Yosua 2:10 - Baibuli I Leb Kumam 2013

¹⁰ Pien wan otieko winyo kite kame Rwot omio kede pii me Nam Akwar otuo kede i nyimu, kakame iyaunu kede ki Misiri; kede kite kame inekunu kede Sikon kede Og, gin abakai me jo Amor, jo kame oudo bedo i bad tetu kide me Yorodan.

Yosua 2:10 Iomraidhean Croise

Sabuli 74:15

In iyabo wen ataneko kede isamai; imio icileta kame oudo mol nakanaka odwono.

Wel 20:14

Musa bin oko ooro jo ki Kades pi ot but abaka me Edom di kiko waco ne be, “In ingeo peko dedede kame wan obeo iye:

Wel 23:22

Rubanga ngat kokelo gi ki Misiri, tek bala jobi kame yi pirgi.

Wel 24:8

Rubanga ngat kokelo wu ki Misiri, tek bala jobi. Wun ibinunu muducaro atekerin kobedo jokwor wu, di ikounu tuturo cogere gi. Ibinunu cocobo gi kede imalia wu.

Iswilia 2:30

“Do Abaka Sikon likame oko yei ne wa beo ngolo ki piny mere, pien Rwot Rubanga wu oudo omie ebedo ngaepali kede ngajemo, tetekeny wan obwonenu di okounu mano piny mere, bala kame nataman en etieko timo.

Yosua 24:12

Ango bin amio mielkom atek omako gi, di ako riamo tenge ki nyim wun abakai are me jo Amor; likame ipimai arabo imalia wu en koriamo gi.

Yosua 4:24

Pi manoni, jo dedede me wi lobo bino ngeno twer kame Rwot tie kede, di wun ikounu bino bedo kede wor but Rwot Rubanga wu pi kare lung.”

Yosua 5:1

Kakame abakai me jo Amor kame tie i bad tetu tim me ecilet me Yorodan, kede abakai dedede me jo Kanan kame tie i dog nam adwong me Mediterania owinyo kede be Rwot omio ecilet me Yorodan otuo, paka tuno di jo me Isirael oudo otieko ngolo loka, cuny gi oko nyote, di kom gi oko to pi jo me Isirael.

Yosua 9:10

kede gikame en etimo ne abakai are me jo Amor atie i bad tetu kide me Yorodan, gin Abaka Sikon me Kesibon kede Abaka Og me Basan, ngat kame oudo bedo Asitarot.