelo ne jo anyim.