Yosua 3:10 - Baibuli I Leb Kumam 2013

^10-13 Di eko waco negi be, “Sanduku me Isikan ka Rwot ngat kame pugo wi lobo lung en kame bino telo ne wu anyim ngolo ecilet me Yorodan. Kame josaseredoti atie riongo Sanduku me Isikan tien gi onyono pii me Yorodan, pii me ecilet nono bino cungo likame emol, di pii kame tie mol ko bino cokere ikumemei karacel. Manono bino mino ingeunu be Rubanga akuo tie i diere wu. En ateteni ebino riamo tenge ki nyimu jo Kanan, jo Kiti, jo Kibi, jo Perisi, jo Girigas, jo Amor kede jo Yebu. Rwot doko da owaco be en emito be iyerunu cuo tomon kiwie are ngat acelacel ki buli ekeko me anywali me Isirael.”

Yosua 3:10 Iomraidhean Croise

Ageini 15:21

kede me jo Amor, jo Kanan, jo Girigas kede jo Yebu.”

1 Abakai 22:28

Mikaya oko waco be, “Ka in iko dwogo kede mulem, udo likame Rwot oyamo kibuta.” Di eko waco be, “Wun jo dedede winyunu gikame ango atieko waco!”

2 Abakai 19:4

Cengemogo Rwot Rubanga ni owinyo kope dedede kame ngadwong me isirikalen me Asiria owaco, en ngat kame ngadwong mere abaka me Asiria ocwae pi bino nywaro Rubanga akuo. Akwao Rwot Rubanga nin eket can i kom gi pi kope dedede kame en etieko winyo. Pi mano, leg pi jo odong kuo.”

1 Iyutun 1:14

Gin en kame jo Yebu, jo Amor, jo Girigas,

Sabuli 42:2

Atie kede mit adwong me neno Rubanga i kuo na, en Rubanga akuo. Kara awene en kame ango abino bino kede di ako neno wangi, Okwe Rubanga?

Sabuli 9:16

Rwot otieko mino jo ongee, pien engolo kop kakare. Jo areco lokere moko i owic kame cing gi en ociko.

Yai 17:7

En eko cako nying kanono be Masa kede Meriba, pien jo me Isirael oudo ongunguro but Rwot di kitame kakame kiwaco kede be, “Benyo, Rwot tie kede wa arabo li?”

Yai 3:8

Nan ango abino piny pi lako gi ki cing jo me Misiri, kede pi kwanyo gi ki lobo nono di ako tero gi i lobo aber di lac, lobo amio, en lobo kame jo Kanan, jo Kiti, jo Amor, jo Perisi, jo Kibi kede jo Yebu nan bedo iye.

Yai 33:2

Ango abino cwano malaika telo wu, di ango ako bino riamo tenge jo Kanan, jo Amor, jo Kiti, jo Perisi, jo Kibi, kede jo Yebu.

Isaya 7:14

Do Rwot pwodi bino mini gianena; tie nyako oyac kame bino nywalo atin awobi di eko cako nyinge Emanuel.

Yeremia 10:10

Do Rwot, in en ibedo Rubanga me ateni; in en Rubanga akuo, kede abaka kame pugo nakanaka. Ka in idoko ger, wi lobo lung yangere; atekerin likame sobolo kanyakino lilo nin.

Kosea 1:10

Kare bino tuno kalikame kobino twero maro kede wel me jo Isirael, pien kibino bedo tot bala asinge me dog nam. Nataman kolwongo gi be, “Likame Jo Na”, do i kare me anyim kobino lwongo gi be, “Idwe ka Rubanga Akuo.”

Wel 13:29

Medo i wi manono jo Amalek bedo Negeb; jo Kiti, jo Yebu, kede jo Amor bedo i piny kobedo imukuran; kede jo Kanan da bedo i dog nam me Mediterania kede i dog ecilet me Yorodan.”

Matayo 16:16

Simoni Petero oko dwoko be, “In en Kirisito, Wot ka Rubanga kakuo.”

Yokana 6:69

doko wan otieko yei di oko ngeno da be in en Ngat Kacil ka Rubanga.”

