Yosua 18:6 - Baibuli I Leb Kumam 2013

⁶ Gin kibino wandiko cal me adulion kanyaare nogo di kiko kelo buta, di ango ako bino uco ne wu alulu i nyim Rwot Rubanga wa pi popoko en.

Yosua 18:6 Iomraidhean Croise

Sabuli 105:11

En ewaco be, “Ango abino mini lobo me Kanan pi bedo iner kame mako wu.”

Agole 16:33

Dano uco alulu, do adwokini mere tie i cing Rwot kene.

Agole 18:18

Uco alulu en kame tieko piem, ka jo atek are tie piem i kom kop moro.

Wel 33:54

Wun ibinunu popoko lobo nono kede alulu, di lubere kede rom me jo me ekeko acelacel. Ekeko kame jo tot iye ibinunu mino gin lobo alac, do ekeko kame jo mege nonok ibinunu mino gida lobo katitidi.

Wel 34:13

Musa bin oko waco ne jo me Isirael be, “Manoni en lobo kame ibinunu gamo doko meru di iucunu alulu, lobo kame Rwot otieko ciko be mi but jo me ikekon kanyangon kede dul.

Tice 13:19

Kakame Rubanga bin oneko kede atekerin kanyaare i lobo me Kanan, en eko mino lobo gi but ateker me Isirael pi sikao en pi mwakini aromo tol ongwon kede ot kany.

Yosua 14:2

Gin kiuco alulu me poko lobo nono ne jo me ikekon me Isirael kanyangon kede dul, bala kame oudo Rwot ociko ne Musa.

Yosua 18:10

Yosua oko uco negi alulu i nyim Rwot i Silo, di eko popoko lobo ne jo me ikekon me Isirael kame oudo odong; ekeko acelacel oudo adul acel.

Yosua 18:7

Jolebi likame bino udo iner moro me lobo i diere wu, pien iner gin en timo tic bala josaseredoti ka Rwot. Doko da jo me ikekon ka Gad, Ruben, kede dul me jo me ekeko ka Manase otieko udo lobere gi loka i bad tetu kide me ecilet me Yorodan, kame Musa ngatic ka Rwot bin omio gi.”

Yosua 18:8

Jo kame bin koyero oko yai ooto, di Yosua oko ciko gi pi wandiko kite kame lobo nono cal kede. En ewaco negi be, “Mamanunu lobo nono lung di ikounu wandiko kite kame ecal kede, ikounu dwogo buta. Ango abino uco ne wu alulu i nyim Rwot kan i Silo.”