Yosua 2:9 - Baibuli I Leb Kumam 2013

⁹ di eko waco negi be, “Ango angeo be Rwot otieko mino wu lobo noni. Wan dedede kom wa tie miel pi wun; jo dedede kame bedo kanoni tie kede lworo atek i komu.

Yosua 2:9 Iomraidhean Croise

Ageini 35:5

Kakame oudo gin kitie ot kede, Rubanga oko mino jo me bomban dedede kame iyapi kede gi lworo, omio likame ngatamoro oko wapo gi.

2 Samuel 17:10

Manono ko bino mino lworo mako akadi isirikalen kame tek i yi da, kame lworo li i cuny gi bala inguon, cuny gi bino pirisar atwal pien jo dedede me Isirael ngeo be papa nin obedo ngayi, doko jo mege obedo jo yi atek.

2 Abakai 5:15

En eko dok but Elisa karacel kede jo mege dedede di eko waco ne be, “Nan ango atieko ngeno be likame doko tie rubanga moro apat i wi lobo, kwanyo kenekene Rubanga me Isirael; nan akwai iyei gamo giamia kibuta.”

2 Abakai 7:6

Pien Rwot oudo omio isirikalen me Siria owinyo mor me tien cabalan me yi, kede me asigiran, bala bino me twon ekodet me isirikalen, di kiko donyo yamo ken gi ken gi be, “Abaka me Isirael opango abakai me jo Kiti kede me Misiri pi bino yi kede wa.”

Nekemia 6:16

Kakame jokwor wa me atekerin me kio oniang kede be tic oudo otiek, teko gi oko tiek, pien oudo kiniang be Rubanga en okonyo wan timo tic noni.

Esita 8:17

I adulion kede i bomban dedede, kabedere dedede kame cik ka abaka oko tuno iye, Iyudayan obedo kede yomcuny kede ilel, di kiko tedo ebaga kede kiko bedo kede ceng me wei. Manoni oko mino jo atot me atekerin me piny nono oko donyo waco be gida kibedo Iyudayan, pien gin oudo do kitie kede lworo i kom Iyudayan.

Yobu 19:25

Pien ango angeo be Ngakonya tie kuo, doko da i ajikini en ebino pido pira.

Sabuli 112:10

Jo areco neno di cuny gi ko wang; gin kikakao lak gi pi gero di kiko rwenyo; mit me jo areco kei.

Sabuli 115:16

Malo obedo me ka Rwot, do lobo en etieko mino but jo.

Yai 18:11

Nan ango angeo be Rwot tek kalamo rubangan dedede, piento en elako jo ki cing jo me Misiri kakame gin oudo kitie kede tim me acae i kom jo me Isirael.”

Yai 23:27

Abino mino jo bedo lwor i nyimu, di ako totolo wi jo dedede kame ibinunu riamo kede, doko abino mino jokwor wu dedede lokere ringo tenge kibutu.

Ngarab kop 8:12

Bed bala jodubo tim dub tien tol acel di kiko bedo kuo pi kare kalac, ango angeo be jo kame lworo Rubanga bino bedo kiber pien gin kiwore.

Isaya 19:1

Man en kop i kom Misiri. Nenunu, Rwot tie bino Misiri, en etie i wi edou adwir bino. Caljwogi me Misiri kom gi bino miel i nyime, di cuny jo ko bino nyote pi lworo.

Isaya 23:5

Kame kop noni otuno Misiri, kibino bedo kede par alit pi gikame otimere ne Taya.

Yeremia 27:5

“Ango kede twer na adwong kede teko na en kame acweo lobo, kede jo kede leini kame tie iye; doko da ango atwero mine but ngat kame cunya opwoyo.

Nakum 2:10

Kotieko muducaro Ninebe, kotieko weke edong nono! Cuny jo onyote piris pi lworo; cong gi miel teltel, teko gi otiek; nyim jo dedede olokere.

