Yosua 13:8 - Baibuli I Leb Kumam 2013

⁸ Jo me ekeko ka Ruben kede me ka Gad, kede dul me jo me ekeko ka Manase oudo otieko udo lobo kame Musa, ngatic ka Rwot oudo omio gi; lobo nono oudo tie i bad tetu kide me ecilet me Yorodan.

Yosua 13:8 Iomraidhean Croise

Wel 32:19

Wan likame obino gamo lobo moro i loka tetuca me Yorodan pien wan otieko gamo iner wa me lobo i loka tetuni, i bad tetu kide me Yorodan.”

Iswilia 3:8

“Aso i kare nono wan bin okounu gamo kibut abakai are nogo me jo Amor, lobo kame tie i bad tetu kide me ecilet me Yorodan, cako ki ecilet me Arunon tuno i moru me Kerimon.

Yosua 12:1

Jo me Isirael oudo kong sek otieko bwono abakai are di gin kiko donyo bedo i lobo gi. Manono en bad tetu kide me Yorodan, cako ki Aditot me Arunon paka tuno i Aditot me Yorodan, kede da dok i bad tetu malo tuno i moru me Kerimon.

Yosua 12:6

Musa kede jo me Isirael obwono abakai are nogi. Musa, ngatic ka Rwot, oko mino lobo gi but jo me ekeko ka Ruben kede Gad kede dul me jo me ekeko ka Manase, pi doko mergi.

Yosua 13:7

Aso, nan in do popoko lobo noni ne jo me ikekon kanyangon me Isirael kede dul jo me ekeko ka Manase pi bedo mergi.”

Yosua 13:9

Lobo gi nono oudo cakere ki Aroer (i dog Aditot me Arunon) kede bomba kame oudo tie i cuny aditot nono di eko ribo lobo okiar di opetere cako ki Medeba tuno Dibon.

Yosua 22:4

Aso, nataman Rwot Rubanga wu otieko mino imiegu wu anapakin, bala kame en bin ecikere kede. Pi mano, dokunu paco i lobo kame bin wun imaunu, lobo kame Musa ngatic ka Rwot bin omio wu i loka tetu kide me ecilet me Yorodan.

Yosua 4:12

Jo me ekeko ka Ruben, jo me ekeko ka Gad, kede dul me jo me ekeko ka Manase oko ngolo loka kikato i nyim jo me Isirael di kitieko iikere pi yi, bala kame Musa oudo ociko negi.

1 Samuel 13:7

Iburanian mogo oko ngolo ecilet me Yorodan ot i lobo me Gad kede Gilead. Saulo oudo pwodi tie Giligal, di jo dedede kame oudo tie kede en kom gi oko donyo miel amiela pi lworo.