Yosua 17:1 - Baibuli I Leb Kumam 2013

¹ Bin oko mino dul moro me lobo but jo me ekeko ka Manase, piento en oudo obedo kao ka Yosepu. Makir, papa me Gilead, en kame oudo obedo kao ka Manase, doko en oudo ngat atek i yi twatwal, pi mano, oko bin poko ne en Gilead kede Basan, adulion kame oudo tie i bad tetu kide me Yorodan.

Yosua 17:1 Iomraidhean Croise

Ageini 41:51

Yosepu oko cako nying atin kao mere Manase, piento en ewaco be, “Rubanga otieko mino wia owil kede peko na dedede kede jo dedede me ot ka papa na.”

Ageini 41:52

Eko cako nying atin me are Epuraimu, piento en ewaco be, “Rubanga omia anywal i lobo kame aneno iye can.”

Ageini 46:20

Yosepu bin oko nywalo awobe are i Misiri; gin en Manase kede Epuraimu, kame Asenat nyar ka Potipera, ngasaseredoti me On onywalo ne.

Ageini 48:17

Yosepu cunye likame oko bedo yom kakame eneno kede be papa mere oudo oketo cinge tetu cam i wi Epuraimu. Omio en eko mako cing papa mere pi koto kwanye ki wi Epuraimu di eko kobe i wi Manase.

Ageini 48:18

En ewaco ne papa mere be, “Likame kamano, papa. Man en awobi adwong, ket cingi tetu cam i wie.”

Ageini 50:23

Yosepu bin oko bedo kuo tuno neno idwe ka Epuraimu, tuno i ikwae me adek. Makir wot ka Manase da bin onywalo idwe di Yosepu oko tingo gi di egamo gi pi bedo mege.

2 Samuel 2:9

Abuneri oko kete ebedo abaka kame pugo adulion me Gilead, Aser, Jeserel, Epuraimu, Benjamin, kede Isirael lung.

1 Iyutun 2:23

Do ajakanuto me Gesur kede Aram oko yi tuno mano bomban ot kanyape ki kunono, ribo kiton calere ka Yair, kede bomba me Kenat kede calere atie i ngete. Jo dedede kame oudo bedo kunono oudo obedo ikwae ka Makir, papa me Gilead.

Esekeri 47:13

Rwot Rubanga owaco be, “Magi en ikor kame ibinunu popoko kede lobo ne jo me ikekon tomon kiwie are me Isirael. Jo me ekeko ka Yosepu bino tero adulion are.

Esekeri 48:4

Jo me ekeko ka Manase bino tero adul acel; en ebino gongere kede lobo me jo me ekeko ka Naputali cako ki bad tetu kide tuno i bad tetu tim.

Wel 26:29

Ikwae ka Manase bin gin en jo me diakal ka Makir kede me ka Gilead. Makir bin en papa me Gilead.

Wel 27:1

Makala, Nua, Kagela, Milika, kede Tirisa gin bin en anyira ka Selopekad wot ka Keper, Keper bin en wot ka Gilead, Gilead bin en wot ka Makir, Makir bin en wot ka Manase, Manase en bin wot ka Yosepu.

Wel 32:33

Aso, Musa bin oko mino jo me ikekon ka Gad kede me ka Ruben karacel kede dul me jo me ekeko ka Manase wot ka Yosepu, adulion dedede kame Abaka Sikon me jo Amor kede Abaka Og me Basan oudo pugo, ribo kiton bomban kede adulion koluko gi.

Iswilia 21:17

Miero en eyei be wot ka dako kalikame cunye maro en obedo awobi kao; epoore mine iner adwong kalamo, bala kame awobi kao poore udo, piento en ebedo kao mere, twero me atin kao obedo mere.

Yosua 17:2

Yosua oko popoko lobo kame oudo tie i bad tetu tim me ecilet me Yorodan but jo ace me ekeko ka Manase, di lubere kede diakale gi kaman: Abieser, Kelek, Asiriel, Sekem, Keper, kede Semida. Jo nogi en oudo obedo ikwae ka Manase wot ka Yosepu acuo mege; gin oudo kibedo jotel me diakale gin.

Yosua 22:7

Musa oudo omio dul me jo me ekeko ka Manase me lobo Basan pi bedo mergi; do dul ocelu Yosua oudo oko mino lobo i nget me jo me Isirael wad gi i bad tetu tim me Yorodan. Kakame Yosua bin oko dwoko gi kede paco, en elamo negi winyo

Jongolkop 5:14

Gin bin kiyai ki Epuraimu di kiko bino i aditot lubi, in Benjamin kede jo ni. Jotel yi bin osirito wok piny ki Makir, kede ki Sebulun jodongo me isirikalen oko bino.