Yosua 13:3 - Baibuli I Leb Kumam 2013

³ ribo kiton lobo me jo Abim atie i bad tetu piny. (Lobo kame cakere ki osamai me Sikor, kame tie i ikor me Misiri, di eko ot ape ape i bad tetu malo paka tuno i ikor me Ekuron, kame oudo kotero be obedo lobo me jo Kanan; abakai me jo Pilistia oudo bedo Gasa, Asidod, Asikelon, Gat kede Ekuron.)

Yosua 13:3 Iomraidhean Croise

Ageini 10:6

Awobe ka Kam gin en: Kus, Misiri, Put kede Kanan.

Ageini 15:18

Cenge nono en kame Rwot oko sikano iye kede Aburam di ewaco be, “Ango amio but ikwae nin lobo noni, yai kiye ecilet me Misiri kiton tuno iye ecilet adwong me Eupurate,

1 Abakai 8:65

Aso, Sulumani kede jo me Isirael dedede oko tedo ebaga pi ceng kanyaare. Twon ekodet me jo en kame bin tie kunono, jo kame bin owok cako ki Lebo Kamat tuno i esamai me ikor me Misiri.

1 Iyutun 13:5

Aso, Daudi oko coko jo dedede me Isirael cako ki ikor me Misiri i bad tetu piny ape tuno Lebo Kamat i bad tetu malo. En ecoko gin dedede karacel pi omo Sanduku me Isikan ka Rubanga ki Kiriat Yearim di kiko tere Yerusalem.

Isaya 23:3

gin kingolo twon pie pi wilo kede cato engano me Sikor, kame kopuro i dog ecilet me Nail; oudo icatunu wil kede atekerin atot.

Yeremia 2:18

Iparo be nyo aber kame ibino udo kame ioto Misiri, pi mato pii me ecilet me Nail? Arabo iparo be nyo aber kame ibino udo kame ioto Asiria, pi mato pii me ecilet me Eupurate?

Iswilia 2:23

Gi acel nono da en kame bin oko timere ne jo Abim kame oudo bedo i lak nam me Mediterania ape tuno i bad tetu piny i bomba me Gasa. Jo kame bin owok ki cula me Kurete omuducaro jo Abim di gin kiko lunyo lobo gi lung.)

Yosua 13:13

kwanyo kenekene jo me Gesur kede Maka, gin pwodi kitie bedo i diere me jo me Isirael.

Jongolkop 16:5

Abakai me jo Pilistia oko ot but dako nono di kiko waco ne be, “Bitao cuny Samuson ewac ni gikame omio en etek kamano, kede ewac ni epone kame wan otwero bwone kede, tetekeny wan omake oko twene di oko aruno en; buli ngat acelacel kibut wa bino mini siliba tutumia acel kede tol acel.”

Jongolkop 3:3

Jo kame bin koweko oko dong i lobo nono gin en jopug kany me Pilistia kede jo kame gin kipugo, jo Kanan dedede, jo Sidon, kede jo Kibi kame bedo i piny kobedo mori mori me Lebanon, cako ki moru me Baal Kerimon ape tuno Lebo Kamat.

1 Samuel 5:1

Kakame jo me Pilistia omao kede Sanduku me Isikan ka Rubanga, gin kiko yene yai ki Ebenesa tuno i bomba me Asidod.

1 Samuel 5:10

Manono oko bin mino gi kicwao Sanduku me Isikan ka Rubanga Ekuron, en bomba ace me Pilistia. Do kakame Sanduku me Isikan ka Rubanga otuno kede Ekuron, jo me Ekuron oko kok be, “Pinyo komio kikelo Sanduku me Isikan ka Rubanga me Isirael kan pi bino neko wan dedede?”

1 Samuel 5:8

Gin kiko oro jo pi lwongo jopug kany me Pilistia pi cokere karacel, di kiko waco negi be, “Otimunu nyo kede Sanduku me Isikan ka Rubanga me Isirael?” Jo me bomba me Gat oko waco be, “Poore tero Sanduku me Isikan ka Rubanga Gat.” Di do gin kiko tero sanduku nono kuno.

1 Samuel 6:4

Jo oko penyere be, “Ocwai ne giamia nyo?” Gin kiko dwoko be, “Cwaunu cal kany me giakwoti kame kotimo kede saabu, kede da cal me iyoono kany kame kotimo kede saabu da, di lubere kede wel me jopug me Pilistia. Pien tuwo nono omako wu karacel kede jopug wu da.