Yosua 10:8 - Baibuli I Leb Kumam 2013

⁸ Rwot oko waco ne Yosua be, “Kur ilworunu gi, ateteni ango abino mino gi i cingu; likame tie ngatamoro akadi acel kibut gi kame bino twero yi kede wu.”

Yosua 10:8 Iomraidhean Croise

1 Abakai 20:13

Di enabi moro oko bino waco ne Abaka Akab me Isirael be, “Rwot owaco be, ‘Mam ineno twon jo kame Benekadad tie kede? Ango abino mino gin i cingi tin, di in iko bino ngeno be ango en Rwot.’ ”

Joroma 8:31

Nan owac do benyo? Ka Rubanga tie kede wa, ngai kame twero mon kede wa?

Iswilia 3:2

Rwot oko waco nango be, ‘Kur ilwore, pien ango ayaro mine i cingi, karacel kede jo mege kede lobo mere. Tim ne bala kame bin itimo ne Abaka Sikon me jo Amor kame bin pugo Kesibon.’

Iswilia 7:24

En ebino mino abakai gi i cingu di wun ikounu mino nying gi rwenyo ki wi lobo. Likame tie ngatamoro kame bino karuno yi kede wu; wun ibinunu muducaro gi.

Yosua 10:25

Yosua oko waco be, “Kur ibedunu kede lworo, doko da kur cunyu dubere. Bedunu jo atek atie kede nwangcuny, pie manoni en gikame Rwot bino timo ne jokwor wu dedede.”

Yosua 10:9

Yosua oko ot kede isirikalen mege iwor kiakia yai ki Giligal di kiko tuno i kom jo Amor nogo, di kiko ngeso suro gi.

Yosua 11:6

Rwot oko waco ne Yosua be, “Kur ibed kede lworo i kom gi, pien diki tetu esawa noni udo ango atieko neko gi ne wu. Ibinunu totongo amorito me tien asigiran gi di ikounu wango cabalan gi.”

Yosua 8:1

Rwot oko waco ne Yosua be, “Kur ibed kede lworo amoto potocuny; kwany isirikalen dedede iko ot tuno i bomba me Ai. Neningo ango abino mino i cingu abaka me Ai kede jo mege, bomba mere kede lobo mere dedede.

Jongolkop 6:16

Rwot oko bin waco ne be, “Ango abino bedo tie kedi, di in iko bino neko jo Midian kede yoto di ineno bala gin oudo kibedo dano acel kenekene.”

Jongolkop 7:9

Iwor me ceng nono Rwot oko waco ne Egidioni be, “Yai iko ot suro jo Midian i kimere gi; pien ango atieko mino gin i cingi.

1 Samuel 17:47

doko jo dedede kame tie kan ko bino ngeno be Rwot likame lako jo kede epima kede tong. Rwot bino bwono yi noni, en ebino mino wu i cing wan.”