Yosua 13:5 - Baibuli I Leb Kumam 2013

⁵ lobo me bomba me Gebal; lobo me Lebanon lung dok tetu kide, cako ki Balagad kame tie i bad tetu piny me moru me Kerimon tuno Kamat, en yongayo atie i dierediere me mori.

Yosua 13:5 Iomraidhean Croise

1 Abakai 5:18

Jotic ka Sulumani kede me ka Kiram kede jo me bomba me Gebal oko iiko kide kede ibaon me gero ot ka Rwot.

1 Abakai 8:65

Aso, Sulumani kede jo me Isirael dedede oko tedo ebaga pi ceng kanyaare. Twon ekodet me jo en kame bin tie kunono, jo kame bin owok cako ki Lebo Kamat tuno i esamai me ikor me Misiri.

Sabuli 83:7

jo me Gebal, Amon kede Amalek, jo me Pilistia kede jo kame bedo Taya.

Isaya 10:9

Gin kimao bomban me Kalano, Kacemis, Kamat, kede Arapad, Samaria kede Damasiko.

Yeremia 52:9

Isirikalen me Babilon oko mako Esedekia di gin kiko tere Ribula i adul me Kamat, but Abaka Nebukadunesa, di en eko ngolo ne kop.

Esekeri 27:9

Jo kame in itie kede gi kame tic gi guro emeri oudo obedo joadongo me Gebal, kede jo ace me kunono kame tie kede diru i tic nono; tic gi oudo mwomwono kakatwolo. Jo dedede kame beo ki nam oudo bino cato wil i dukini nin.

Amosi 6:2

Wun iwacunu ne jo be, “Otunu ber inenunu bomba me Kalane, di ikounu yai ki kunono ikounu ot i bomba adwong me Kamat, di ikounu lor piny i bomba me Gat, en bomba me jo Pilistia. Benyo, tie moro i kom gi kame kalamo ajakanuto me Isirael kede Yuda? Tie moro kikom gi kame lac kalamo meru?”

Wel 13:21

Aso, gin kiko ot di kiko begao lobo nono cako ki wi tim me Sin tuno Rekob, i nget Lebo Kamat.

Wel 34:8

Ki kuno eko ot tuno Lebo Kamat di eko meede paka ot jik Sedad.

Iswilia 1:7

Cakunu bobo sapali wu, di ikounu ot donyo i piny kobedo mori mori me jo Amor karacel kede i adulion kame kio kede, gin en aditot me Yorodan, piny kobedo mori mori kede koditokin, Negeb, kede dog nam me Mediterania. Otunu idonyunu i lobo me Kanan paka tuno i moru me Lebanon, di ikounu ot paka tuno i ecilet adwong me Eupurate.

Iswilia 3:25

Akwai imia angol ecilet me Yorodan loka tuca di ako neno lobo amio kame tie loka tetu nono, piny acil kobedo mori mori nono karacel kede mori me Lebanon.’

Yosua 11:17

Adul nono riere yai ki moru me Kalak atie i bad tetu piny i nget Edom, di eko ot ape ape paka Balagad i bad tetu malo, i aditot me Lebanon i bad tetu piny me moru me Kerimon. Yosua obedo yi kede abakai me adul noni pi kare alac, do en eko mako gin dedede di eko neko gi.

Yosua 11:3

Ecwao kop da lwongo jo me Kanan atie i bad tetu kide kede i bad tetu tim me ecilet me Yorodan, jo Amor, jo Kiti, jo Perisi, jo Yebu atie i piny me imukuran, karacel kede jo Kibi kame bedo i dud moru me Kerimon i lobo me Misipa.

Yosua 12:7

Yosua kede jo me Isirael obwono abakai dedede kame oudo tie i lobo atie i bad tetu tim me Yorodan, cako ki Balagad i aditot me Lebanon tuno i moru me Kalak i bad tetu piny i nget Edom. Yosua opopoko lobo noni ne jo me ikekon me anywali me Isirael pi bedo mergi me atwal.