Wel 20:14

Musa bin oko ooro jo ki Kades pi ot but abaka me Edom di kiko waco ne be, “In ingeo peko dedede kame wan obeo iye:

Wel 20:24

“Aaron likame oyaro donyo i lobo kame ango bin acikere pi mino jo me Isirael, piento in kede en ikounu jemo i Meriba di ikounu dagi timo gikame ango oudo aciko.

Matayo 20:15

Iparo be oudo ango ali kede akarunikin me tic kede lim na bala kame cunya mito? Arabo nyeko omaki i koma pi bercunya?’ ”

Iswilia 11:25

Kabedere dedede kame wun ibinunu tuno iye i lobo nono, Rwot Rubanga wu bino mino jo dedede bedo kede lworo atek i komu bala kame en etieko cikere pi timo; likame tie ngatamoro kame bino karuno cungo i nyim wu pi yi kede wu.

Iswilia 2:25

Cako ceng atin ango abino mino jo me pinye dedede bedo kede lworo i komu. Jo dedede bino bedo kede mielkom pi lworo ka gin kiwinyo rwonge wun.’

Iswilia 28:10

Jo dedede me wi lobo bino neno di kolwongo wu be jo ka Rwot, di lworo ko bino mako gi.

Iswilia 32:8

Ngamalo Twal bin omio buli ateker acelacel lobo mere amake; en bin epopoko jo di eko cibo ikor ne atekerin; bin eko mino ateker acelacel rubanga mere,

Iburanian 11:31

Pi yei, Rakab, ngat kame bin obedo malaya, likame oko to karacel kede jo kame oudo dagi winyo Rubanga, piento en oudo egamo kiber jo kame oudo obino begao kuno.

Yosua 2:11

Kakame wan owinyo kede kop nono, cuny wa oko nyote, di do likame tie ngatamoro oko dong di etie kede nwangcuny; manoni kom otimere pi wun. Rwot Rubanga wu ateteni obedo Rubanga apugo malo kede wi lobo kan.

Yosua 2:24

Gin kiwaco ne Yosua be, “Ateteni Rwot otieko mino lobo nono dedede i cing wa. Jo dedede atie kuno tie kede lworo atek i kom wa.”

Yosua 2:8

Di pwodi oudo ibegai nogo likame obuto, Rakab oko yito but gi i wi ot

Yosua 5:1

Kakame abakai me jo Amor kame tie i bad tetu tim me ecilet me Yorodan, kede abakai dedede me jo Kanan kame tie i dog nam adwong me Mediterania owinyo kede be Rwot omio ecilet me Yorodan otuo, paka tuno di jo me Isirael oudo otieko ngolo loka, cuny gi oko nyote, di kom gi oko to pi jo me Isirael.

Yosua 6:2

Rwot oko waco ne Yosua be, “Ango abino mino i cingu bomba me Jeriko karacel kede abaka mere, kede isirikalen atek yi atie iye.

Yosua 9:10

kede gikame en etimo ne abakai are me jo Amor atie i bad tetu kide me Yorodan, gin Abaka Sikon me Kesibon kede Abaka Og me Basan, ngat kame oudo bedo Asitarot.

Yosua 9:24

Gin kiko dwoko ne Yosua be, “Adwong, wan otimo kamanoni pien wan oniang kiber be Rwot Rubanga owaco ne ngatic mere Musa be wun ipoorenu neko jo dedede kame bedo kanoni, di ikounu mano lobo noni doko meru; aso, manono en omio wan obedo kede lworo pi kuo wa.

Yosua 9:9

Gin kiko waco ne Yosua be, “Wan jotic wu owok ki piny abor, pien wan owinyo kop i kom Rwot Rubanga wu. Wan owinyo gi dedede kame en etieko timo i lobo me Misiri,

Jongolkop 7:14

Ngawote bin oko gamo be, “Manono kom obedo epima me dano me Isirael, Egidioni wot ka Yowasi! Likame gimoro apat! Rubanga otieko mino wan jo me Midian kede isirikalen dedede i cinge!”