Iswilia 31:17

Ka manono otimere, gero bino maka i kom gi di ako weko gi di likame bobo kiko twero neno wanga; abino muducaro gi pi gero na. Peko atot bino poto negi di kiko bino waco be, ‘Mam peko gi tie poto ne wa pien likame Rubanga wa doko tie kede wa?’

Iswilia 5:26

Pien ngai kotieko winyo Rubanga akuo di etie yamo i mac, bala wan, di eko dong di ekuo?

Iswilia 7:1

“Ka Rwot Rubanga wu oko tero wu i lobo kame nataman wun itienu ot iye pi mane eko doko meru, di en eko riamo atekerin atot tenge ki nyimu, jo Kiti, jo Girigas, jo Amor, jo Kanan, jo Perisi, jo Kibi, kede jo Yebu, gin dedede atekerin kanyaare kame tek doko di kitot kalamo wu,

Iswilia 7:21

Aso, kur ilworunu gin, pien Rwot Rubanga wu tie kede wu; en obedo Rubanga kame dwong doko epoore alwora.

1 Jotesalonika 1:9

Pien gin ikom gi kiwaco kop i kom epone kame igamunu wa kede, kede epone kame ilokerenu kede but Rubanga di ikounu weko woro cal jwogi, pi tic ne Rubanga kakuo kede me ateni,

Iburanian 10:31

Etie gi me lworo pi poto i cing Rubanga kakuo.

Yosua 11:3

Ecwao kop da lwongo jo me Kanan atie i bad tetu kide kede i bad tetu tim me ecilet me Yorodan, jo Amor, jo Kiti, jo Perisi, jo Yebu atie i piny me imukuran, karacel kede jo Kibi kame bedo i dud moru me Kerimon i lobo me Misipa.

Yosua 12:8

Lobo noni oudo ribo piny me imukuran, lobo katie i bad imukuran me bad tetu tim, Aditot me Yorodan kede bad imukuran mege, lobo katie i bad imukuran me bad tetu kide, kede lobo kotuo atie i bad tetu piny. Lobo noni oudo jo kame bedo iye ige: jo Kiti, jo Amor, jo Kanan, jo Perisi, jo Kibi, kede jo Yebu.

Yosua 21:45

Rwot bin oko cobo cikere mege dedede kame oudo en etimo but jo me Isirael.

Yosua 22:31

Pinekasi, wot ka Eleasar ngasaseredoti oko waco negi be, “Tin wan otiekunu ngeno be Rwot tie kede wa, pien wun likame oudo ijemunu ne Rwot i yore me tim noni. Pi mano, wun itiekunu lako jo me Isirael ki alola ka Rwot.”

Yosua 24:11

Wun bin ikounu ngolo ecilet me Yorodan di ikounu tuno Jeriko. Jo me Jeriko bin oko yi kede wu, doko jo Amor da oko yi kede wu, akadi jo Perisi, jo Kanan, jo Kiti, jo Girigas, jo Kibi kede jo Yebu. Do ango bin amio wun ibwonunu gi.

Yosua 3:9

Yosua oko waco ne jo be, “Bianu kan di ikounu winyo gikame Rwot Rubanga wu waco.”

Yosua 9:1

Kop kame jo me Isirael oudo tie bwono kede jokwor gi oko tuno i yit abakai kame oudo tie i bad tetu tim me ecilet me Yorodan, i piny kobedo imukuran imukuran, kede piny i bad imukuran, kede i elet me dog nam adwong me Mediterania, tuno paka Lebanon i bad tetu malo. Gin abakai me jo Kiti, jo Amor, jo Kanan, jo Perisi, jo Kibi, kede jo Yebu;

1 Samuel 17:26

Daudi oko penyo jo kame oudo tie cungo i ngete be, “Nyo kame kobino timo ne ngat kame bino neko dano me Pilistia no, di eko kwanyo lewic ki wi jo me Isirael? Dano me Pilistia kalikame kokepo noni obedo ngai komio en ecao isirikalen ka Rubanga akuo?”

1 Samuel 26:6

Di Daudi oko waco ne Akimelek dano me Kiti, kede ne Abisai omin me Joab (toto gin oudo Seruya) be, “Ngai kikom wun kame bino ot keda kakame Saulo tie iye kede jo mege?” Abisai oko gamo be, “Ango abino ot kedi.”