Yosua 2:2 - Baibuli I Leb Kumam 2013

² Abaka me Jeriko oko winyo be jo mogo me Isirael oudo obino iwor nono bala ibegai pi ngingico lobo nono.

Yosua 2:2 Iomraidhean Croise

Sabuli 127:1

Ka likame Rwot en kogero ot, jo kame tie gere cane nono. Ka likame Rwot en kogwoko bomba, jo kame tie gwoke wang gi bedo bit me nono.

Agole 21:30

Likame tie rieko me dano moro, arabo niang atut moro, amoto tam moro kame komio, kame karuno konyo ka Rwot odagi.

Isaya 43:13

Ango Rubanga, doko da abino bedo Rubanga nakanaka; likame tie ngatamoro kame karuno mano dano ki cinga; likame tie ngatamoro kame karuno gengo gikame ango atimo.”

Danieri 4:35

Kibute jo dedede me wi lobo obedo gimoro li; imalaikan dedede me malo kede jo me wi lobo dedede tie i twer mere. Likame tie ngatamoro kame twero gengo mit mere, arabo penye gikame etie timo.

Yosua 2:1

Yosua wot ka Nun oko cwano cuo are i mung bala ibegai yai ki Sitim di ewaco negi be, “Otunu ingingicunu lobo nono, do singo twatwal Jeriko.” Aso, gin kiko ot di kiko donyo i ot me malaya moro anyinge Rakab di kiko buto kanono.

Yosua 2:3

En eko cwano ne Rakab kop be, “Cuo kobino buti, kame nan tie i odi, obino kan bala ibegai, pi ngingico lobo noni dedede. Nan kel gi kan!”

Jongolkop 18:2

Aso, jo me ekeko ka Dan oko yero cuo kany kikwiri kikom jo dedede me ekeko gin, di kiko cwano gi yai ki bomban gi me Sora kede Esitaol, pi ot begao lobo kede ngingico en. Gin kiwaco ne cuo nogo be, “Otunu ingingicunu lobo nono.” Kakame kituno kede i piny kobedo imukuran me Epuraimu, gin kiko donyo bedo i ot ka Mikaa.